Lajme

Taravari në takim në Kumanovë me sportist, klube dhe veteran të suksesshëm në kuadër të ditës ndërkombëtare të sportit

Published

1 year ago

06.04.2024

Admin01

Kandidati për President nga radhët e VLEN Arben Taravari ka zhvilluar sot në qytetin e Kumanovës, takim me sportist, klube dhe veteran të sukeshëm. Nga kjo ngjarje e organizuar për hir të ditës ndërkombëtare të sportit kandidati për President Arben Taravari ka pranuar komente dhe sugjerime nga sportistët në lidhje me problematikat, sfidat, mundësitë dhe zgjidhjet e mundshme që ka sporti në Maqedoni të Veriut.

‘Sot një aktivitet i rëndësishëm shumë për mua. Për hir të ditës ndërkombëtare të sportit zhvilluam një takim me sportistët e zonës së Kumanovës, klubet sportive dhe veteranët e sportit për të bashkëbiseduar për programin të cilën ne e përgatisim dhe jemi në përfundim. Sot morëm komentet e tyre për periudhën e kaluar se si është trajtuar sporti. Unë mendoj që në nivel shtetëror nuk ka qenë i trajtuar mirë. Duhet seriozisht të mendojmë për subvencionime për sportistët e suksesshëm që i kemi dhe për klubet sportive. Mendojmë që Agjencinë për Rini dhe Sport të shndërrohet në Ministri, Agjenci apo Drejtori të dedikuar vetëm për sportin. Kjo do ti jepte vlerë sa më të rëndësishme në shoqëri.’

Arben Taravari bënë thirrje nga Kumanova, që sporti të jetë në fokus dhe roli primar i shoqërisë, qeverisë dhe shtetit duhet të jetë detektimi dhe ndihma ndaj sportistëve të suksesshëm të cilët janë ambasadorët më të rëndësishëm të Maqedonisë së Veriut.

‘Ne e shohim të gjithë se kemi sportistë shumë të mirë të cilët dalin prej Maqedonisë së Veriut, të cilët këtu lindin, këtu shkollohen, dhe pastaj shkojnë e bëhen super të suksesshëm në botë. Duhet të gjejmë mënyrën se si ti detektojmë dhe ti nxjerrim në sipërfaqe. Natyrisht shoqëria, qeveria dhe shteti kanë për detyrim që ti detektojnë këto njerëz, ti ndihmojnë sepse ata e luajnë rolin e ambasadorëve të shtetit në përgjithësi.’

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

6 hours ago

03.09.2025

Admin01

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët

Lajme

Ambasadori Denion Meidani i jep mbështetje Naser Selmanit

Published

6 hours ago

03.09.2025

Admin01

Ambasadori i Shqipërisë në Maqedoni të Veriut, Denion Meidani, ka shprehur solidaritet me gazetarin Naser Selmani pas aktit të dhunës ndaj automjetit të tij në Shkup, njofton Top24

“Solidaritet me gazetarin Naser Selmani. Dhuna dhe kërcënimet ndaj gazetarëve janë sulm ndaj fjalës së lirë dhe demokracisë. Organeve hetimore u takon ta zbardhin rastin pa vonesë. Falenderoj Unionin e Gazetarëve Shqiptarë për reagimin!”, ka theksuar Meidani në reagimin e tij publik.

Lajme

Taravari dënon ashpër sulmin ndaj gazetarit Naser Selmani

Published

7 hours ago

03.09.2025

Admin01

Kryetari i Aleancës për Shqiptarët, Arben Taravari, ka dënuar ashpër sulmin ndaj gazetarit Naser Selmani, duke e cilësuar atë si një akt që i shtohet dhunës së rritur ndaj medias së lirë në vend.

“Dënoj ashpër sulmin ndaj gazetarit Naser Selmani, sulm i cili i shtohet dhunës që është rritur ndjeshëm ndaj medias së lirë. Kjo dhunë jep dy mesazhe të qarta: së pari, jetojmë në diktaturë – fatkeqësisht; së dyti, kjo diktaturë i ka ditët e numëruara. Edhe pse pushteti merret me Naserin, prapë fiton Naseri”, ka deklaruar Taravari.

Ai ka theksuar se liria e medias është vlerë themelore e demokracisë dhe se çdo tentim për ta mbytur atë përbën sulm ndaj qytetarëve dhe së drejtës së tyre për informim.

https://www.facebook.com/share/p/16CrNZLa4j/?mibextid=wwXIfr