Aleanca për Shqiptarët shpreh shqetësimin serioz për diskriminimin që u bëhet shqiptarëve nëpër institucionet shtetërore. Derisa VLEN lavdërohet me disa punësime që numërohen në gishtat e njërës dorë, publiku është dëshmitar se brenda një viti ka pasur rreth 1.000 punësime maqedonasish, ndërsa numri i shqiptarëve të punësuar mbetet qesharak dhe shqetësues – madje edhe në institucione që drejtohen nga eksponentë të VLEN-it.

A është kjo mënyra se si VLEN dëshiron ta shesë dështimin si arritje, kur mbarë popullata shqiptare e thotë fuqishëm se më keq se sot, kurrë nuk kanë qenë?

E rikujtojmë VLEN-in se deshqiptarizimi i administratës dëshmohet me fakte: nga 205 punësimet e fundit, vetëm dy ishin shqiptarë.

Sipas të dhënave publike dhe lehtësisht të verifikueshme, nga gjithsej 205 punësime dhe avancime të fundit në institucione si Enti i Statistikave, Arkivi Shtetëror, Drejtoria e të Ardhurave Publike, Ministria e Kulturës, Dogana, REK Manastir dhe të tjera, vetëm 2 shqiptarë janë punësuar apo avancuar, në krahasim me 203 maqedonas. Ky disproporcion është tregues i qartë i një politike të drejtuar për të zbehur përfaqësimin shqiptar në administratë.

Nga ana tjetër, afrimi i zgjedhjeve lokale gjithnjë e më shumë nxjerr në sipërfaqe dështimet e VLEN-it ndaj partnerëve maqedonas në qeveri. Kjo falë faktit se publikisht, Stoilkoviq ua ndalon të flasin shqip, si dhe me ndarjen e mjeteve për qindra projekte nga ministria që ai drejton për maqedonasit, serbët dhe romët, ndërsa shqiptarëve u pranohen vetëm tre projekte – edhe ato persona të afërt me Arben Fetain. Po ashtu, Angellov këto ditë, në një paraqitje publike, pohoi me zë dhe figurë se pas zgjedhjeve lokale do ta miratojnë Ligjin për “Branitellat” pa e pyetur fare VLEN-in.

Në vend të rikthimit të besimit te institucionet për shqiptarët, kjo qeveri ku bën pjesë VLEN – dhe të cilën Aleanca për Shqiptarët e braktisi për shkak të margjinalizimit të shqiptarëve – nuk ka kapacitet as të miratojë Ligjin për Përfaqësim të Drejtë dhe Adekuat, të cilin ne ua lamë të gatshëm.

ASH kërkon transparencë, përfaqësim real dhe barazi të plotë në çdo institucion shtetëror, dhe u bën thirrje shqiptarëve të mos e pranojnë heshtjen si normalitet, por të reagojnë me mjete demokratike kundër këtij procesi antishqiptar dhe antievropian, thuhet në kumtesën e Aleancës për Shqiptarët.

Shkruan Rami Mislimi – Gazetarë

Arben Fetahu përballë Pandurit!

Nuk dua të komentoj largimin e Arben Fetahut nga ASH apo nga ndarja me Arben Taravarin nëse ka bërë mirë apo keq, por dua të ndalem te përballja e tij e fundit në TV Dukagjini, në debat me gazetarin Ermal Panduri.

Pavarësisht se Ermali u përpoq ta vë në siklet, me pyetje provokuese dhe krahasime të mprehta, Arben Fetahu me mjeshtëri të madhe jo vetëm që iu përgjigj qetësisht çdo pyetjeje, por doli nga debati me dinjitet dhe qartësi, përballë një moderatori me përvojë dhe njohuri të thella për politikën në Maqedoninë e Veriut.

Është e vërtetë, siç ka thënë edhe Arben Taravari, se shqiptarët në Maqedoni janë në pozitë më të keqe se kurrë në këto 35 vite të papunë, pa përfaqësim real dhe pa ndikim në vendimmarrje. Por Arben Fetahu, me një mënyrë të artikuluar dhe bindëse, i dha debatit një frymë ndryshimi. Ai përcolli mesazhin se situata mund të ndryshojë, dhe se ka zëra të arsyeshëm dhe të aftë në politikën shqiptare.

Në VLEN, për mendimin tim, nuk ka ndonjë politikan që mund të përballet me këtë nivel debati dhe të mbetet i paçmontueshëm. Arben Fetahu është një prej të paktëve që e arrin këtë.

Nëse ka dikush që mund ta udhëheqë VLEN-in drejt një rruge të re dhe më të fuqishme, ai është Arben Fetahu.

Ky status vlen vetëm për debatin që kishte sonte Arben Fetahu!

Zeqirja Ibrahimi, kryetari i Alternativës dhe një nga figurat kyçe të koalicionit VLEN, është shembulli i një lideri politik me stil të matur dhe të kulturuar. Me profesion profesor universitar dhe njohës i shumë gjuhëve, ai sjell në politikë një qasje të qetë dhe të përgjegjshme, larg fjalorit vulgar që shpesh e karakterizon skenën politike.

Ibrahimi jo vetëm që ruan imazhin e tij si një njeri fisnik dhe unifikues, por edhe në debatet më të ashpra politike, ai di të përzgjedhë fjalët me kujdes, duke treguar respekt ndaj kundërshtarëve. Ky qëndrim i tij i matur ka fituar respekt dhe besim të gjerë brenda komunitetit shqiptar dhe më gjerë.

Gjithashtu, duke mos u imponuar me çdo kusht në proceset dhe vendimet e koalicionit VLEN, Ibrahimi tregon se është një lider që punon me përkushtim për unitetin dhe qëllimet e përbashkëta, pa u lënë pasionet personale apo ambiciet e çastit. Ky është një model që duhet vlerësuar dhe ndjekur në politikën shqiptare në Maqedoninë e Veriut.

Së fundmi Ibrahimi do të thonte: Legjitimiteti nuk është vetëm numri i votave, por edhe mënyra e përfaqësimit”, shkroi Ibrahimi, duke nënvizuar se votat e qytetarëve nuk duhet të kthehen në mekanizma për përfitime personale apo për të thelluar korrupsionin institucional.

Sipas Ibrahimit, përfaqësimi politik nuk mund të reduktohet në matematikë zgjedhore.

“Sepse, vërtet demokracia është matematikë, por përfaqësimi politik është edhe etikë”, përfundoi ai, duke sinjalizuar se VLEN synon të vendosë një standard të ri etik në qeverisje dhe përfaqësim. Flaka Media