Deputeti i koalicionit VLEN, Halil Snopçe në fjalimin e tij në foltoren e Kuvendit tha se në interpelancën ndaj Mexhitit votuan vetëm 3 deputetë pro, ndërsa koalicioni që e ka parashtruar atë interpelancë ka 18 deputetë. Sipas tij kjo është hipokrizi e llojit të vet, dhe doli se e gjithë kjo të jetë një farsë.

“Nuk ka pas interpelancë dhe votojnë vetëm 3 vota pro, ndërsa koalicioni që e shtrojnë interpelancën ka 18 deputetë, imagjinoni ku është hipokrizia. Kishim të drejtë që thamë se bëhet fjalë për farsë. Shifni, normalisht se kjo qeveri është në pushtet 6 muaj dhe normalisht se bëhet diçka. Kjo qeveri po merr masa për funksionalitetin e drejtësisë dhe luftën kundër korrupsionit dhe prandaj kemi këto iniciativa që u përmendën nga parafolësit. Nuk duhet të jesh ekspert si Frojdi për të njohur karakterin e të tjerëve, ai njihet nga praktikat se si janë ndeshur me vështirësitë. Nëse gjatë praktikës nuk ke qëndruar besnik përball vështirësive atëherë ky është karakter i dobët. Të korruptuarit janë të gatshëm të shesin gjithçka kombëtarë për të mbrojtur vetveten. Po tentoni të paraqitni si imazhe fantastike apo të çuditshme që lidhen me veprimtarinë tonë, por kjo është surealizëm. BDI partia e Agim Nuhiut, ministër i MPB-së gjatë ngjarjeve të 27 prillit, dhe plot rasteve tjera tragjike, kërkon dorëheqjen e zëvendësministrit tonë të MPB-së. Për herë të parë ka paraburgim për personat që përdhosën flamurin shqiptarë. BDI që i dha pasaportë Onishqenkon kur zëvendësministër ishte Nazim Bushi. Partia që dha mbi 200 pasaporta të kriminelëve që e rrezikoi sigurinë e qytetarëve tonë. Mos të flasim për Besa Transin, kur zëvendësministri juaj ka lejuar kalimin e kufirit pa licencë. Askush nuk ju beson këtyre politikanëve të korruptuar. As për gjuhë, as për vatan. Nuk ndërtuar asnjë spital, teatër, stadium, pra me zero investime kapitale. Me 28 nëntor të vitit që lamë pas festa u festua si asnjëherë në historinë e vendit. U festua në shkolla në sheshe e gjithandej. E vërteta juaj është mercedesi luksoz që u largua Grubi dhe Ferrari luksoz që po shetitet Mijallkovi në Monako”, ka deklaruar deputeti i koalicionit VLEN, Halil Snopçe.

Komuna e Gostivarit ditën e nesërme, 23 dhjetor, shënon ditë e saj.

Në këtë datë të rëndësishme, tradicionalisht do të shpallet qytetari i nderit dhe do të dekorohet të gjithë personalitete e spikatura, kontribuuesit dhe promovuesit e qytetit në nivel vendor dhe ndërkombëtarë.

Për kontributin e tyre, do të dekorohen edhe shoqata e grupe të ndryshme.

Me këtë rast, do bëhet pas shumë vitesh edhe ribashkimi i grupit muzikorë gostivaras “Shëndija” me këngëtar Amet Azizin. Përpos këtij grupi muzikorë, me mirënjohje do të dekorohet edhe grupi tjetër “Area”.

Nga komuna e Gostivarit paralajmërojnë organizim të paharruar që do mbetet gjatë në kujtesën e çdo gostivarasi.

Programi fillon në ora 19:00 dhe i njejti do të mbahet në Qendrën për Kulturë në Gostivar, ku pritet të marrin pjesë personalitete të shumta nga sfera të ndryshme të organizimit shoqëror.

Koordinatori i ASh për Zvicër – Izbi Vinca, ka komentuar rreth ndodhive të fundit politike në vend. Ai duke shkruar për futjen e Artan Grubit në listën e zezë të ShBA-së, ka thënë se përgjegjësia penale dhe morale janë të pandara për një politikan.

“Në rastin e Artan Grubit, përfshirja në korrupsion që minon institucionet demokratike, që në thelb përbën akuzë për shkelje të disa ligjeve, kërkon përgjigje të qartë, jo vetëm nga ana ligjore, por edhe morale. Përgjegjësia morale kërkon që liderët të mbajnë llogari për veprimet e tyre. Dorëheqja morale e Ali Ahmetit (dhe jo vetëm), si lider i BDI-së, do të ishte një hap i rëndësishëm për të treguar një angazhim për transparencë dhe etikë, duke dhënë një shembull të përgjegjësisë politike për interesin publik”, ka shkruar Vinca.

Në fund, Vinca ka shkruar se përgjegjësia penale dhe morale janë dy aspekte të pandara të një politikani të ndershëm dhe të përgjegjshëm, dhe veprimet që dalin nga këto duhet të kontribuojnë për një shoqëri më të drejtë dhe më të përgjegjshme.