Connect with us

Lajme

Taravari e filloi shkarkimin e drejtorëve ekonomikë të klinikave, njofton se për dy muaj do të pezulloj funksionin

Published

5 months ago

on

Taravari konfirmoi informacionin në publik se drejtori i Klinikës së Kardiokirurgjisë, dr.Marjan Shokarovski, këtë fundjavë nga zëvendësministri i Shëndetësisë është rikthyer në pozitën e drejtorit të Klinikës së Kardiokirurgjisë dhe thotë se vendimi është i saktë.

Ministri i ri i Shëndetësisë, Arben Taravari, dy orë pas marrjes së detyrës nga zëvendësministrja Maja Manoleva, njoftoi se nga sot do të fillojë shkarkimin e drejtorëve ekonomikë të klinikave. Siç tha Taravari, pas dy muajsh do të shkarkohen të gjithë dhe funksioni i drejtorit ekonomik nuk do të ekzistojë më, pra do të ketë vetëm një drejtor në klinika. „u.d. Drejtorë ekonomikë, janë 14 i kam dhënë urdhër Ministrisë, unë do shkoj në Shtip, të shohim spitalin atje, po do të kthehem t’i nënshkruaj.
Sot po shkarkohen një numër i caktuar drejtorësh ekonomikë të cilave u përfundon mandati i ushtruesit të detyrës diku deri në mes të korrikut. Të gjithë do të shkarkohen. Ata me mandat do të më duhen ndryshime në ligj dhe tashmë është dhënë urdhri për ndryshimin e ligjit sa më shpejt që të mos ketë më drejtorë ekonomikë. Mendojeni mirë, për një apo dy muaj nuk do të ketë më drejtorë ekonomikë, as me ligj”, tha Taravari i cili pas marrjes së detyrës të Shëndetësisë vizitoi sallat e operacionit të Klinikës TOARKIQU. Sa i përket atyre drejtorëve ekonomikë që kanë mandat deri në gusht apo shtator, Taravari tha se në ditët në vijim do ta shohë se si do të trajtohet pasi, tha ai, nuk dëshiron të rrezikojë padi kundër Ministrisë.

I pyetur nëse fillimisht do të caktohen ato Kinika ku nuk ka drejtor mjekësor që të ketë kush t’i menaxhojë dhe më pas të zgjidhen ato ekonomike, Taravari tha se nuk do të lejohet të mbetet hapësira bosh.

„ Këto ditë do të emërojmë drejtorë mjekësorë në ato klinika ku nuk ka“,

tha Taravari duke shtuar se kjo do të vlejë edhe për Klinikën e Toksikologjisë.

Taravari konfirmoi informacionin në publik se drejtori i Klinikës për Kardiokirurgji, dr. Marjan Shokarovski, këtë fundjavë nga zëvendësministri i Shëndetësisë është rikthyer në postin e drejtorit të Klinikës për Kardiokirurgji.

„ Është e vërtetë, më tha zëvendësministri dhe mendoj se ka vepruar drejt sipas asaj që ka treguar KSHPKK. Normalisht, riktheu drejtorin e vjetër dhe mendoj se vendimi është i drejtë. Në të ardhmen do të shohim ndoshta do të emërojmë kudo drejtorë të rinj“, tha Taravari.

Në pyetjen se sa larg është bashkimi i Qendrës Klinike dhe kur mund të pritet, Taravari tha se sa më shpejt të bëhet, aq më mirë.
„Nuk duhet të shpejtohet. Unë mendoj se maksimumi për një vit do të bashkohen. Na duhen sistematizime të reja që të mos ketë kaos, nuk do të doja të kishim sërish disfunksionalitet, gjithçka duhet të sinkronizohet dhe do të përpiqem të bëj sa më shpejt bashkimin e Qendrës Klinike“, tha Taravari.

Taravari në tribunën e Koalicionit „VLEN“, para zgjedhjes së Qeverisë së re, paralajmëroj se si ministër i Shëndetësisë, sapo të merrte detyrën, u zotua për shkarkimin e drejtorëve ekonomikë të klinikave, prej të cilave tha se afër 90 për qind janë drejtorët ushtrues detyre, kurse për të tjerët që kanë vendim do të paraqesin Propozim-amendamentet e ligjit që të mos ekzistojnë më drejtorët ekonomikë.

Related Topics:
Continue Reading

Lajme

Snopçe: BDI votoi ligj për promovimin e gjuhës maqedonase

Published

3 days ago

on

November 20, 2024

By

Deputeti i VLEN-it, Halil Snopçe, duke folur rreth Ligjit për përdorimin e gjuhëve u ndal te Ligji gjuhës maqedonase duke informuar publikun më tepër rreth këtij ligji që ka kaluar me lehtësi e në qetësi, e më e rëndësishmja që ky ligj u votua në fillim të këtij viti nga deputetët e BDI-së.

Ai tha se ekziston Ligji për përdorimin e gjuhëve, por nuk duhet të harrojmë që gjithashtu ekziston edhe një Ligj për përdorimin e gjuhës maqedonase dhe alfabetin e saj cirilik.

“Dhe gjithë këto që derdhin lot krokodili dhe aktrojnë se gjuha shqipe është rrezikuar duhet të jenë të vetëdijshëm se ky ligj për përdorimin e gjuhës maqedonase i cili ligj e avancon tej mase përdorimin e gjuhës maqedonase u soll me 26 janar me votat e BDI-së, pra pa përkrahjen e deputetëve të BDI-së në mandatin e kaluar nuk do të sillej ky ligj. Ironia që të jetë më e madhe, ky ligj u soll pikërisht në periudhën kur Talat Xhaferi ishte kryeministër. Neni një i këtij ligji thotë se gjuha maqedonase është e drejtë dhe obligim i të gjithë qytetarëve, ndërsa neni dy thotë se Qeveria siguron strategji nacionale për përdorimin e gjuhës maqedonase. Neni gjashtë thotë se ngjarjet publike që organizohen në Maqedoni me investim të shtetit patjetër gjuha parë që duhet të përdoret duhet të jetë gjuha maqedonase dhe pastaj gjuha e komuniteteve tjera.

Imagjinoni edhe Ali Ahmeti po të organizon eveniment me para të shtetit kur del në foltore sipas ligjit për përdorimin e gjuhës maqedonase duhet së pari të flet maqedonisht dhe tek pastaj në shqip”, deklaroi Snopçe.
Ai shtoi se sipas këtij ligji, Ministria e Arsimit, është e obliguar të shpallë konkurse për bursa për të gjithë maturantët që vendosin të studiojnë gjuhën maqedonase sipas ligjit të votuar me 26 janar nga deputetët e BDI-së

Continue Reading

Lajme

Shaqiri: Ali pse nuk ua mbajte ballin me dorë Harunit, Shqiponjës, Mirsadit, Begut, Rexhailit e shumë dëshmorëve tjerë?!

Published

3 days ago

on

November 20, 2024

By

Shkruan Rijad Shaqiri deputet i Aleancës për Shqiptarët pjesë e koalicionit qeverisës VLEN

Më inspiroj fjalimi i xhaka Aliut se zoti Albin Kurti kryeministri i Republikës së Kosovës qenka i pa informuar për ligjin mbi përdorimin e gjuhës në RMV, sa për informim kryeministri është i mirë informuar për çdo detaj dhe ndodhi politike ktu në RMV.
Po ju rikujtojë se Nënat Shqiptare i kan ledhatuar ballin djemve të tyre por ju Xhaka Ali po ju sa i rrespektuat djemt e Kosovës dhe te Maqedonisë që jan në Sllupçan,Hotël,Mateç, Haraçinë, duhej edhe ju tua mbanit ballin dëshmorëve në vazdimësi jo vetëm kur jeni në opozitë, duhej ta kujtosh edhe ta ledhatosh edhe Harun Aliun l, Mirsadin Begun,Rexhail Qerimin,Komandant Shqiponjën, Visarin mos ti harrosh edhe Sokolin, Fadilin, Valin,Demën Muhamedin edhe shum të tjerë që ju me strukturat e juaja i futët burgjeve.
Mos të harrosh ti trajtoje fëmijtë e dëshmorëve që ke lënë në vende të punës (Postjer, në Pagesa te rrugëve, pylltarë, rojtarë etj) ndërsa ata që ta ledhatonë ballin ty, i gjithë trungu familjarë punojnë në institucione ku marrin paga mbi 2000 eu.
Xhaka Ali kur ke qenë ti vizitosh këta varreza të dëshmorëve pasi që tani ke një nostalgji më të madhe sepse je në opozitë.
Demagogjia nuk ka brina!

Continue Reading

Lajme

Taravari: Pagat në Shëndetësi do të bëhen më të lartat në historinë e këtij shteti

Published

3 days ago

on

November 19, 2024

By

Ministri i Shëndetësisë dhe njëri nga liderët e VLEN-it, Arben Taravari ka ndarë lajmin e shumëpritur për punonjësit shëndetësor ku rritja e pagave gjatë katër vitet e ardhshme në shëndetësi do të jetë mes 40 dhe 50 për qind.

“Lajm i Jashtëzakonshëm! Pagat në Shëndetësi do të bëhen më të lartat në historinë e këtij shteti! Faleminderit Qeverisë dhe Sindikatave që u dakordësuan për të këtë marrëveshje që do të hyjë në faqet e ndritura të këtij vendi”, ka njoftuar Arben Taravari.

Më herët edhe kryeministri Hristijan Mickoski falënderoi organizatat sindikale dhe sindikatat që morën pjesë në mënyrë konstruktive me idetë e tyre gjatë të gjithë këtij procesi, së bashku siç u tha edhe nga përfaqësuesit e sindikatave, Ministrisë së Financave, Ministrisë së Shëndetësisë, Fondit të Sigurimeve Shëndetësore, si dhe bashkë me të tjerët që ishin të përfshirë.

Tashmë me këtë marrëveshje të arritur vitin e ardhshëm në mars do të kemi një rritje shtesë prej 5 për qind të shumës së ndarë për pagat për punonjësit e shëndetësisë, ndërkaq në 2026 prej 5 deri në 7 për qind. E njëjta rritje prej 5 deri në 7 për qind do të realizohet edhe në vitin 2027, ndërsa në vitin 2028 do të jetë prej 7 deri në 10 për qind. Ose kur e merrni të gjithë këtë periudhë me radhë, fitojmë një rritje të masës në para të nevojshme për pagesën e pagave të punonjësve të shëndetësisë për të gjithë periudhën midis 40 dhe 50 për qind.

Continue Reading

TOP Lajme