Rruga Mara Ugrinuva në Gostivar tanimë duket krejtësisht ndryshe nga ajo që ishte. Kryetari i komunës së Gostivarit, Valbon Limani ka promovuar asfaltimin e kësaj rruge e cila është njëra nga disa projektet mbi infrastrukturën rrugore që po realizon kohët e fundit në Gostivar. Në promovimin e kësaj rruga e cila ndodhet pas stacionit të autobusëve merrnin pjesë edhe banorët e kësaj zone të cilën u shprehën falënderues ndaj pushtetit lokal për premtimet e mbajtura.

Kryetari Limani tha se rruga e asfaltuar ka gjatësi prej 350 metra, ndërsa kostoja financiare arrin në 4.9 milionë denarë. “Dolëm këtu pas përfundimit të punimeve në rrugën “Mara Ugrinova” me gjatësi prej 350 metrave, projekt i cili kushtoi diku afro 4.9 milionë denarë. Gjithashtu njëri prej projekteve të cilat i kishim planifikuar dhe i cili tanimë është realizuar. Do të vazhdojmë me realizimin e projekteve tjera ashtu siç kemi paralajmëruar, besoj se ky projekt do ti ndihmojë shumë kësaj pjese”, tha Limani.

Pas deklaratës së kryetarit të Lëvizjes BESA, Bilall Kasami, se “çdo subjekt që largohet nga VLEN nuk e ka përkrahjen e 107.000 votuesve”, ka ardhur një reagim i ashpër nga Valmir Lleshi, aktivist i Aleancës për Shqiptarët dhe moderator i tubimeve gjatë fushatës në kuadër të koalicionit VLEN.

Përmes një postimi publik, Lleshi ka akuzuar Kasamin se po tenton të përvetësojë meritën e votave të koalicionit, duke i kujtuar se nuk ka qenë i pranishëm as në hapjen e fushatës në Dibër për shkak të mungesës së strukturave të Besës në atë zonë. “Le t’i tregojë be dikush këtij Bilall Kasamit se 107.000 votat e VLEN-it nuk mund t’i përvetësojë ky. A don ta dish sa peshë ke be o gjalo?! Po mos be, se e dimë en si ke qenë, en si je…”, shkruan Lleshi, duke shtuar se për mungesën e Kasamit në hapjen e fushatës ka dëshmitarë dhe madje edhe incizime.

Sipas tij, prezenca e Kasamit në terren ka qenë e dobët, dhe madje vetë këshilltarët e tij i kanë kërkuar që të arsyetojë mungesën e tij me një “udhëtim në Tiranë”. “Jo se këta të tjerët janë më të mirë… po barem ato nuk flasin, se e dinë të gjithë se si është puna, o Billo. Testi më i mirë është vota… zgjedhjet afrohen… ta shohim njer kandarin kah shkon”, vijon më tej Lleshi.

Në fund, Lleshi i sugjeron Kasamit të “mos merret me politika të mëdha”, duke ironizuar me situatën aktuale në Tetovë dhe duke aluduar për një izolim politik të mundshëm të tij në të ardhmen.