Politika

Talat Xhaferi në dy karrige dhe me dy rroga – Antikorrupsioni kërkon t’i merret mandati i deputetit!

Published

1 year ago

02.06.2024

Admin01

Kryeministrit teknik, Talat Xhaferi iu kërukua para disa ditësh nga Komisioni për Parandalimin e Korrupsionit të largohen menjëherë nga Qeveria, duke shprehur shqetësimin për respektimin e rendit kushtetues dhe parimit të ndarjes dhe kontrollit të legjislativit mbi pushtetin ekzekutiv.

Megjithatë, nga kostituimi i përbërjes së re parlamentare, Xhaferi edhe pse vetë e pranoi është se ka konflikt interesash të mbetet kryeministër dhe deputet, vazhdon të mbetet në të dyja pozitat, dhe sipas tij, nuk do të kishte problem nëse do të mbetej kështu.

Nëse Xhaferi nuk jep dorëheqje, ekspertët janë të mendimit se Kuvendi duhet të konstatojë se atij i ka përfunduar mandati si deputet.

“Kuvendi patjetër ta njoftojë menjëherë Xhaferin për ekzistimin e jokompatibilitetin e finsksionit të tij parlamentar me një funksion në pushtetin ekzekutiv dhe t’i tregojë se i ka pushuar pozita e kryeministrit dhe të mos e lërë që t’i interpretojë normat juridike ashtu si dëshiron dhe si i konvenin atij”, thotë profesori i së drejtës kushtetuese nga Universiteti i Shkupit, Denis Preshova.

Krahas Xhaferit, në situatë të ngjashme janë edhe disa ministra të tjerë për të cilët nuk dihet nëse do ta marrin pagën e ardhshme nga Qeveria apo nga Kuvendi. Në mesin e tyre është edhe ministrja e kulturës, e cila u bë deputete. Nga dy kolltuqe funksionarësh mbajnë ministrja e Mbrojtjes – Sllavjanka Petrovska, Ilir Demiri – ministër i Shëndetësisë, Fatmir Bytyqi – zv.kryeministër për çështje ekonomike, Ljupço Nikollovski – ministër i Bujqësisë dhe Bllagoj Boçvarski – ministër i Transportit dhe Lidhjeve.

Tani, cilën rrroga do ta marr Xhaferi dhe ministrat në ikje – atë të deputetit apo atë të ekzekutivit? A është e drejtë në kohë krize kur qytetarët mezi mbyllin muajin, këta persona të marrin nga dy paga?

Pos Antikorrupsionit, për rastin konkret duhet të reagojnë edhe institucionet tjera pasi këtu duket qartë se ka shkelje ligjore dhe konflikt interesi mbi fuksionet publike për të zgjedhur dhe të emëruar.

Lajme

ASH: A do të vazhdojë Mickoski ta mbrojë Mexhitin nga akuzat për 450 mijë euro provizion për “Skënderbeun”

Published

11 hours ago

04.09.2025

Admin01

A mendon ende kryeministri Hristijan Mickoski se Izet Mexhiti, partneri i tij i koalicionit nga VLEN, si kryetar i Çairit ka marrë provizion prej 450 mijë eurosh për sheshin “Skënderbeu”, ashtu siç akuzonte VMRO-DPMNE kur ishte në opozitë? Publikonin shifra, skandale e afera për shpërdorimet në pushtetin lokal, ndërsa sot janë partnerë besnikë të qeverisë. Nëse Mickoski ka harruar, opinioni e mban mend mirë kur deputeti i VMRO-DPMNE-së, Antonio Miloshoski, publikisht shpaloste akuza kundër Mexhitit për korrupsion, abuzime, krime dhe provizione të rënda prej 450 mijë eurosh. Mickoski dhe VMRO-DPMNE duhet t’u përgjigjen pyetjeve që janë të pashmangshme dhe të interesit publik: • A heq dorë Mickoski nga deputeti i tij Antonio Miloshoski dhe pretendimet e tij, vetëm për ta shpëtuar Mexhitin? • A beson ende VMRO-DPMNE në akuzat e veta ndaj Mexhitit, apo atëherë kritika ishte vetëm populizëm i lirë? • A është gati kjo parti t’i mbyllë sytë para të gjitha atyre pretendimeve për krim, vetëm për të qëndruar në pushtet? Dhe më e rëndësishmja: a është flijuar interesi i popullit për karriget dhe funksionet e tyre? Aleanca për Shqiptarët rikujton: lufta kundër korrupsionit nuk është objekt pazari. Nuk ka kompromis me krimet e dyshuara, as alibi për dyfytyrësi politike. Ka ardhur koha që VMRO-DPMNE të zgjedhë qartë: sundim të ligjit apo mbrojtje të rehatisë së koalicionit. Qytetarët nuk do të pranojnë standarde të dyfishta – një gjë të flisni kur jeni në opozitë, dhe krejt tjetër të bëni sapo të uleni në pushtet. Nëse VMRO-DPMNE vërtet do të paraqitet si bartëse e ndryshimeve, duhet publikisht dhe pa kalkulime të tregojë: a do të qëndrojë në anën e drejtësisë apo do të mbetet bashkëfajtore në praktikat korruptive që vetë i denonconte. Aleanca për Shqiptarët

VIDEO LINK NGA DEKLARATA E MILLOSHOVSKIT: https://wetransfer.com/downloads/293903f41a359828b4c466506b23882c20250904074808/eb0f4decf459b9a362add3444382d88720250904074809/2c85f7?t_exp=1757231289&t_lsid=396598c5-0560-40c8-8b14-7422e3a152bd&t_network=email&t_rid=Z29vZ2xlLW9hdXRoMnwxMTEwOTk4MjkwNjc5NzYzNTY4OTM=&t_s=download_link&t_ts=1756972089

Lajme

Aleanca për Shqiptarët: Sulmi në Tetovë është akt barbar me bazë etnike

Published

13 hours ago

04.09.2025

Admin01

Aleanca për Shqiptarët shpreh indinjatën dhe shqetësimin e thellë për aktin e fundit të dhunës brutale në Tetovë, ku mbi 20 huliganë të grupit “Vojvoda” kanë sulmuar barbarisht dy nxënës shqiptarë të shkollës së mesme ekonomike.

Ky sulm, i cili ka lënë pas dy të mitur me lëndime të rënda – njëri me hundë të thyer dhe tjetri me brinjë e krah të thyer – është dëshmi e një klime të papranueshme urrejtjeje etnike dhe tolerance institucionale ndaj huliganizmit.

Kërkojmë urgjentisht nga Ministria e Brendshme dhe Prokuroria Publike që të identifikohen dhe të arrestohen menjëherë të gjithë autorët e këtij akti kriminal, të cilët jo vetëm që kanë rrezikuar jetën e dy të rinjve, por kanë goditur edhe ndjenjën e sigurisë së qytetarëve.

midle
Aleanca për Shqiptarët paralajmëron se heshtja dhe mosveprimi i shtetit përballë rasteve të tilla vetëm sa i inkurajojnë grupet huligane që të përsërisin sulme të ngjashme.

Dhuna ndaj fëmijëve është vijë e kuqe dhe përgjegjësia bie mbi institucionet që duhet të garantojnë rend dhe siguri”, theksohet më tej.

ASh qëndron pranë viktimave dhe familjeve të tyre, duke i inkurajuar të kërkojnë drejtësi deri në fund. Ky rast, nuk duhet të mbyllet si një incident i zakonshëm, por të trajtohet si akt i dhunës së organizuar me bazë etnike.

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

1 day ago

03.09.2025

Admin01

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët