Kanë vazhduar edhe më tej problemet me partinë Alternativa ku një profil tjetër i kësaj partie këtë herë nga radhët e forumit rinorë i kanë kërkuar nga kryetarit të partisë Zeqirja Ibrahimi, ish kryetarit Afrim Gashi dhe nënkryetarit të partisë Bekim Saliu që të thërasin kryesinë sa më parë për të shqyrtuar pozicionet e kësaj partie dhe të mos shëndrohemi në vegla të partive të tjera, shkruan Top24

Thellohet kriza brenda VLEN-it. Ndarja e komunave në koalicionin VLEN mund të shndërrohet në “mollë sherri” mes liderëve. Portali TS mëson ekskluzivisht nga burime të besueshme dhe të sigurta se brenda VLEN-it ka nisur një konflikt serioz lidhur me ndarjen e komunave.

“Nëse nuk e marrim Çairin ose Tearcën, do të largohemi”, thuhet nga partia Alternativa para tryezës së VLEN-it.

Sipas burimeve të portalit TS, Alternativa ka kërkuar që të ketë të paktën një komunë fituese, në mënyrë që të jetë e barabartë me partnerët e tjerë të koalicionit. Komuna kufitare as që diskutohet, pasi Alternativa synon një komunë me peshë politike.

Nga ana tjetër, Çairin nuk e lëshon Izet Mexhiti, Tearcën nuk e lëshon Bilall Kasami.

Këta dy liderë, përmes ndarjes së komunave, e kanë më të sigurt fitoren dhe pritet të marrin nga dy apo tre komuna fituese, ndërsa Alternativa mbetet me zero.

Kjo situatë ka shkaktuar tensione të mëdha brenda Alternativës. Mbrëmë ka plasur përleshja edhe në Kumanovë, ku një anëtare e kryesisë doli hapur duke kërkuar llogari nga kreu i partisë për dyshime mbi ryshfete të marra për tenderët nga Shtëpia e Shëndetit Publik në Kumanovë.

Ndërkohë, kriza në Alternativë shihet edhe nga mospjesëmarrja e Afrim Gashit dhe Bekim Saliut në hapjen e shtabit të VLEN-it – një sinjal i qartë i pakënaqësisë së tyre./TS/

Pas ndarjes së komunave nga Fronti Kombëtar, ku është bashkuar edhe Aleanca për Shqiptarët, kanë nisur të qarkullojnë anketat e para në tryezat e partive politike.

Anketa e parë e besueshme, e realizuar nga një kompani serioze në fund të muajit maj, që nuk është bërë ende publike. Për këtë arsye, portali TS nuk do ta dëmtojë kompaninë duke zbuluar emrin apo autorësinë e sondazhit.

Anketa është zhvilluar në të gjitha komunat, por portali TS do të publikojë fillimisht vetëm rezultatet për komunën e Zhelinës, si pjesë e një serie që do të vazhdojë në ditët në vijim.

Sipas anketës, nëse zgjedhjet do të mbaheshin të dielën e fundit të majit, rezultati në Zhelinë do të ishte si vijon:

BDI: 37.3%

Lëvizja BESA: 25.5%

Aleanca për Shqiptarët: 5.9%

Të pavendosur: 25.5%

Nuk kanë dashur të përgjigjen: 5.9%

Gjithashtu, në përmbledhjen e përgjithshme të anketës theksohet se kryetarët e komunave të VLEN-it kanë pësuar rënie drastike gjatë muajve prill–maj, për shkak të perceptimit të qytetarëve për nënshtrimin e tyre ndaj shtypjes që ju bën VMRO-ja. Disa nga shkaqet e pakënaqësisë së shqiptarëve ndërlidhet me ndalimin e përdorimit të gjuhës shqipe, punësimet e njëanshme në favor të maqedonasve dhe procesin e ndryshimeve kushtetuese./TS/