Lajme

Shqiptarët e Amerikës letër Trumpit: Njohja reciproke Kosovë-Serbi, zgjidhja e vetme – ju jeni paqebërësi i shekullit

Published

2 months ago

08.08.2025

Admin01

Organizata Albanians for America (AFA) dhe një numër organizatash të komunitetit shqiptaro-amerikan i kanë drejtuar një letër të hapur Presidentit Donald J. Trump, duke e cilësuar si “paqebërësin e shekullit” dhe duke e inkurajuar fuqimisht që të mbështesë përmbylljen e procesit të njohjes reciproke ndërmjet Kosovës dhe Serbisë.

Në letrën e firmosur nga AFA dhe organizatat bashkëpunëtore, theksohet mbështetja e plotë për thirrjet për implementimin e menjëhershëm të njohjes reciproke si zgjidhja e vetme për paqen afatgjatë në Ballkanin Perëndimor.

“Njohja reciproke nuk është thjesht një formalitet diplomatik, është rruga më efektive dhe pragmatike përpara. Zgjatja e status quo-së është destabilizuese dhe rrezikon sigurinë rajonale dhe interesat amerikane,” thuhet në letër.

Organizatat shqiptaro-amerikane i bëjnë thirrje Presidentit Trump që të:

Riafirmojë publikisht mbështetjen e SHBA-së për njohjen reciproke Kosovë–Serbi si bazë për paqe të qëndrueshme;

Inkurajojë të dy vendet të finalizojnë njohjen dhe të angazhohen për bashkëpunim, mbi bazën e normalizimit të marrëdhënieve;

Mbështesë mekanizma të fortë për zbatim të plotë dhe të përkohshëm të marrëveshjeve të arritura.

Letra përfundon me një mesazh të fuqishëm përkrahjeje për Trump, duke theksuar se komuniteti shqiptaro-amerikan është i gatshëm të mbështesë çdo përpjekje që do të sjellë përfundimisht një zgjidhje të drejtë dhe të qëndrueshme për çështjen e Kosovës.

“Faleminderit për angazhimin tuaj të vazhdueshëm për paqen përmes forcës dhe për udhëheqjen tuaj në këtë çështje të rëndësishme,” përmbyllet letra.

Lajme

Ky është ish-ushtari i UÇK-së që u gjet i vdekur pranë varrezave në Podujevë

Published

21 minutes ago

27.09.2025

Admin01

Media ka raportuar të premtën për një vetëvrasje në fshatin Përpellac të Podujevë.

Policia ka njoftuar se pranë viktimës është gjetur një pistoletë me 6 fishekë dhe një gëzhojë është sekuestruar.

“Raportohet se në varrezat e fshatit është gjetur viktima mashkull kosovar, pa shenja jete. Afër trupit të tij është gjetur një pistoletë. Pistoleta me 6 fishekë dhe një gëzhojë është sekuestruar. Me vendim të prokurorit trupi i pa jetë i viktimës është dërguar në IML për obduksion”, thuhet në njoftimin 24-orësh të policisë.

Burimet e medias kanë mësuar se viktimë është veterani i Ushtrisë Çlirimtar të Kosovës, Hamdi Zejnullahu.

Lajme

Të hënën edhe zyrtarisht fillon fushata zgjedhore

Published

29 minutes ago

27.09.2025

Admin01

Partitë dhe të pavarurit janë gati, fushata zgjedhore do të fillojë të hënën. Disa nga pjesëmarrësit në zgjedhjet lokale kanë nënshkruar një kod sjelljeje për zgjedhje të ndershme dhe demokratike.

Ata sigurojnë se nuk do të ushtrojnë asnjë presion mbi punonjësit e administratës publike gjatë procesit zgjedhor dhe do të përmbahen nga gjuha e urrejtjes.

Dhe në Komisionin Shtetëror të Zgjedhjeve, pjesëmarrësit në zgjedhje do të nënshkruajnë një kod sjelljeje për zgjedhje të drejta dhe demokratike.

Lajme

Blerant Ramadani viziton Eco Tehnix në Saraj — mbështetje e fortë për investimet ekologjike dhe inovative

Published

55 minutes ago

27.09.2025

Admin01

Kandidati për kryetar të Komunës së Sarajit, Blerant Ramadani, së bashku me bartësin e listës, Iljas Veseli, vizitoi nga afër kompaninë Eco Tehnix, një ndër të vetmet në rajon që prodhon kontejnerë inovativë me sistem të automatizuar.

Ramadani vlerësoi punën dhe vizionin e kompanisë, duke theksuar se mbështetja për investime të tilla është thelbësore për zhvillimin afatgjatë të Sarajit. Ai shprehu mirënjohje të veçantë për biznesmenin e suksesshëm, aga Sefedin nga Svillarja, i cili ka zgjedhur të investojë në vendlindje dhe të krijojë vlerë të qëndrueshme për komunën.

“Projekte si Eco Tehnix tregojnë se Saraji ka potencial të madh për t’u bërë qendër e inovacionit dhe zhvillimit të gjelbër. Si udhëheqje e ardhshme, do të qëndrojmë gjithmonë pranë çdo investitori që sjell vizion dhe ndikim pozitiv,” – theksoi Blerant Ramadani.

Vizita e Ramadanit shënon një sinjal të qartë se prioriteti i tij si kryetar i ardhshëm do të jetë mbështetja e biznesit lokal dhe nxitja e investimeve ekologjike që krijojnë vende pune dhe e modernizojnë komunën e Sarajit.