Nënkryetari i ASH-Sela ka kaluar në ASH-në e Taravarit kur edhe sot u pa me Arben Taravarin duke shkuar në mbledhjen e ASH-së. Arben Taravari bëri të ditur se Isen Shabani nga sot do të bëhet anëtar i Kuvendit të ASH-së”

Isen Shabani prej sot anëtar i Kuvendit të Aleancës për Shqiptarët, ku do të jetë edhe kandidat i ASH-së për komunën e Vrapçishtit.
Pas mbledhjes së Kryesisë, Taravari foli edhe për kandidatin që do të jetë për kryetar të komunës së Vrapçishtit, që siç tha, me shumë gjasa do të jetë Isen Shabani.
“Me shumë gjasa, kandidat i Aleancës për Shqiptarët edhe pse në fund vendosë Kuvendi, do të jetë Isen Shabani”, tha Taravari.
I pyetur se a do të thotë se mund të pritet ribashkimi i Taravarit me Selën?

Taravari: “Jo, jo, jo! Jo, nuk ka tendenca të atilla, as që diskutohet për atë…”, u përgjigj Taravari.

Kryetari i BDI-së, Ali Ahmeti e quajti VLEN-in organizatë, për këtë, kreu i LD-së, Izet Mexhiti, tha se VLEN-i është koalicion i pesë partive, që përfaqëson shqiptarët në qeveri.
“Sa i përket formulimit të politik, organizatë, parti politike, lëvizje, mendoj që i ka ngatërruar. VLEN-i është një koalicion i pesë partive politike, që përfaqëson shqiptarët në qeveri”, tha Mexhiti.
I pyetur për deklaratat e Ahmetit, i cili tha se VLEN-i po e degradon pozitën e shqiptarëve dhe të arriturat në 22 vitet e fundit, Mexhiti tha:
“Edhe pse kjo qeveri nuk i ka numrat e dy qeverive të kaluara. Dmth ku qeveria ishte në këmbë të qelqit, edhe e Kovaçevskit, edhe e Zaevit, edhe përkundër kësaj, z.Ahmeti nuk e shfrytëzoj këtë për të mirën e shqiptarëve, nuk e shfrytëzoi këtë për të mirën e shqiptarëve, nuk e shfrytëzoi për avancimin e shqiptarëve, nuk e shfrytëzoi as për projekte kapitale infrastrukturore. Këtë po e përmirëson pikërisht kjo qeveri e VLEN-it, ku 1 miliard euro shkojnë për komunat dhe për decentralizimin, dhe me shumë përgjegjësi e them se diku rreth 300 milionë euro shkojnë për 15 komunat tona”, shtoi Mexhiti.

Duke marrë parasysh tragjedinë e rëndë që ndodhi në orët e para të 16 marsit 2025 në qytetin e Koçanit, ku si pasojë e një zjarri shkatërrues humbën jetën 60 qytetarë dhe mbi 150 të tjerë u lënduan,
Duke konstatuar dështimet serioze të institucioneve përgjegjëse në zbatimin dhe garantimin e standardeve të licencimit, sigurisë dhe mbikëqyrjes inspektuese dhe policore,
Duke shprehur ngushëllimet më të sinqerta për familjet e viktimave dhe uruar shërim të shpejtë për të lënduarit,
Duke falënderuar institucionet shëndetësore për përkushtimin dhe profesionalizmin e treguar, si dhe partnerët rajonalë dhe ndërkombëtarë për solidaritetin dhe asistencën e menjëhershme në menaxhimin e pasojave të kësaj tragjedie,
Duke u udhëhequr nga parimet themelore të drejtësisë, llogaridhënies, transparencës dhe mbrojtjes së interesit publik,
Kuvendi i Aleancës për Shqiptarët miraton këtë:
REZOLUTË
1. Kërkohet zhvillimi i një hetimi të plotë, të pavarur dhe transparent mbi tragjedinë në Koçan, nën drejtimin e institucioneve kompetente, të çliruara nga çdo ndikim politik, me detyrim për informim të rregullt dhe publik të qytetarëve për ecurinë dhe gjetjet e hetimit.
2. Kërkohet rihapja e hetimeve për tragjeditë e mëhershme, Durmo Turs, Besa Trans dhe Spitali Modular në Tetovë, të cilat së bashku kanë marrë jetën e 135 qytetarëve dhe për të cilat ende nuk është vendosur përgjegjësi institucionale apo individuale.
3. Kërkohet identifikimi dhe përcaktimi i qartë i përgjegjësisë, si individuale ashtu edhe institucionale, përmes analizës së thelluar të shkaqeve të dështimeve sistemike, duke adresuar neglizhencën, paaftësinë dhe praktikat korruptive.
4. Theksohet domosdoshmëria për forcimin e transparencës dhe llogaridhënies, përmes publikimit të procedurave të inspektimeve, raporteve të kontrollit dhe ndarjes së të dhënave me publikun në mënyrë të rregullt dhe të qasshme.
5. Kërkohet verifikim i detajuar i pasurisë dhe interesave të të gjithë zyrtarëve përgjegjës dhe inspektorëve, me qëllim të zbulimit të çdo konflikti interesi apo lidhjeje të mundshme korruptive me subjektet e inspektuara.
6. Rekomandohet ndërmarrja e mbikëqyrjes së jashtëzakonshme në të gjitha objektet me rrezik të lartë, në përputhje me standardet ndërkombëtare të sigurisë, veçanërisht në sektorët e gastronomisë, shëndetësisë, arsimit, sportit, transportit dhe ndërtimit.
7. Kërkohet reformë urgjente e politikës ndëshkimore, që garanton ndëshkime të drejta, të rënda dhe të zbatueshme ndaj të gjithë atyre që, përmes veprimeve apo mosveprimeve të tyre, kontribuojnë në ndodhinë e tragjedive të tilla.
8. Insistohet në zbatimin e menjëhershëm dhe të plotë të të gjitha rekomandimeve kundër korrupsionit të dhëna nga Komisioni për Antikorrupsion dhe Enti Shtetëror i Auditimit, pa vonesa, devijime apo selektivitet.
Kuvendi i Aleancës për Shqiptarët riafirmon bindjen se tragjedia e Koçanit nuk duhet të reduktohet në një statistikë të dhimbshme, por të shërbejë si pikë kthese për ndërtimin e një kulture të re të përgjegjësisë, sigurisë dhe sundimit të ligjit në Republikën e Maqedonisë së Veriut.
Koha për drejtësi, veprim dhe ndryshim është tani.
Miratuar më 06 prill 2025, në Gostivar