Deputetja e koalicionit VLEN përmes një publikimi në rrjetin e saj social ka bërë të ditur se shumë shpejt si grup parlamentar VLEN do të ngrisin iniciativën në Kuvend për mazutin kancerogjen.

Kujtojmë që, për këtë rast Policia dhe Prokuroria realizuan një aksion të përbashkët, siç njihet në opinion si rasti “Mazuti”, ku rreth 13 persona dyshohet se kanë dëmtuar buxhetin e shtetit për mbi 167 milionë euro, gjatë furnizimit me mazut që dyshohet se është kancerogjen, e që ka përfunduar në TEC “Negotinë”.

Në mesin e të dyshuarve është edhe ish drejtori i EMV-së, V.K., i cili është në arrati, pronari i kompanisë “RKM”, R.K. dhe pronari i “Pucko Petrol”, A.J., E.S. dhe një ish-drejtori tjetër i EMV-së.

Ministri i Ekonomisë dhe Punës, Besar Durmishi, ka njoftuar që kanë pasur takim me përfaqësuesit e sindikatave ku kanë diskutuar për pagën minimale, marrëveshjen kolektive dhe përfaqësimin sindikal.

“Nga takimi me përfaqësuesit e sindikatave, ku diskutuam për pagën minimale, marrëveshjen kolektive dhe përfaqësimin sindikal. Qëndrimi ynë si Qeveri është i qartë: Paga minimale përcaktohet me ligj dhe afati për caktimin e saj është 31 mars. Ne do të mbështesim çdo marrëveshje që arrihet mes sindikatave dhe punëdhënësve, përmes dialogut ekonomik e social”, ka shkruar ministri i Ekonomisë, Besar Durmishi.

Ai ka shtuar tutje se Ministria që ai udhëheq do të jetë partnere e sigurt dhe janë të gatshëm për dialog në çdo kohë.

“Ministria e Ekonomisë dhe Punës mbetet partnere e sigurt dhe e hapur për bashkëpunim me punëtorët dhe punëdhënësit. Ne jemi gjithmonë të gatshëm për dialog, kurdoherë që palët e kërkojnë”, ka përfunduar Durmishi.

Ministri i Punës dhe Politikës Sociale, Fatmir Limani, ka njoftuar që sot ka realizuar takim pune me drejtorët e Qendrave për Punë Sociale dhe të institucioneve publike për mbrojtje sociale. Nga atje ka theksuar se këto takime do të shndërrohen në praktikë të rregulltë.

“Së bashku me zëvendësministrin Velkovski dhe një pjesë të Kabinetit, zhvilluam takim pune shumë produktiv me drejtorët e Qendrave për Punë Sociale dhe të institucioneve publike për mbrojtje sociale. Ky lloj takimesh do të bëhet praktikë e rregullt, por do të organizohen edhe vizita të vazhdueshme në qendrat për punë sociale dhe në institucionet, me qëllim që së bashku t’i shqyrtojmë sfidat aktuale me të cilat përballen institucionet tona, të shkëmbejmë përvoja dhe – më e rëndësishmja – të dakordohemi për hapa konkretë për përmirësimin e sistemit”, ka shkruar ministri Fatmir Limani.

Ai gjithashtu ka njoftuar se në takim kanë diskutuar edhe për procedurat e sigurimit fizik çështje për të cilën tha se është në fazën e fundit.
“Diskutuam për disa çështje kyçe, përfshirë ngjarjen në Prilep dhe ekspozimin e punonjësve socialë ndaj sfidave gjatë përmbushjes së detyrave të tyre të punës. Në këtë drejtim, i informova se procedura për sigurim fizik është në fazën përfundimtare. Folem gjithashtu për përmirësimin e kushteve të punës, planet për renovimin e qendrave, nevojën për punësime të reja, rritjen e pagave në mbrojtjen sociale dhe implementimin e sistemit SWIS. Punonjësit socialë janë nxitës të ndryshimeve në shoqëri dhe roli i tyre është i pazëvendësueshëm. Ministria është e gatshme për mbështetje të plotë dhe bashkëpunim, me qëllim që së bashku të krijojmë politika dhe masa që do të sigurojnë shërbime sociale më cilësore për qytetarët, por edhe punonjës të kënaqur dhe të motivuar”, ka përfunduar Limani.