Connect with us

Lajme

Qindra shtëpi të lagjes 146 në Tetovë, prej më shumë se dy dekada përballen me mungesën e ujit të pijshëm

Published

on

Qindra shtëpi të lagjes 146 në Tetovë, prej më shumë se dy dekada vuajnë mungesën e ujit të pijshëm. Banorët thonë se ujin e sigurojnë përmes çezmës në pjesën e poshtme të lagjes, ose blejnë nga dyqani. Punimet kanë filluar, ndërsa banorët kërkojnë përshpejtim pasi situata është e padurueshme.

“Ujë kemi por i turbullt është, ujë të turbullt kemi. Një orë ka dhjetë nuk ka. Në këto temperatura paramendoje ma si jemi. Kemi shpresë se do na e sjellin ujin sepse na kanë premtuar, por a do të bëhet apo jo nuk e dimë. Kanë filluar punimet, por a do vazhdojnë apo jo se di. Na ka premtuar se do na e sjellin ujin”, tha një banor.

“Lagja Bregu i Diellit nuk ka ujë të pijshëm, nga puset cisternat mbushim kështu mbytemi tash e 25 vite me radhë. Thonë se punojnë atje dhe janë duke u përpjekur ta furnizojnë lagjen me ujë të pijshëm. Premtime kemi tash e 25 vite gjitha strukturat na kanë rrejt vazhdimisht”, u shpreh një banor.

Kreu i komunës së Tetovës Bilall Kasami tha se punimet kanë nisur, por për shkak të terrenit të papërshtatshëm, punët shkojnë ngadalë.

“Po punohet intensivisht lartë. Për momentin në komunë të Tetovës janë mbi pesë projekte që janë duke u realizuar. Në këtë situatë nuk bëjmë fushatë, andaj nëse doni, mund bashkë të dalim dhe të shohim punimet që bëhen, por, terreni është shumë i papërshtatshëm dhe punimet nuk ecin ashtu siç duam ne. Por në momentin që po flasim ka punime në terren, unë besoj që shpejtë edhe ky ujësjellës do jetë në përdorim për qytetarët e lagjes 146”, deklaroi Bilall Kasami.

Përveç mungesës së ujit të pijshëm, një pjesë e shtëpive të kësaj lagjeje, përballen edhe me problemin e legalizimit të shtëpive të tyre, sepse një pjesë e madhe e tyre, përkatësisht rreth 60 të, janë të ndërtuara në tokë që i takon Bashkësisë fetare Islame.

Continue Reading

Lajme

Blerant Ramadani për sulmin në Manastir: Akt i papranueshëm dhe i turpshëm!

Published

on

By

Sekretari i ASH-së dhe njëhertie dhe kandidati për kryetar të Sarajti, Blerant Ramadani ka dënuar fuqishëm sulmin ndaj një qytetari suedez në Manastir, i cili ndodhi vetëm për shkak të një ngatërrimi mbi përkatësinë etnike.

Ai e ka cilësuar ngjarjen si “akt të papranueshëm dhe të turpshëm”.

Ramadani thekson se dhuna mbi baza etnike është “plagë e së kaluarës” dhe nuk mund të tolerohet në një shoqëri që aspiron standarde evropiane. Ai ka kërkuar veprim të shpejtë dhe të qartë nga drejtësia, duke theksuar se askush nuk duhet ndëshkuar për identitetin e tij, por të respektohet si qytetar i lirë.

Continue Reading

Lajme

Osmani i përgjigjet VLEN-it për “takimet me Gruevskin”: I ka kapluar frika dhe po shpifin

Published

on

By

Është një rregull në fushatë. Kur një kamp politikë ka frikë, atëherë fillon shpikë. Prej kur doli anketa e fundit që tregoi dallimin 10% filloi një fushatë e propagandës dhe shpikjeve. Edhe kjo është e llojit tillë. Kështu është përgjigjur Bujar Osmani në pyetjen e VLEN-it nëse i njëjti ka takuar dy herë Gruevskin në Budapest.

“Nuk ka pasur takim. Ata e kanë kryetar nderi të partnerit tyre të koalicionit (VMRO) me të cilën janë nënshtruar aq shumë. Mund ta pyesin edhe kryetarin e partisë (Mickoski), i cili është i emëruar prej atij kryetari nderi. Ashtu që, nuk kalon kjo te qytetarët. Unë jam çdo ditë me qytetarët. Qytetarët duan fushatë pozitive. Pa shpikje pa manipulime. Ata duan shpresë. Në Çair po krijohet një lëvizje e re e shpresës, e rezistencës, një lëvizje për Çair të ri. Unë thash edhe dje, njerëzit masovikisht po na bashkëngjiten. Po na bashkëngjiten njerëzit e VLEN-it, të cilët thonë u dëshpëruam- Për shkak se shpresuam në ndryshim dhe përfunduam në poshtërim dhe diskriminim. Po na bashkëngjiten qytetarë që nuk janë të asnjë partie politike, për shkak se në kandidaturën time ata nuk po shohin një kandidat për kryetar komune, por një shpresë, një lëvizje për një Çair të ri”, ka thënë Osmani.

Continue Reading

Lajme

“Menduan se është shqiptar, rrihet 32 vjeçari me shtetësi suedeze në Manastir, ia morën bluzën me shqiponjë” (Foto)

Published

on

By

Ndryshimi i fundit 13:04 31 Gusht, 2025
Një 32-vjeçar me shtetësi suedeze, me qëndrim të përkohshëm në Dibër, është sulmuar të enjten në mbrëmje në rrugën “Rruga e Gjerë” në Manastir nga disa të rinj rreth 20 vjeç. Sipas raportimit të tij në polici, të panjohurit i janë afruar dhe kanë tentuar t’ia heqin me forcë bluzën, në të cilën kishte simbole të një shteti tjetër – që dyshohet të ketë qenë Shqipëria.

Pasi pa se nuk mund të mbrohej, viktima ua dorëzoi vetë bluzën sulmuesve, të cilët më pas u larguan në drejtim të panjohur.

Policia e Manastirit ka hapur hetim dhe po punon për identifikimin e autorëve.

Raporti i Policisë
Të enjten, rreth orës 19:50, në SPB Manastir, S.H.D. (32) nga Suedia, me qëndrim të përkohshëm në Dibër, ka raportuar se në rrugën “Rruga e Gjerë – Широк Cокак” në Manastir, i janë afruar disa persona të panjohur, rreth 20 vjeç, të cilët kanë tentuar t’ia heqin bluzën që kishte veshur, në të cilën kishte simbole të një shteti tjetër – njoftoi Ministria e Punëve të Brendshme (MPB).

Sipas kallëzuesit, pasi e kuptoi se nuk mund të mbrohej nga personat, ai vetë e hoqi bluzën dhe ua dha, pas së cilës ata janë larguar në drejtim të panjohur.

“Po bëhen verifikime për ngjarjen dhe po merren masa për identifikimin e autorëve,” thuhet në buletinin e policisë.

Continue Reading

TOP Lajme