Lajme

Qeveria e RMV premton zhvillim ekonomik, por sjell vetëm rritje çmimesh!

Published

8 hours ago

June 21, 2025

Admin01

Pasqyra makroekonomike për ekonominë e vendit nuk ka ndryshuar dukshëm në krahasim me projektimet e tetorit, vlerëson Këshilli i Bankës popullore. Në mbledhjen e rregullt, siç informojnë nga banka qendrore, ishte miratuar raporti më i ri i tremujorit në kuadër të të cilit janë prëfshirë edhe projektimet makroekonomike.

“Rritja e ekonomisë vendore gradualisht do të përshçejtohej në periudhën e projektimeve 2025 – 2027. për këtë vit pritet rritje prej 3 për qind, që paraqet revizion të vogël të pamjaftueshëm në rpaort me vlerësimin e tetorit, në kushte të ambientit më të pavolitshëm të jashtëm. Për periudhën 2026 – 2027, vlerësimet edhe më tej tregojnë rritje të aktivitetit ekonomik prej 4 për qind. Pritet që bartës kryesor të rikuperimit ekonomik të jenë investimet, mbështetur nga cikli publik infrastrukturor dhe investimet e huaja. Nxitje pozitive pritet edhe nga konsumi personal, në kushte të rritjes së të ardhurave të disponueshme dhe të rkeditimit. Rreziqet për rritjen edhe më tej janë të theksuaras dhe kryesisht në rënie”, thekson Banka popullore.

Nga atje presin trend të mëtutjeshëm të ngadalësimit të inflacionit.

“Vlerësimet më të reja udhëzojnë për shkallë mesatare të inflacionit prej 3 për qind në vitin 2025, përkundër pikëpamjeve të tetorit për inflacion prej 2,5 për qind. Ky ndryshim i reflekton realizimet pak më të larta në tremujorin e parë të këtij viti, por edhe rrevizionet në ngritje të vlerësimeve për çmimin e naftës së papërpunuar dhe të produkteve themelore ushqimore në bursat botërore. Megjithatë, edhe më tej pritet që inflacioni të reduktohet në mesatare historike prej 2 për qind në vitin 2026 dhe do të mbetet në atë nivel edhe në vitin 2027. Rreziqet për inflacionin në masë të madhe ndërlidhen me tensionet gjeopolitike, paqartësinë tregtare të shkaktuar nga politikat protekcioniste, çrregullimet e zinxhirëve të furnizimit dhe faktorët klimatik”, ceket në kumtesën e Bankës popullore.

Pritjet janë se pozita e jashtme e ekonomisë në afat të mesëm do të jetë stabile.

Për këtë vit parashihet thellim i matur i deficitit në 3,2 për qind të BPV-së që sipas Bankës qendrore do të dalë nga suficiti më i ulët tek të ardhurat sekondare, në pajtim me pritjet për stabilizim të shumës nominale të neto-prurjeve nga transferet private, si dhe nga zgjerimi i deficitit të mallrave dhe shërbimeve. Për periudhën 2026 – 2027 pritet përmirësim i llogarisë rrjedhëse, gjatë deficitit të projektuar të transaksioneve rrjedhëse mesatarisht prej 2,7 për qind të BPV-së. Në tërë periudhën e projektimit pritet mbetja e rezervave devizore në nivelin adekuat.

Lidhur me sistemin bankar, nga banka qendrore vlerësojnë se ai edhe më tej do të sigurojë mbështetje solide kreditore për ekonominë.

Deri në fund të vitit pritet që rritja kreditore të paraqesë 9 për qind. pritet rritje edhe në afat të mesëm, por pak më e matur dhe me shkallë mesatare prej 7,3 për qind për periudhën 2026 – 2027, në kushte të pozitës solide kapitale dhe likuide të bankave. Rritja kreditore, si deri më tani, do të mbështetet nga rritja e depoziteve, si burim kryesor i financimit. Në fund të vitit pritet rritje solide vjetore e depoziteve prej 7,5 për qind, ndërsa në afat të mesëm për periudhën prej vitit 2026 deri në vitin 2027 prej rreth 7,7 për qind mesatarisht./Koha/

Lajme

Rrahje masive në mes të ditës në rrethrrotullimin hyrës të Shkupit (Video)

Published

1 hour ago

June 21, 2025

Admin01

Një përleshje masive ka ndodhur sot në mesditë në rrethrrotullimin kryesor në hyrje të Shkupit. Pamjet e publikuara nga dëshmitarë tregojnë disa persona të përfshirë në konflikt fizik, duke shkaktuar panik mes qytetarëve dhe pengesa në komunikacion, transmeton Flaka

Policia ka ndërhyrë dhe ka nisur hetimet për zbardhjen e ngjarjes. Deri më tani nuk raportohet për të lënduar rëndë.

Lajme

Alternativa para hapit të madh, largohet nga Qeveria?!

Published

3 hours ago

June 21, 2025

Admin01

Deputetja e Alternativës Emërlije Saliu përmes një preskonference ka reaguar ndaj parades së krenarisë që mbahet në Shkup. Ajo që u vërejt është se deputetja Saliu doli në preskonferencë si deputete e Alteranativës e jo e VLEN-it.

Jozyratrisht mësohet se Alternativa do të largohet nga Qeveria brenda javës së ardhëshme. Këtë e paralajmëroi edhe lideri i BDI-së ku tha se brenda javës së ardhëshme pret zhvillime që do ti përshëndesën gjithë shqiptarët, shkruan Top24

Lajme

Organizohet për herë të parë në Preshëvë Panairi i Librit Shqip

Published

3 hours ago

June 21, 2025

Admin01

Në Shtëpinë e Kulturës “Abdulla Krashnica” u hap me krenari Panairi i Parë i Librit Shqip në Preshevë, një ngjarje historike që vendos librin dhe gjuhën shqipe në qendër të vëmendjes kulturore.

Ky panair, për herë të parë i organizuar nga Komuna e Preshevës, është rezultat i një bashkëpunimi të ngushtë dhe të qëndrueshëm me Ambasadën e Republikës së Shqipërisë në Beograd, të cilën e falënderojmë për mbështetjen financiare dhe morale, veçanërisht Ambasadorin z. Bardhyl Canaj, për përkushtimin ndaj shqiptarëve të Luginës.

Në vitin 2021, këtë panair e synuam si projekt kulturor të përbashkët me Qeverinë e Shqipërisë–tani po e realizojmë”, tha Kryetarja e Komunës së Preshevës Ardita Sinani.

Përgjatë dy ditëve (21-22 qershor) kjo festë e librit do të bashkojë shkrimtarë, lexues dhe botues nga të gjitha trojet shqiptare.

Ky panair është një mundësi për të nderuar autorët tanë të mëdhenj — ata që me fjalën e tyre e mbajtën gjallë gjuhën shqipe edhe në kohë të errëta, që e ndërtuan identitetin tonë kulturor me mendim të thellë, me ndjenjë dhe me kurajë. Vepra e tyre është themeli mbi të cilin ndërtojmë sot.

Por ky panair është edhe një ftesë për autorët e rinj, për ata që vijnë me një zë të freskët, me tema të reja, me një gjuhë që flet për realitetin e sotëm dhe për ëndrrat e brezit të ri.

Hapjen e Panairit të parë të Librit në Preshevë e përshëndeti edhe drejtoresha e Qendrës Kombëtare të Librit dhe Leximit, Alda Bardhyli.

“Të mbledhur sot rreth librit, ne nderojmë historinë shqiptare dhe i japim asaj një dimension të ri – dimensionin e bashkëpunimit kulturor mbarëkombëtar. Prania e shkrimtarëve dhe botuesve nga të gjitha trevat shqiptare dëshmon se fjala shqipe, e shkruar dhe e lexuar, vazhdon të na bashkojë, pavarësisht kufijve. Në emër të Qendrës së Librit, Ministrisë së Ekonomisë Kulturës Inovacionit shpreh mbështetjen tonë të plotë për këtë nismë. Ne besojmë se libri është themeli i një shoqërie të ndriçuar, dhe se investimi në kulturë është investim në të ardhmen. Ky panair nuk është thjesht një ekspozitë botimesh – është një festë e mendimit dhe krijimtarisë shqiptare. Është një ftesë për të rinjtë që të afrohen me librin, për të ndërtuar ura ndërbrezore, dhe për të ruajtur identitetin tonë kulturor përmes dijes. Uroj që ky panair të bëhet një traditë vjetore që rritet me çdo edicion, dhe që e vendos Preshevën në hartën e ngjarjeve të rëndësishme kulturore shqiptare”, u shpreh Alda Bardhyli, drejtoreshë e Qendrës Kombëtare të Librit dhe Leximit.

Një nismë e tillë, është një mundësi për të forcuar lidhjet tona shpirtërore, gjuhësore dhe kulturore, duke bërë që libri shqip të mos njohë kufij.

Ky panair organizohet nga Biblioteka e qytetit “Mehmet Jusufi” dhe shtëpia botuese “Albas” në Preshevë me ndihmën dhe financimin e Ambasadës së Shqipërisë në Beograd dhe me mbështetjen e komunës së Preshevës. Panairi do të vizitohet edhe nga Ministri i Ekonomisë Kulturës Inovacionit Blendi Gonxhe, i cili do të përshëndesë këtë festë të fjalës shqipe.

“Le të jetë kjo ngjarje fillimi i një tradite të përvitshme, një festë e mendjes shqiptare në Preshevë.

Presheva flet më fort–përmes librit, përmes dijes dhe përmes dashurisë për gjuhën shqipe”, u shpreh kryetarja Sinani.