Kur parimi është më i rëndësishëm se pushteti: Taravari zgjodhi të largohej nga një qeverie që i përdor shqiptarët si dekor politik

Editorial nga PressOnline.al

Kur Arben Taravari zgjodhi të largohej nga Qeveria dhe të mos bëhej pjesë e konfigurimit të ri politik me VMRO-DPMNE-në, shumëkush e paragjykoi. Por sot, me një realitet të zymtë për shqiptarët në Maqedoninë e Veriut, është më se e qartë: Taravari kishte të drejtë, shkruan PressOnline.al

Qeveria e re VMRO-VLEN nuk është qeveri e barazisë, as e reformës, dhe sigurisht as e përfaqësimit të denjë të shqiptarëve. Është një qeveri ku shqiptarët janë të pranishëm vetëm numerikisht – por të përjashtuar nga vendimmarrja. Janë aty si stoli politik, jo si faktor shtetformues. Pikërisht këtë e paralajmëroi Taravari që në momentin e ndarjes nga projekti VLEN.

Sot, lideri i Aleancës për Shqiptarët e thotë troç: VLEN si projekt ka dështuar, dhe ajo pjesë e shqiptarëve që kanë mbetur në qeveri janë thjesht lajkatarë të pushtetit. Me fjalë të tjera, ata nuk përfaqësojnë interesat e shqiptarëve, por mbrojnë një agjendë që shërben tjetërkund – aty ku fuqia dhe ndikimi vijnë nga qendrat e vendimmarrjes maqedonase.

Në vend që të luftojnë për barazi, për rol real në qeverisje, për drejtësi e zhvillim për shqiptarët, ata janë kthyer në zëdhënës të interesave të huaja politike. Kjo, siç thotë vetë Taravari, nuk është vetëm dëm për shqiptarët – është dëm për të gjithë qytetarët, sepse “kur shqiptarët janë keq, të gjithë janë keq”.

Shqiptarët, sipas Taravarit, po kalojnë ditët më të errëta në Maqedoninë e Veriut. Dhe me të drejtë paralajmëron se faktori ndërkombëtar tashmë ka filluar të shqetësohet për ndikimin rus dhe serb në rrjedhat politike të vendit – një alarm që nuk mund të injorohet. Në këtë kontekst, heshtja e përfaqësuesve të VLEN në qeveri është dëshmi e një kapitullimi të plotë politik.

Më e rënda? VLEN ka harruar pse erdhi në pushtet. Harroi fjalët e mëdha për “ndryshim”, “dinjitet” dhe “barazi”. Harroi qëllimin për të ndërtuar një shtet më të mirë për shqiptarët. Sot, pjesëmarrja e tyre në qeveri është shndërruar në legjitimim të një sistemi që i mban shqiptarët të margjinalizuar.

Në këtë dritë, Taravari nuk është thjesht opozita shqiptare – ai është zëri i arsyes dhe parimit. Ai nuk pranoi të bëhet pjesë e një fasade. Ai kërkoi jo përfaqësim numerik, por ndikim real në vendimmarrje. Dhe kjo është ajo që i takon shqiptarëve si shtetformues në këtë vend.Sot, kur realiteti politik flet vetë, shqiptarët duhet ta kuptojnë qartë një gjë: largimi i Taravarit nga kjo qeveri nuk ishte një akt i dobësisë, por një akt i guximit dhe përgjegjësisë. Ai refuzoi të bëhet pjesë e një mashtrimi dhe sot e ka fituar të drejtën morale dhe politike për të thënë: e paralajmërova këtë, por nuk më dëgjuat.(PressOnline.al)

Pas paralajmërimeve nga portali TS, se brenda VLEN po ka konflikte në lidhje me kandidaturat dhe ndarjen mes tyre, sot këtë konflkit apo këto përplasje e ka vulosur Izet Mexhiti njëri ndër liderët e VLEN-it. Mexhiti u shpreh hapur se e vetmja kandidaturë zyrtare dhe që do të mbështet është ajo e Mendi Qyrës për Strugën të tjerat janë ende në tavolinë.

Portali TS javë më parë paralajmëroi gjithashtu se në tavolinën e VLEN-it po ka debate të nxehta se për komunën e Çairit dhe Tearcës ku Alternativa ka kërkuar një komunë që pretendon të fitojë zgjedhjet, por kjo ka hasur në refuzim të plotë edhe nga Mexhiti por edhe nga Kasami.

Por Bilall Kasami bashkë me Blersim Sejdiun kanë shpallur vetvetiu kandidaturat e tyre pa u konsultuar me liderët tjerë të VLEN-it.

Ky refuzim i Mexhiti mund të thellojë edhe më tej problemet që ka VLEN brenda koaliconit se kush dhe kujt i takojnë komunat sipas ndarjes 25%./TS/

Kryetari i ASH-së, Arben Taravari, kërkon që shqiptarët si shtetformues në Maqedoninë e Veriut, në ekzekutiv të mos jenë vetëm numerikisht të përfaqësuar, por të kenë rol vendimmarrës.

Ai këtë deklaratë e ka bërë duke paralajmëruar se cili duhet të jetë roli i shqiptarëve në qeverinë e ardhshme – pozitat e tyre dhe jo vetëm përfaqësim simbolik, siç ndodh aktualisht me VLEN.

Në një intervistë për gazetën “Bota sot”, Taravari është pyetur për vizionin e tij mbi rolin që duhet të kenë shqiptarët në qeverinë e ardhshme – përfaqësim numerik apo ndikim real në vendimmarrje?

Në përgjigjen e tij, kreu i ASH-së pohon qartë se shqiptarët si autoktonë në Maqedoni, duhet të jenë pjesë e çdo niveli të shtetit.

“Shqiptarët janë shtetformues dhe autoktonë në këto troje. Është e padiskutueshme që ata duhet të jenë pjesë e çdo niveli në shtet”, deklaroi Arben Taravari, kryetar i ASH-së.