Lajme

Profesor Reka: Edhe eshtrat i dridhen dëshmorit Abdylselam Eminit për politizimin e UT-së

Published

1 year ago

19.03.2024

Admin01

Profesori universitar, Arianit Reka pranë Universitetit të Tetovës në intervistën për Alsat M ka folur rreth gjendjes së arsimit në RMV, politizimit të universiteteve, gjegjësisht universitetit të Tetovës. Reka dha vërejtjet për mungesën e teksteve shkollore nëpër shkolla. Ai foli edhe për rangimet ndërkombëtare të universiteteve, pasi asnjë nga ato vendore vazhdimisht shënon rënie, përcjell Nistori.

I pyetur nga gazetari nëse UT është politizuar, duke marrë parasysh vizitat e shpeshta të funksionarëve të BDI-së në këtë universitet dhe dekorimi me çmime si për Ali Ahmetin, dikur Honoris Causa, edhe tash Talat Xhaferi u nderua me çmimin “Fadil Sulejmani” nga UT. Reka tha se edhe vet BDI e pranon politizimin e universitetit, mirëpo në media tregojnë krejtësisht një tregim tjetër.

“Po, është politizuar. Dhe për këtë politizim i dridhen edhe eshtrat e Abdylselam Eminit, dëshmorit të universitetit. Është politizuar dhe për këtë e dijnë edhe ata vet që e kanë politizuar dhe se vet ata e kanë pranuar që e kanë politizuar. Por kur dalin në medium, tregojnë një tregim komplet tjetër”, deklaroi Reka.

Ndryshe, punonjësit e pesë universiteteve shtetërore, “Nënë Tereza”, “Universiteti i Tetovës”, “Goce Dellçev” Shtip, “Shën Klimenti i Ohrit” Manastir dhe “Shën Apostol Pavle” Ohër më herët u shprehën të revoltuar dhe të diskriminuar që nuk fituan rritje pagash për 22 %, siç fituan kolegët e tyre nga universiteti “Shën Kirili dhe Metodi” Shkup, por sipas Rekës, rritjen e rrogave e kanë gëzuar vetëm punonjësit e universitetit “Shën Kirili dhe Metodi”, por jo edhe të UT-së.

Reka foli edhe për diskriminimin në investimet infrastrukturore, si në hapësira pune, gjithashtu ashtu edhe në laboratorë kërkimorë. Sipas tij, padrejtësia që i është bërë Universitetit të Tetovës është më se e qartë. Ai mori si shembull universitetin Goce Dellçev, i cili është në gjendje që me mjetet vetanake të sigurojë mikroskop elektronik në vlerë gjysmë milion euro. /Nistori/

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

4 hours ago

03.09.2025

Admin01

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët

Lajme

Ambasadori Denion Meidani i jep mbështetje Naser Selmanit

Published

4 hours ago

03.09.2025

Admin01

Ambasadori i Shqipërisë në Maqedoni të Veriut, Denion Meidani, ka shprehur solidaritet me gazetarin Naser Selmani pas aktit të dhunës ndaj automjetit të tij në Shkup, njofton Top24

“Solidaritet me gazetarin Naser Selmani. Dhuna dhe kërcënimet ndaj gazetarëve janë sulm ndaj fjalës së lirë dhe demokracisë. Organeve hetimore u takon ta zbardhin rastin pa vonesë. Falenderoj Unionin e Gazetarëve Shqiptarë për reagimin!”, ka theksuar Meidani në reagimin e tij publik.

Lajme

Taravari dënon ashpër sulmin ndaj gazetarit Naser Selmani

Published

5 hours ago

03.09.2025

Admin01

Kryetari i Aleancës për Shqiptarët, Arben Taravari, ka dënuar ashpër sulmin ndaj gazetarit Naser Selmani, duke e cilësuar atë si një akt që i shtohet dhunës së rritur ndaj medias së lirë në vend.

“Dënoj ashpër sulmin ndaj gazetarit Naser Selmani, sulm i cili i shtohet dhunës që është rritur ndjeshëm ndaj medias së lirë. Kjo dhunë jep dy mesazhe të qarta: së pari, jetojmë në diktaturë – fatkeqësisht; së dyti, kjo diktaturë i ka ditët e numëruara. Edhe pse pushteti merret me Naserin, prapë fiton Naseri”, ka deklaruar Taravari.

Ai ka theksuar se liria e medias është vlerë themelore e demokracisë dhe se çdo tentim për ta mbytur atë përbën sulm ndaj qytetarëve dhe së drejtës së tyre për informim.

https://www.facebook.com/share/p/16CrNZLa4j/?mibextid=wwXIfr