Në vend se t’i përgjigjej qartë dhe drejt pyetjes së Portalb.mk se “Përse prej afro një viti Qeveria nuk i publikon vendimet dhe procesverbalet edhe në gjuhën shqipe?”, zëvendëskryeministri Izet Mexhiti vendosi të sulmojë BDI-në, tashmë në opozitë, edhe pse përgjegjësia aktuale për këtë gjë bie mbi koalicionin qeverisës të VLEN-it, pjesë e së cilës është edhe ai vetë. Ajo që pasoi ishte përgjigje plot vetëbesim, por që përmbante një kundërthënie të thellë: fillimisht Mexhiti mohoi kategorikisht se procesverbalet mungojnë në shqip, për të shtuar menjëherë pas kësaj se “prej dje” ato janë edhe në shqip, duke konfirmuar pikërisht mungesën që sapo e mohoi.
“Nuk është e vërtetë (që procesverbalet nuk janë edhe në shqip). Procesverbalet, në vazhdimësi në Qeveritë e kaluara kanë qenë vetëm në maqedonisht. Vetëm ato muaj që ka qenë Talat Xhaferi ka pasur në dy gjuhë, ndërsa 20 vite të tëra Qeveritë e BDI-së i kanë pasur në një gjuhë dhe dje e keni parë edhe dallimin. Seancat që i udhëheq unë me procesverbale janë edhe në gjuhën shqipe, ndërsa tash e tutje, për herë të parë, pa marrë parasysh se kush i udhëheq seancat qeveritare, pavarsisht se kush është kryeministër, edhe procesverbalet do të jenë në dy gjuhë, edhe në gjuhën shqipe, prej dje”, tha Mexhiti.
Nëse situata “ndryshoi” “prej dje”, atëherë çfarë ka ndodhur për gati një vit të tërë në pushtet? Redaksia jonë vëzhgoi faqen zyrtare dhe solli prova vizuale për të dëshmuar se procesverbalet mungojnë në shqip pothuajse që prej verës së kaluar, si dhe më herët.
Por, Mexhiti duhet të informohet më mirë sepse, as dje as pardje e as sot nuk është publikuar asnjë i tillë në shqip.
Këtë gjë mund ta shikoni në videon më poshtë, por edhe të kontrolloni vetë ju lexues në linkun: https://vlada.mk/vladini-sednici?ln=sq i cili deri në qasjen tonë të fundit (ora 14:20 data 18 qershor 2025) është në gjendjen siç shihet në video.
Në mandatin e Qeverisë aktuale të udhëhequr nga Mickoski, ashtu sikurse raportuam dje, vetëm një procesverbal është publikuar në shqip, dhe ai mban datën 11 korrik 2024. Seancat e qeverisë, në versionin shqip të uebfaqes janë madje në maqedonisht, tek-tuk me ndonjë informatë në shqip, por përsëri me mungesë të procesverbaleve.
Pavarësisht se kush është kryeministër, procesverbalet në shqip, kur?
Për pjesën e deklaratës së Mexhitit se “pavarësisht se kush është kryeministër, edhe procesverbalet do të jenë në dy gjuhë”, parashtrojmë kërkesë publike “Si do të realizohet ky premtim?” dhe urojmë që dikush nga zyrtarët e qeverisë, apo PR-i të na përgjigjet në këtë pyetje publike, sepse siç raportuam dje, disa herë në pyetjet tona drejtuar tyre kanë heshtur.
Raportimi i djeshëm madje ngjalli reagimin e Bashkimi Demokratik për Integrim, parti që deri para gati se një viti ishte në pushtet dhe që situata nuk është se ishte më ndryshe. Madje, gjatë periudhës që kryeministër teknik ishte Talat Xhaferi, Qeveria nuk u përgjigjej fare gazetarëve. Ndërkohë, dërgimi i komunkatave me vonesë në gjuhën shqipe është trashëguar pikërisht nga kjo parti.
Kush është në qeveri që 1 vjet, VLEN apo BDI?
Çështja në këtë temë të ndjeshme të gjuhës shqipe më nuk është fajësimi i partive që kanë qenë dikur në pushtet sepse puna e tyre u pa, por çështja është kush mban përgjegjësinë aktuale për këtë 1 vjet?
Fakt është që nuk ka materiale në gjuhën shqipe për këtë periudhë që kemi shkruar kur përgjegjës është Mexhiti dhe kjo është lehtë e dëshmueshme, ndërkaq, për atë se çfarë ka ndodhur më herët me partitë tjera, dhe për ata kemi dëshmuar e shkruar. Çështja në këtë temë është se që në fushatë VLEN-i dhe zyrtarët qeveritar kanë premtuar avancimin e gjuhës shqipe, kanë premtuar se do të jenë “ndryshe nga BDI” dhe se do të sjellin ndryshimin për shqiptarët. Por, realiteti flet tjetër gjë: komunikatat vonohen, procesverbalet nuk publikohen, ndërsa përgjigje nga Qeveria nuk ka as pas katër kërkesave nga Portalb.mk.
Përndryshe, në rast të mos zbatimit të Ligjit për Gjuhët parashikohen gjoba materiale për institucionet dhe për individë fizikë. Mirëpo sanksionet të tilla asnjëherë nuk shqiptohen. Pra, ligjet ekzistojnë vetëm në letër.
Neni 22
(1) Gjobë në shumë prej 4.000 deri në 5.000 euro në kundërvlerë me denarë për kundërvajtje do t’u shqiptohet organeve të theksuara në nenin 1 paragrafi (3), nenin 2 paragrafi (3), si dhe të gjitha institucioneve tjera për mosrespektimin e dispozitave të këtij ligji.
(2) Gjobë në shumë prej 30% të gjobës së përcaktuar do t’i shqiptohet personit zyrtar dhe personit përgjegjës në organet nga paragrafi 1 i këtij neni.
Kujtojmë se Qeveria e Maqedonisë së Veriut, neglizhente ndaj gjuhës shqipe ishte edhe gjatë pandemisë së Koronavirusit. Në ueb-faqen zyrtare të Qeverisë të dhënat në gjuhën shqipe në disa raste nuk figuronin aspak e në disa raste nuk ishin të kompletuara ose nuk ishin të plotësuara dhe të përditësuara./Portalb.mk/
Njohja e kulturës dhe identitetit të asnjë vendi nuk është punë e Parlamentit Evropian (PE). Këtë për “BTA” e deklaroi Nikolla Minçev, eurodeputet nga grupi “Rinovojeni Evropën”/“Vazhdimi me Ndryshimet – Bullgaria Demokratike”, në margjinat e PE-së në Strasburg.
Ai theksoi se raporti mbi progresin e Republikës së Maqedonisë së Veriut (RMV) në rrugën e saj drejt Bashkimit Evropian (BE) është raporti i parë i tillë që përfshin tekst në lidhje me njohjen e identitetit, kulturës dhe gjuhës.
“PE është një organ politik, jo historik dhe kulturor, dhe duke njohur kulturën dhe identitetin, hapet një “Kuti e Pandorës” që të njëjtat kërkesa të shfaqen edhe në vendet e tjera”, theksoi ai.
Më 4 qershor, Komiteti i Punëve të Jashtme i PE-së ra dakord të shtyjë votimin për raportin mbi progresin e vendit drejt BE-së me propozimin e raportuesit Thomas Weitz. Votimi në komisionin parlamentar është planifikuar për 24 qershor, dhe në sallën plenare të Parlamentit Evropian në Strasburg në korrik.
Sipas Minçevit, sjellja e Kryeministrit të Maqedonisë, Hristijan Mickoski, është arsyeja e vonesës së raportit. Ai theksoi se pretendimet e Mickoskit se raporti njeh identitetin dhe kulturën shekullore të Republikës së Maqedonisë janë krejtësisht në kundërshtim me realitetin, pasi fjala “shekullore” nuk gjendet askund në draft-raport. Ky është një interpretim nga Mickoski, për shkak të imponimit të të cilit në javët e fundit PE-ja u detyrua të reagonte dhe të mos linte vend për keqinterpretime.
“Do t’i bëja thirrje Kryeministrit të Maqedonisë së Veriut të rishqyrtojë sjelljen dhe qëndrimin e tij si ndaj Bullgarisë ashtu edhe ndaj punës së Parlamentit Evropian”, tha Nikolla Minçev, në përgjigje të deklaratës së Kryeministrit se pret që eurodeputetët bullgarë të tërheqin amendamentet që i referohen “identitetit dhe gjuhës shekullore maqedonase” nga raporti i progresit të vendit për PE-në.
“Sjellja e tij ngre dyshime nëse ai dëshiron një raport apo po e saboton qëllimisht procesin, vetëm që miratimi i raportit të dështojë dhe ai të gjejë një viktimë të përshtatshme në emrin e Bullgarisë, të cilën më pas mund ta paraqesë si fajtore para votuesve të tij”, tha eurodeputeti.
Burime të afërta me zhvillimet politike flasin për tensione në rritje brenda koalicionit qeveritar VLEN, ku partitë përbërëse po përballen me ndasi të theksuara për ndarjen e komunave dhe kandidaturat.
Në Saraj, që shihet si bastioni kyç i Lëvizjes Demokratike të Izet Mexhitit, përplasjet janë të hapura. Alternativa ka hedhur në garë Orhan Mirtezanin, ndërsa Besa kandidon Hasim Murtezanin. Nga ana tjetër, Lëvizja Demokratike prezanton Muhamed Elmazin. Të gjitha partitë me kandidatë të veçantë – një sinjal i qartë për mungesën e konsensusit dhe rritjen e përçarjes në terren.
Ndërkohë në Tearcë, përplasjet mes Daut Memishit (Besa) dhe Amir Elezit (Alternativa) kanë marrë përmasa të thella, me burime që nuk përjashtojnë garim të ndarë – një skenar që nëse realizohet, do të ishte goditje e rëndë për imazhin e unitetit qeveritar.
Nga ajo që mësohet, edhe në komunat e tjera ndarja e pushtetit lokal po shfaqet si mollë sherri, me shumë struktura lokale që refuzojnë imponimet nga qendra. Vetë lideri i LD-së, Izet Mexhiti, thuhet se i ka dhënë prioritet Sarajit, duke parë rrezikun e madh që i kanoset në Çair nga Bujar Osmani dhe BDI.
Një tjetër zhvillim interesant është që Bashkim Bakiut, figura në rritje brenda VLEN, i është tërhequr vëmendja që të mos krijojë “ambicie të kota”, sinjal që tregon tensionet përbrenda edhe në rrafshin e hierarkisë së brendshme.
Sondazhet e fundit që po qarkullojnë janë përshkruar si “blerje kohe”, dhe më tepër si mjete psikologjike për të frenuar shpërbërjen. Megjithatë, sipas analizave të brendshme, ditët në vijim pritet një përçarje e thellë dhe e pashmangshme. Flitet se çdo parti është duke përgatitur terrenin për garim të ndarë, për të ruajtur kontrollin në bastionet e veta tradicionale.
Në vend të unitetit, VLEN po përballet me një fragmentim të heshtur që mund të shpërthejë publikisht në çdo moment.
Paraljmërimi i VLEN për punësimin e më shumë se 2500 shqiptarëve është një nga mashtrimet ose premtimiet më të rejshme të kooalicionit. Praktikisht kryetari i kuvendit është i obliguar që të shpallë zgjedhjet nga 90 ditë deri në 100 ditë para ditës së zgjedhjeve.
Analizë:
Nëse zgjedhjet mbahen në Tetorë, respektivisht java e fundit e Tetorit i bie që kjo e ditë e Diell të jet 26.10.2025. Duke respektuar ligjin për zgjedhje nga momenti kur kryetari i kuvendit duhet të shpallë zgjedhjet, nëse nga 26 Tetori numërojmë mbrapsht 70 ditë më së paku dhe 90 ditë maksimumi do të shihet se afatetet teknike nuk mundësojnë një premtim të tillë.
Procedurat:
Për tu shpallur një konkurs publik, paraprakisht institucioni që pretendon të hap një konkurs të tillë duhet të ketë përgaditur sistematizim të vendeve të punës dhe njëkohësisht pëlqim për atë sistematizim i cili jepet nga Ministria për Administratë. Kjo procedurë zgjatë më së paku 20 ditë.
Për tu shpallë një konkurs publik, institucioni duhet të ketë siguaruar mjete buxhetore të cilat duhet ti dëshmoj me vendim nga ama e Ministrisë së Financave, e cila aktualisht nuk ka planifikuar në buxhet mjete për punësimin e 2500 shqiptarëve që paraqetedhe një problem shtesë, duke nënkuptuar rebalans të buxhetit kur dotë ndodhë ai?
Për fazën e radhës pasi të jenë siguaruar pëlqimet, buxheti, krijimi i konkursit të njejtat dorëzohen në Agjensionin për Administratë e cila është e obliguar të shpall konkurset publike për të punësuarit në sektorin Publik, proces që zgjetë më së paku 7 ditë.
Pas publikimit të konkursit në veb faqen e agjensionit, dhe në tre gazeta të përditshme një në gjuhën shqipe dhe dy në gjuhën maqedonase, konkursi zgjat së paku 15 ditë nga dita e publikimit në veb faqen e agjensionit.
Faza e parë e procedurës pas 15 ditëve të lartë përmendura është Faza e Selektimit, ku aplikantëve u verifikohen dokumentet dhe bëhet selektimi sipas (notës mesatare, fakultetit) duke ju mundësuar që në fazën e dytë të vazhdojnë maksimum dhjetë persona.
Pas fazës së selektimit më së shpejti që mund të caktohet data e dhënies së provimit është brenda 20 ditëve pasi dhjetra institucione tani më kanë procedurë për punësime dhe ditët e testimeve janë të rezervuara.
Personat që do të kalojnë Testimin vazhdojnë në intervistë pas një afati prej më së paku 10 ditësh, ku si fazë e fundit do të bëhet përzgjedhja ekandidatëve që do të punësohen.
Institucioni është i obliguar që nga momenti i pranimit të rang listës nga ana e agjensionit për administratë (procedurë që zgjat së paku 3ditë) duhet të përgadis vendimet për përzgjedhje të kandidatëve.
Nga momenti i përzgjedhjes dhe sjelljes së vendimeve, pas shpalljes në vebfaqen e agjensionit për administratë fillojnë të rrjedhë afatet e ankesave por jqë janë më së paku 8 ditë nga dita e shpalljes.
Duke kaluar këtë procedurë matematikisht dhe teknikisht premtimi i VLEN për punësimin e 2500 shqiptarëve është farsë dhe eufori në prag të zgjedhjeve lokale./Top24.mk/
Sport2 years ago
Gosip8 years ago
Lajme2 years ago
Lajme8 years ago
Gosip1 year ago