Lajme

Për të gjallin kurorë me thera, për të vdekurin buqeta me lule!

Published

3 hours ago

29.08.2025

Admin01

Nga Kim Mehmeti

Shpesh më ndodhë që posa të arrijë më Tiranë, i pari që më kujtohet të jetë Andi Bejtja. Mbase pse pas rënies së murit të Xhaxhit Enver, ai është shqiptar i parë i mëmëdheut me të cilin jam njoftuar. Asokohe të dy ishim edhe më të ri edhe më të bukur.
Aq më shumë ai ishte edhe më i ri se unë, i mençur dhe gjithmonë i buzëqeshur. Ato vite ai e botoi përmbledhjen e parë me poezi e unë thash se ato poezi lajmëronin ardhjen e një poeti të madh. Sot jam edhe më i bindur se Andi është nga ata poet që dëshmojnë se, njësoj siç nuk matet jeta me vitet sa ke jetuar, por me përjetimet dhe ngjarjet që ke përjetuar, edhe vlera e një krijuesi nuk matet me numrin e veprave që ka botuar, ngaqë shpesh herë mjafton edhe një poezi e vetme, si për shembull poezia e tij ‘Atdhedashuri’, e jo më një përmbledhje me poezi, që të mbetesh si vlerë e dalluar e tërësisë letrare të një populli.
Kohëve të fundit Andin e kujtojë edhe sa herë që më shtrëngon diçka në gjoks dhe kur më përfshin një trishtim që nuk ka të bëjë me frikën nga vdekja, por me të jetuarit në shoqëri ku te gjallit i jepen vetëm kurora me thera e sharje, e të vdekurin e mbulojnë me lëvdata e buqete me lule aq sa të të duket se flasin për ndonjë të vdekur të imagjinuar, për çka dua ta lus atë të mos lejojë që sharjet e për së gjallit ndaj meje të përkthehen në lëvdatat të pasvdekjes. Ndërkohë ndjej keqardhje pse Andi e la pas dore poezinë dhe iu dorëzua mjeshtërisë të ngritjes së mediave elektronike. Me çka mbeti themeltar thuajse i të gjitha televizioneve që sot mburren me madhështinë e vet, e që në mas të madhe atë ia kanë borxh edhe Andit.
Dhe nga do që të shkonte, ai nuk harronte të më lajmërohej e të më ofronte bashkëpunim e madje edhe që të drejtoja ndonjë emision timin, nëse atë e dëshiroja. E unë gjithmonë ia thosha të njëjtën: Në emër të miqësisë sonë do pranoja të bëhem edhe rojtar i shtëpisë publike që ti do e hapje, por kursem nga një obligim i tillë sepse një katundari si unë nuk i jepen në duar kurvat e qytetit! Në të vërtet ai është nga ata miq që nuk presin t’u kërkosh diçka, por gjithmonë të afrojnë më shumë seç e meriton. Siç ma ofronte Andi sigurinë gjatë viteve kur në Maqedoni të gjithë njësoj nuk më donin e kur me ofertat e veta për t’u angazhuar në televizionet që ai drejtonte sa nuk më thoshte: sa të më kesh mua në Tiranë s’ke pse i nënshtrohesh Shkupit për një pagë mujore.

Me çka ai dhe dy tre të tjerë të mëmëdheut, më mundësonin të mos dorëzohesha, të qëndroja e të mbetesha atë që doja të jem. Vetëm me ardhjen e tij në TV Syri nuk kisha ku të ‘ikë’. Edhe atë jo pse besoja se do jem ndonjë vlere e shtuar e këtij televizioni, por pse e dija se Andit i ngutej që sa më shpejt ta mbush me diçka atë ekran. Thënë edhe më qartë, pas njoftimit tonë në Tiranë kur unë isha flokë gjatë e ai më i buzëqeshur se sot, ne vazhduam të shkojmë poshtë e lartë nëpër jetë, por duke mbetur gjithmonë këtu ku jemi edhe sot: miq të përjetshëm.

Lajme

BDI për VLEN: Premtuan Akademi të Shkencave shqiptare, sollën Dodikun dhe donacione serbe

Published

42 minutes ago

29.08.2025

Admin01

Bashkimi Demokratik për Integrim (BDI) akuzon VLEN-in për mashtrime të vazhdueshme ndaj qytetarëve shqiptarë dhe gjithë Maqedonisë së Veriut, përcjell Flaka Media

“Çdo premtim i dhënë nga VLEN doli që është një mashtrim i madh. Çdo fjalë e thënë nga VLEN, doli që është një gënjeshtër e madhe”, thekson BDI në një komunikatë për media.

Partia shqiptare thekson se vetëm gjatë një viti, “injoranca, paaftësia, serviliteti, korrupsioni, vazaliteti, përulja, mashtrimet dhe gënjeshtrat e VLEN dolën në sipërfaqe”.

BDI sjell disa shembuj:

“Premtuan 2.500 punësime, qytetarët përfunduan me zero.”
“Premtuan 10.000€ për çdo qytetar, qytetarët përfunduan me zero.”
“Premtuan Akademi të Shkencave Shqiptare, e sollën Dodikun dhe donacionet serbe.”
“Premtuan bankë shqiptare, e sollën bankën serbe.”
“Premtuan ndryshime kushtetuese dhe integrim europian, e sollën botën serbe.”
“Premtuan programe kombëtare, e sollën MTEL-in serb.”
“Marrëveshjen e Ohrit ia dhanë putinistit Ivan Stoilkoviq.”
“VLEN-i u konfirmua botërisht si një mashtrim i madh politik dhe turp kombëtar që po i kushton shqiptarëve shtrenjtë: nga të qenurit krenarë, ballëlartë dhe në krye të shtetit, në të nënçmuar, të përbuzur dhe të përja shtuar”, vijon komunikata.

BDI bën thirrje për reagim qytetar në zgjedhjet e 19 tetorit:

“Më 19 tetor, qytetarët do ta japin përgjigjën e duhur për këto nënçmime, keqpërdorime, ofendime e përbuzje të papara ndonjëherë. Asnjëherë më nuk do të VLEN nënshtrimi, tradhëtia e votës dhe puthadorësia. Tetori është referendum popullor për dinjitet kombëtar!” /Flaka Media/

Lajme

ASH: Mexhiti u zhduk kur u dogjën pyjet – ministër i bizneseve, jo i mjedisit jetësor

Published

2 hours ago

29.08.2025

Admin01

Aleanca për Shqiptarët ka shprehur shqetësim të thellë për gjendjen alarmante të mjedisit jetësor në Maqedoninë e Veriut gjatë këtij viti, kur vendi u përball me qindra vatra zjarri që për muaj me radhë rrezikuan hapësirat e gjelbra, vendbanimet dhe jetët e qytetarëve.

Nga kjo parti theksojnë se, përballë kësaj krize, u mobilizua edhe Mekanizmi i Mbrojtjes Civile i Bashkimit Evropian, ndërsa ministri i Ambientit Jetësor dhe Planifikimit Hapësinor, Izet Mexhiti, mungoi plotësisht në terren dhe në përgjegjësi.

“Mexhiti nuk u shfaq në asnjë moment për të parë nga afër situatën dramatike, e as nuk ndërmori ndonjë masë konkrete për t’i dalë zot qytetarëve dhe natyrës. Ai zgjodhi të luajë rolin e gjykatësit, prokurorit dhe liderit politik, por jo rolin për të cilin është betuar në Kuvend – atë të ministrit që ka për detyrë mbrojtjen e mjedisit jetësor,” thuhet në reagimin e Aleancës.

Një tjetër skandal, sipas kësaj partie, është heshtja e ministrit përballë shkatërrimit të malit Kozhuf nga kompania e biznesmenit Gjoko Sterjoski, pronar i rrjetit të kazinove dhe bastoreve “Sportlife”.

“Mexhiti nuk e pa të arsyeshme as të reagojë, e aq më pak të ndërmarrë masa për mbrojtjen e natyrës dhe përgjegjësinë ligjore ndaj kompanive të këtilla. Përkundrazi, ministria që ai udhëheq është bërë makineri për shpërndarjen e lejeve për shfrytëzim të burimeve natyrore, në shërbim të interesave të ngushta të një grupi biznesmenësh dhe jo të qytetarëve,” thekson Aleanca.

Në fund, partia opozitare nënvizon se qytetarët nuk do ta harrojnë neglizhencën e ministrit Mexhiti.

“Aty ku ka interes financiar privat, aty gjendet Izet Mexhiti. Aty ku kërkohet përgjegjësi, sakrificë dhe shërbim ndaj qytetarëve, Mexhiti është i zhdukur. Mjedisi jetësor nuk mund të jetë pronë private e një individi apo grupi të vogël biznesmenësh. Heshtja dhe neglizhenca e tij përballë zjarreve shkatërrimtare dhe krimeve ekologjike në Kozhuf janë dëshmi se ai ka braktisur detyrën për të cilën është votuar dhe betuar,” përfundon kumtesa.

Lajme

Taravari: T’gjithë n’këmbë për Ardhmërinë!, multi-kampioni i arteve marciale, Sinan Idrizi i bashkohet ASH-së dhe AKI-t

Published

2 hours ago

29.08.2025

Admin01

Kryetari i Aleancës për Shqiptarët, Arben Taravari, së bashku me sekretarin organizativ, Gadaf Uzairi, kanë mirëpritur në selinë e partisë multi-kampionin në kick-boxing dhe karate, Sinan Idrizi.

Përmes një njoftimi në profilin e tij në facebook, Taravari e cilëson Idrizin si një personalitet të shumëfishtë, i cili ka arritur sukses jo vetëm në sport, por edhe në fusha të tjera të jetës.

Postimi i plotë i Taravarit:

“Aleancë iu bashkua një multi-kampion si është Sinan Idrizi.
Ai është një sportist kampion në kick-boxing dhe karate.
Ai është një kampion restorantesh duke pasur disa shumë të suksesshëm në Norvegji e Tetovë.
Ai është një motivues kampion duke mbështetur dhe drejtuar një klub si Shkëndija-HB.
Ai është një qytetar kampion që sot vjen në ekipin tonë!
Aleanca Kombëtare për Integrim
T’gjithë n’këmbë për Ardhmërinë!”, ka nënvizuar Taravari.