Në Maqedoninë e Veriut, ndodhi një akt i papranueshëm dhe provokues për qytetarët e vendit tonë, veçanërisht për shqiptarët. Një delegacion shtetëror serb, me protokoll shtetëror, vendosi një pllakë përkujtimore për nënkolonelin e ushtrisë serbe dhe vojvodën çetnik Voin Popoviq – i njohur si Vojvoda Vuk, i cili në vitin 1916 kishte marrë pjesë në okupimin e territoreve tona.

Ceremonia u shoqërua me intonimin e himnit të Serbisë, pjesëmarrjen e ministrave të Qeverisë së Serbisë, përfaqësuesve të ushtrisë dhe klerit serb, si dhe me vendosjen e kurorave.

Ky akt është më shumë se një përkujtim historik: është një mesazh i hapur i Serbisë se në Maqedoninë e Veriut mund të ngrihen monumente të figurave të saj ushtarake e çetnike, pa marrë parasysh ndjenjat e popullsisë vendase, veçanërisht të shqiptarëve, të cilët kanë qenë viktima të këtyre politikave hegjemoniste.

Kush ishte Vojvoda Vuk?
Voin Popoviq (1881–1916), nënkolonel i ushtrisë serbe dhe vojvodë çetnik, mori pjesë në luftimet për Maqedoninë gjatë Luftërave Ballkanike dhe Luftës së Parë Botërore, si komandant i Detashmentit Vullnetar në Frontin e Selanikut. Ai ishte një nga figurat kryesore të ekspansionizmit ushtarak serb, përfshirë edhe okupimin e territoreve shqiptare në Kosovë dhe Maqedoninë e Veriut.

Aleanca për Shqiptarët dënon fuqishëm këtë akt skandaloz dhe shovinist, që përbën provokim të drejtpërdrejtë ndaj shqiptarëve dhe maqedonasve, duke prekur ndjenjat e qytetarëve të vendit. Qeveria e Mickoskit, duke heshtur dhe duke lejuar aktivitete të tilla, tregon jo vetëm dobësi, por edhe bashkëpunim të heshtur me projektin e “Botës Serbe”, ndërsa VLEN nuk ka fuqi ta parandalojë.

Ne kërkojmë reagim të menjëhershëm institucional, si dhe shpjegim nga qeveria pse është lejuar ky akt i turpshëm në territorin e Maqedonisë së Veriut.

Maqedonia e Veriut nuk është fushë për ekspansionizëm serb dhe as nuk do të lejojë rehabilitimin e figurave çetnike që përfaqësojnë dhunën, okupimin dhe shtypjen e shqiptarëve, por edhe të vetë maqedonasve.

Aleanca për Shqiptarët

Të gjitha institucionet shtetërore dhe personat juridikë publikë janë të detyruar më së voni deri më 15 shtator të këtij viti të ndërrojnë targat e automjeteve zyrtare me targa të reja, me ngjyrë speciale. Detajet priten në konferencë për shtyp, të cilën e paralajmëroi Shërbimi i Punëve të Përgjithshme dhe të Përbashkëta (SHPPP) të Qeverisë.

Është paralajmëruar prani e drejtori të SHPPP-së, Ivica Tomovski, ministrit të Punëve të Brendshme, Pançe Toshkovski, zëvendëskryeministrit përgjegjës për qeverisje të mirë, Arben Fetai, si dhe drejtorëve të institucioneve të tjera shtetërore.

Vendimi për këtë risi është miratuar në seancën e qeverisë më 29 korrik.

“Qëllimi i kësaj mase është i qartë: rritja e transparencës, llogaridhënies dhe vendosja e kontrollit mbi përdorimin e automjeteve zyrtare. Shënjimi i automjeteve do t’u lejojë qytetarëve t’i dallojnë ato lehtësisht nga ato private, duke parandaluar kështu keqpërdorimin e tyre për qëllime personale, private ose partiake”, njoftojnë nga SHPPP.

Është paralajmëruar se do të hapet edhe një linjë telefonike, ku qytetarët mund të paraqesin keqpërdorimin e automjeteve zyrtare. U theksua se çdo paraqitje do të regjistrohet dhe do të trajtohej në përputhje me procedurat ligjore.

Në fazë përfundimtare është edhe përgatitja e një regjistri qendror për të gjitha automjetet zyrtare, gjë që do të sigurojë kontroll dhe njohuri shtesë në përdorimin e tyre.

“Me këtë vendim përmbushet një tjetër premtim kyç – menaxhim i përgjegjshëm me burimet shtetërore dhe llogaridhënie e plotë ndaj opinionit. Shteti dërgon një mesazh të qartë se burimet publike janë për përdorim publik, jo për përfitime personale. Duke krijuar një sistem për njohuri dhe kontroll publik, vendosen standarde më të larta të integritetit dhe llogaridhënies në punën e të gjitha institucioneve”, theksohet në kumtesën e lëshuar nga SHPPP-ja.

Kandidati i Aleancës Kombëtare për Integrim për kryetar të Komunës së Tearcës, Nazim Taipi, së bashku me kryetarin aktual të komunës, Nuhi Neziri, kanë zhvilluar një takim me strukturat e partisë në këtë komunë.

Në takim është biseduar për hapat e ardhshëm dhe iniciativat që do të ndërmerren në shërbim të qytetarëve, duke u fokusuar tek fuqizimi i mbështetjes për zgjedhjet e ardhshme.

Njoftimi i plotë i Taipit:

“🇦🇱Bashkë për Tearcën
Sot u zhvillua një takim i përbashkët i strukturave të Aleancës Kombëtare për Integrim, ku u diskutua për hapat e radhës dhe iniciativat që do të ndërmerren në shërbim të qytetarëve tanë.”, ka përfunduar Taipi.