Connect with us

Lajme

Pallati i Kulturës në Gostivar i stërmbushur me njerëz në shënimin e Ditës së Komunës

Published

4 months ago

on

Sonte, Komuna e Gostivarit, nën udhëheqjen e kryetarit Valbon Limani, shënon Ditën e saj, një ngjarje e rëndësishme që mbledh qytetarë dhe personalitete të shquara në një atmosferë festive.

Në këtë datë simbolike, tradicionalisht shpallet “Qytetari i Nderit” dhe nderohen personalitete, shoqata dhe grupe që kanë dhënë kontribut të çmuar për qytetin, si në nivel vendor ashtu edhe ndërkombëtar.

Në kuadër të këtij organizimi, pas shumë vitesh ribashkohet grupi muzikor gostivaras “Shëndija” me këngëtarin e njohur Amet Azizi. Gjithashtu, do të dekorohet edhe grupi tjetër i njohur muzikor, “Area,” për kontributin e tyre në promovimin e kulturës dhe artit.

Komuna e Gostivarit ka organizuar një eveniment madhështor, që pritet të mbetet gjatë në kujtesën e çdo pjesëmarrësi.

Programi ka nisur në ora 19:00 në Qendrën për Kulturë të Gostivarit, ku marrin pjesë personalitete të shumta nga fusha të ndryshme të jetës shoqërore dhe kulturore. Atmosfera festive dhe pjesëmarrja masive e qytetarëve dëshmojnë për rëndësinë dhe vlerën që kjo ngjarje ka për komunitetin gostivaras.

Related Topics:
Continue Reading

Lajme

Taravari: Shkrirja e VLEN-it në një parti ka filluar në korrik të vitit të kaluar, por ASH nuk ishte e njoftuar

Published

15 minutes ago

on

April 16, 2025

By

Kryetari i ASH-së, Arben Taravari sqaron se koordinimi për shkrihej të VLEN ka filluar që në korrik të vitit të kaluar, por pa të. Sipas tij, koordinimi ka qenë mes LD, Besa dhe Alternativa.
Ai këtë e bëri të ditur sonte në një intervistë për gazetën Lajm, ku sqaroi se edhe për fuzinonimin apo shkrirjen eventuale të përmendur së fundmi pra dy javësh, ai nuk ka qenë i ftuar në atë takim.
Pastaj, Taravari tha se përpos kësaj, me ultimatume vetëm për bashkëpunim nuk mund të bisedohet.
“Ne jemi shumë të ndjeshëm në ultimatume, sepse në bashkëpunime s’ka ultimatume. Në bashkëpunime ka vetëm kompromise, nuk ka në bashkëpuni me situata vin-vin, ka situata luz-luz. Kështu që humbin të gjithë apo të jemi të barabartë. Vetë fakti që ASH nuk u thirr sot në ora 14:00 në takim, është përjashtuese. Do ishte mirë që të thirret së paku që të jemi aty dhe ti themi argumentet tona të cilat edhe i kemi thënë edhe publiksht dhe kemi biseduar mes nesh. Paravësisht kësaj, unë mendoj përsëri se çdo parti e ka utonomimë, i kanë kryesitë e veta, vendosin më kuadër të tyre. Ideja e fuzioninit të tre partive na befasojë sepse ka pasur propozim në qershor ose në korrik që këto tre parti të fuzionohen. Kur dolën para dy apo tre javësh dhe thanë se fuzionohen, unë thash se gëzohem, dhe se është mirë të fillojë integrimi. Nëse fillojnë tre parti të integrohen, fazën tjetër mund edhe ASH të fillojë të integrohet”, deklaroi Taravari.
Ai tha se ndjehet i brengosi që ASH nuk u ftua aspak as në takimin e sotëm që patën në ora 14 tre liderët e tjerë të VLEN, Mexhiti, Kasami dhe Ibrahimi.
“Dhe kjo ishte një shenjë mosdurimi, përjashtimi, largimi, distancimi… kështu janë sinjalet, po them se politika është kjo dhe çdokush vazhdon në rrugë të vete dhe me strategjinë të cilën e ka në zgjedhjet lokale”, tha mes tjerash kryetari i ASH-së, Arben Taravari.

 

Continue Reading

Lajme

Taravari sqaron kronologjinë se si kanë qenë të koordinuar tre partnerët e koalicionit për ta larguar që në shkurt të këtij viti

Published

16 minutes ago

on

April 16, 2025

By

Kryetari i ASH-së, Arben Taravari ka sqaruar kronologjinë se si ka ardhur deri te garimi në zgjedhjet lokale me lista të veçanta si VLEN.
Në një intervistë të sotme për gazetën Lajm, Taravari tha se ideja e të gjithve pas formimit të Qeverisë ka qenë që të garojnë ndaras si katër parti.
“Nuk është se e kemi braktisur [VLEN-in], ideja e daljes me lista të veçanta nuk është prej tash. Me 23 qershor të 2024 u formua Qeveria aktuale dhe mbas dy-tre javësh, ne si kryetar të VLEN-it kemi pasur një takim dhe kemi biseduar a fuzionohemi tash apo si është ideja. Ideja e të gjithve ishte, bile insistim ka qenë që më mirë është të shkojmë si katër parti. Po në atë mbledhje unë u kam thënë se nëse vazhdojmë si katër parti, duhet të dalim me lista të veçanta në zgjedhjet lokale. Këtë ide e kam pasur vazhdimisht, deri para dy-tre javësh kur deputetët insistuan të bëjmë kompromis. U thash në rregull bëni kompromis dhe nëse pranohet, por nuk pati sukses”, sqaron Taravari.
Ai tha se pas asaj periudhe ka konsultuar shumë ekspertë që merren me këta punë, dhe të gjithë e kanë pasur mendimin dhe qëndrimin se mirë është çdokush ti ketë listat e veta. Sipas tij, kur e ka shpalosur sërish idenë për të garuar me lista të veçanta, tre liderët e tjerë të koalicionit, i kanë thënë atëherë dil edhe me kandidatë të veçantë, për çka Taravari u ka thënë se mos i bie kjo se po e dënojnë që në shkurt të këtij viti nga VLEN.
“Por, tre partitë tjera plus Vetëvendosja mendojnë se duhet të jenë bashkë. Unë sërish u kam thënë në mes të shkurtit këtë vit se insistoj për lista të veçanta. Kështu ka qenë qëndrimi ynë si ASH edhe në korrik të 2024 edhe tash. Më thanë se nëse dal me lista të veçanta të dal edhe me kandidatë të veçantë. U habit dhe ju thash se gjithçka kisha pritur, por këtë se kisha menduar asnjëherë që unë duhet të dalë me kandidatë të veçantë dhe lista të veçanta. Kjo i bie sikur ju më përzeni prej këtu”, shtoi më tej kreu i ASH-së, Arben Taravari.
Unë ndjesinë e kam pasur por edhe plotë anëtarë tanët që kanë punuar në grupe të përbashkëta të VLEN-it se tre janë të koordinuar dhe ASH nuk është, nënvizoi më tej në sqarimin e tij Taravari.
“Pasi biseduam edhe në Kuvendin Qendrorë dhe në Kryesinë e ngushtë të partisë, shumica dërmuese apo një ose dy mendonin se duhet të shkohet me lista të përbashkëta, të gjithë të tjerët ishin absolutisht të bindur se ASH duhet të garon me lista të veçanta. Të shihet a kemi 1000, 5000 apo zero vota, ose 20000 apo 50000 vota. Qëndrimi im ka qenë kështu pasi mendoj se sa më shumë lista ka, aq më shumë njerëz angazhohen, aktivizohen në fushatë. Por kandidatët ti kemi të përbashkët. Nëse kjo refuzohet, pasi kështu ma kanë thënë se nëse i ndajmë listat të shkoj edhe me kandidatë vetë, d.m.th ky ka qenë propozim prej tyre, unë asnjëherë as që e kisha menduar. Pastaj, e analizuam pasi qenka kështu të ketë bashkëpunim të ndërsjellë ose në komunat urbane ose ato rurale për raundin e dytë. Ja e marr shembull Likovën, aty kandidatë do të ketë BDI, VLEN dhe ASH. Në raund të dytë e them hipotetikisht se shkon BDI dhe ASH ose BDI dhe VLEN dhe ashtu të përkrahemi”, the krue i Aleancës për Shqiptarët, Arben Taravari.

 

Continue Reading

Lajme

Ramadani: Në qeveri apo në opozitë ne kemi synim të mbrojmë interesat e shqiptarëve

Published

17 minutes ago

on

April 16, 2025

By

Sekretari i Aleancës për Shqiptarët, Blerant Ramadani, në intervistë për Alsat tha se për ASH-në nuk është fare problem edhe nëse dalin nga qeveria sepse jo më larg se vitin që lamë pas kanë dorëzuar gjitha pozicionet. Pra sipas tij e rëndësishme për ta është mbrojtja e intersave të shqiptarëve.
“Nuk është tragjike edhe nëse na përjashtojnë nga Qeveria është e drejtë e kryeministrit, për ne nuk është shqetësim. E kemi të freskët memorien, kur pikërisht para një viti ne bashkë me shokët i dorëzuam pozitat qeveritare dhe dolëm në opozitë, për tu bërë bashkë me VLEN-in dhe ta sjellim ndryshimin. Nuk luan rol a jemi në opozitë apo në pozitë, ajo që luan rol është të gjejmë modusin t’i mbrojmë interesat e shqiptarëve”, tha Blerant Ramadani.

 

Continue Reading

TOP Lajme