Lajme

Pajaziti: Reagimi i shpejtë i Taravarit shmangu një tragjedi edhe më të madhe

Published

3 days ago

March 31, 2025

I N

Gazetari Naser Pajaziti ka reaguar lidhur me tragjedinë e rëndë të ndodhur më 16 mars në diskotekën e Koçanit, ku humbën jetën 59 të rinj dhe mbi 150 të tjerë u plagosën. Ai ka theksuar dështimet e thella institucionale dhe keqpërdorimet politike që shoqëruan këtë ngjarje të tmerrshme.
Megjithatë, Pajaziti ka vënë në pah edhe menaxhimin e shpejtë dhe të vendosur në aspektin shëndetësor nga Ministria e Shëndetësisë dhe ministri Arben Taravari, duke e cilësuar këtë si një shembull të reagimit në kohë.
Ai ka theksuar se, ndonëse vendi ka mungesë kapacitetesh për trajtimin e djegieve të rënda, autoritetet shëndetësore organizuan me efikasitet transferimin e pacientëve në gjendje kritike drejt spitaleve në rajon dhe Evropë, duke siguruar kujdesin e nevojshëm për të shpëtuar jetë. “Ky reagim i shpejtë bëri që të mos përsëritej tragjedia e ngjashme që kishte ndodhur në Rumani më 2015, ku për shkak të dështimit të sistemit shëndetësor, numri i viktimave u dyfishua”, shkroi ai.
Në fund, Pajaziti ka theksuar se kjo nuk është çështje lavdërimi politik, por një fakt që tregon se kur institucionet veprojnë me përgjegjësi, jetët mund të shpëtohen. Ai gjithashtu bëri thirrje për investime të menjëhershme në shëndetësi, duke e cilësuar këtë tragjedi si një alarm për të gjithë sistemin shëndetësor në vend.

Lajme

Mexhiti: Po luftojmë korrupsionin pa kompromis, po rrisim pensionet e pagat në shëndetësi, polici, arsim e administratë

Published

1 minute ago

April 3, 2025

I N

Zëvëndëskryeministri i parë, Izet Mexhiti, në emisionin “Dialog te Lajmi”, ka folur mbi qeverisjen e tyre si VLEN në këtë pushtet dhe ka deklaruar që korrupsioni po luftohet pa dallime etnike. Ai shton se kjo qeveri po rrit pagat në sektorë të ndryshëm.

“Është një luftë e pa kompromisë e korrupsionit. Në rastin e REK Manastirit, janë 20 të burgosur dhe vetëm dy shqiptarë, në rastin e Koçanit janë vetëm 3 shqiptarë dhe janë 27 maqedonas. Është një qeveri që e lufton korrupsionin dhe ka një kontribut në rritjen e pagave të administratës, policisë dhe rritjen e pensioneve”, tha zëvëndëskryeministri Mexhiti.

Lajme

Sulejmani: Koalicioni qeverisës është stabil

Published

2 minutes ago

April 3, 2025

I N

Driton Sulejmani zëdhënës i Koalicionit VLEN, në intervistën e fundit në TV Alsat, duke komentuar përplasjet e fundit brenda koalicionit qeverisës tha se është normale që brenda qeverisë të ketë mosmarrëveshje për çështje të caktuara.

“Kjo edhe është vlera e demokracisë për të pasur mendime të ndryshme për çështje të caktuara dhe nuk mendoj se kacafytjet e tilla dhe mendimet e ndryshme brenda koalicionit qeverisës mund të sjellin edhe deri në përkeqësimin e situatës në Qeveri. Ne kemi një koalicion qeverisës mjaftë stabil dhe jemi duke punuar që pas gjithë ndodhive të japim një mesazh që shteti po vendoset në binar të drejtë dhe shumë çështje të pazgjidhura për vite me radhë do të fillojnë të shohin dritë”, u shpreh Sulejmani.

Ai shtoi se shpeshherë edhe brenda familjeve kemi kur ka mosmarrëveshje, por kur punohet për tejkalimin e situatës gjithsesi se do të gjendet rruga.