Lajme

ORA24: Skënder Asani punëson katër familjar të tij në ITSHKSH

Published

6 months ago

October 23, 2024

Admin01

Nepotizmi dhe keqpërdorime serioze në Institutin e Trashëgimisë Shpirtërore e Kulturore të Shqiptarëve! Drejtori Skënder Asani, mund të thuhet se është rekorder në Evropë, e ndoshta edhe më gjerë në zhvillimin e nepotizmin në institucion! E gjithë kjo bazuar në informatat të cilat kanë arritur në redaksinë e www.Ora24.tv, sipas të cilave, duke shfrytëzuar postin e drejtorit, Skënder Asani, ka punësuar katër familjar të tij tepër të afërt dhe atë:

HIZER ASANIN – vëllaun i drejtorit / ARKIVIST,

SADIK ASANI – djali i vëllaut / ROJTAR,

MUHAMET AMETI – burrin e motrës/ MIRMBAJTËS

OMER DURA – bashkëshortin i mbesës / IT

Këtë e konfirmon edhe vetë instituti, tek i cili, pasi i morëm këto informacione i dërguam këto pyetje:

Pse është dashur që patjetër të punësohen këto persona, familjarë të drejtorit?
Me çfarë procedure janë punësuar dhe
A ka pasur konkurse siç parashikojnë ligjet përkatëse për punësim?
Në përgjigje nga ITSHKSH, thonë se:

Jo të gjithë personat e listuar për të cilët ju kërkoni informacion janë të punësuar me kohë të plotë në Institutin për Trashëgiminë Shpirtërore dhe Kulturore të Shqiptarëve.
Mënyra e punësimit: Mënyra e punësimit të personave të përmendur të cilët janë në punësim të rregullt bazohet në dispozitat e Ligjit për Marrëdhëniet e Punës dhe Ligjit për të punësuarit në Sektorin Publik.
Procedurat e punësimit: Janë respektuar procedurat ligjore lidhur me procedurën e punësimit për personat e përmendur për të cilët kërkoni të dhëna, të cilët janë në punësim të rregullt pranë Institutit për Trashëgiminë Shpirtërore dhe Kulturore gjatë periudhës në të cilën kanë qenë të punësuar.
Arsyet e punësimit: Çdo punësim realizohet në bazë të nevojave ekzistuese për realizimin e veprimtarisë së Institutit, në punë që janë të sistemuara në Rregulloren për sistemimin dhe organizimin e vendeve të punës në institut, në bazë të punësimit vjetor. Plani, i cili miratohet çdo vit nga Ministria e Shoqërisë Informative dhe Administratës dhe Ministria e Arsimit dhe Shkencës.
Skënder Asani është zgjidhur drejtor i Institutit të Trashëgimisë Shpirtërore e Kulturore të Shqiptarëve, në Tetor të vitit 2014, ndërsa tani, sapo ka mbushur fiks 10 vite që e ushtron këtë post.

Ne i bëjmë thirrje publike institucioneve përkatëse si Ministrisë së Arsimit dhe Shkencës dhe Komisionit për Anti-korrupsion që të veprojnë për këtë rast.

Por nuk përfundon gjithçka me kaq, sepse në redaksinë e www.ora24.tv kanë arritur edhe informata të tjera, me të cilat nxiten dyshime serioze për keqpërdorimin e detyrës së drejtorit Skënder Asani.

Për këto do ju informojmë në ditët në vijim! Na ndiqni!/Ora24.tv

Gazetar: Mefail Ismaili

Linku i Videos:

Lajme

Vdiq Papa Françeksu

Published

7 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

7 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

7 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.