Kongresmeni amerikan Brian Mast, njëkohësisht kryetar i Komitetit të Dhomës së Përfaqësuesve për Punët e Jashtme, ka paraqitur një amendament në Kongres që synon të forcojë angazhimin e Shteteve të Bashkuara të Amerikës në Ballkanin Perëndimor dhe të mbështesë qartësisht anëtarësimin e Kosovës në NATO.

Sipas organizatës “Albanians for America”, amendamenti i paraqitur nga republikani nga Florida përfaqëson një hap domethënës në përcaktimin e prioriteteve strategjike të SHBA-së në rajon.

“Ky hap historik njeh rëndësinë strategjike të rajonit dhe përcakton prioritetet e qarta të politikës së SHBA-së”, thuhet në njoftim.

Në dokumentin e propozuar kërkohet:

Mbështetje për pavarësinë e Kosovës dhe anëtarësimin e saj në NATO
Presion ndaj Serbisë për të reduktuar lidhjet me Rusinë dhe Kinën
Ekspozim të bashkëpunimit të Serbisë me Rusinë, Kinën dhe Iranin në fushat e teknologjisë dhe sigurisë
Zgjerim i sanksioneve ndaj individëve dhe aktorëve që pengojnë paqen dhe stabilitetin në Ballkanin Perëndimor
SHBA kanë qenë historikisht të përfshira në zgjidhjen e konflikteve në rajon, që nga përfundimi i luftërave të Jugosllavisë në vitet 1990.

Por në një kohë kur ndikimi amerikan në Ballkan po shihet me shqetësim nga vëzhguesit dhe vetë qytetarët e rajonit, ky propozim në Kongres shihet si një sinjal se Washingtoni nuk ka ndërmend të heqë dorë nga roli i tij strategjik në këtë pjesë të Evropës.

Nëse miratohet, amendamenti pritet të forcojë jo vetëm mbështetjen për Kosovën, por edhe të rrisë presionin ndërkombëtar ndaj Serbisë për të rishikuar orientimin e saj gjeopolitik, në një kohë sfidash të reja për sigurinë dhe stabilitetin e rajonit.

Dhjetë ekipe që janë kualifikuar në garat rajonale në Gostivar do t’i tregojnë mjeshtëritë dhe njohuritë në ofrimin e ndihmës së parë në garën e 31-të shtetërore, që po mbahet në Gostivar.

Hapja e ngjarjes ka qenë në sheshin e qytetit, prej ku janë dërguar mesazhe për rëndësinë e këtij segmenti në shoqëri. Njeriu i parë i shëndetësisë së Maqedonisë në fjalimin para pjesëmarrësve përmendi se ndihma e parë nuk është teori, por mjeshëri dhe e potencoi angazhimin e të rinjve.

“Në një botë ku çdo sekondë ka rëndësi, një vendim i shpejtë dhe një veprim i vogël mund të bëjë diferencën midis jetës dhe vdekjes. Dhe kush tjetër përveç jush të rinjve mund ta merrni përsipër këtë përgjegjësi, me guxim dhe energji. Ju jeni brezi që nuk pret, por vepron, ju nuk jeni vetëm e ardhmja, ju jeni e tashmja që shpëton jetë”, tha ministri i Shëndetësisë, Azir Aliu.

Në një botë ku çdo sekondë është e rëndësishme, një vendim i shpejtë dhe një veprim i vogël mund të bëjnë diferencën mes jetës dhe vdekjes. Dhe kush nëse jo ju të rinjtë mund ta mbani këtë përgjegjësi, me inkurajim dhe me energji. Ju jeni gjenerata që nuk prisni, por veproni, Ju nuk jeni vetëm e ardhmja, ju jeani aktualiteti që shpëton jetë”, tha ministri i Shëndetësisë, Azir Aliu.

Një garë të suksesshme në emër të organizatorit, Kryqit të Kuq të Maqedonisë së Veriut, u uroi ekipeve dhe mentorëve të tyre sekretari i përgjithshëm Sait Saiti, i cili theksoi se ky aktivitet është simbol i dijes, humanitetit dhe përgjegjësisë.

“Ndihma e parë nuk është vetëm një teknikë, është një kulturë, zakon dhe vlerë që duhet të jetë e pranishme në jetën e përditshme. Sidomos në mjediset shkollore, ku të rinjtë formohen si personalitete. Ky aktivitet do të na tregojë se forca e vërtetë nuk matet me fitoren, por me gatishmërinë për të ndihmuar”, tha Sait Saiti në fjalimin e tij.

Në emër të qytetit pritës foli kryetari i komunës në detyrë Valbon Limani, i cili theksoi se gjatë viteve ka pasur një bashkëpunim të shkëlqyer me Kryqin e Kuq të Gostivarit dhe se vullnetarët janë një hallkë kyçe në shpëtimin e jetëve.

“Kryqi i Kuq meriton urime të veçanta për organizimin e vazhdueshëm të këtyre garave që stimulojnë ndërgjegjësimin dhe njohuritë për ndihmën e parë. Dhënia e ndihmës së parë mund të thotë më shumë sesa ajo që mund të bëjnë mjekët”, tha Limani.

Në garën afërsisht 200 vullnetarë nga organizatat komunale të Kryqit të Kuq nga vendi (Gostivari, Koçanu, Vinica, Gazoi Baba, Prilepi, Manastiri, Qendra, Kumanova, Ohri dhe Karposhi), i demonstrojnë dituritë dhe mjeshtëritë për dhënien e ndihmës së parë gjatë simulimit të skenareve të lëndimeve dhe dhënies së ndihmës së parë dhe intervenimit të rregullt në raste fatkeqësia. Shpallja e më të mirëve është paralajmëruar për në orët e pasdites.

Një grup i madh familjesh nga lagjja Gazi Babë te Çairit kanë braktisur VLEN-in për t’u rreshtuar në krah të kandidatit të Aleancës Kombëtare për Integrim për Komunën e Çairit, Bujar Osmani.

Takimi u mbajt mbrëmë në konakun e familjes së Mervan Halitit, ku Osmani theksoi se bashkimi i qytetarëve rreth projektit të tij është garanci për një Çair më të hapur dhe transparent.

“Sonte bashkë në konakun e familjes së Mervan Halitit. Biseduam për aktualitetin dhe vizionin që kemi: një komunë funksionale, transparente dhe të hapur për të gjithë qytetarët. Kështu e shohim të ardhmen tonë të përbashkët,” deklaroi Osmani.

Ai shtoi se mbështetja e familjeve po i jep krah Lëvizjes për Çairin e ri:

“Lëvizja për Çairin e ri po prinë për së mbari.”

Në ditët e fundit, gjithnjë e më shumë anëtarë të partive të VLEN-it po bashkohen me kampin e Bujar Osmanit.