Ylber Nuredini nga Aleanca për Shqiptarët pjesë e koalicionit VLEN është emëruar Drejtor i Qendrës për Kulturë në Dibër.

Pas përfundimit të konkursit, me vendim të Ministrit të Kulturës dhe Turizmit më 19 dhjetor, Ylber Nuredini nga Aleanca për Shqiptarët është emëruar Drejtor i Qendrës për Kulturë në Dibër.

Në postimin e tij në facebook Nuredini falënderoi Aleancën për Shqiptarët për besimin ndaj vizionit të tij për zhvillimin e kulturës në Dibër dhe gjithë koalicionin VLEN për mbështetjen e dhënë.

“Na priftë e mbara!” – përfundoi ai në mesazhin e tij.

5.5% do ta votonin koalicionin VLEN, 5% BDI-në, nëse nesër do mbaheshin zgjedhjet.

Kalimi i VLEN-it kundrejtë BDI-së del nga sondazhi i fundit të realizuar nga agjencia “Market Vizhn”, me porosi të mkd.mk.

Në pyetjen se për cilën parti politike do të votonin, në rast se mbahen nesër zgjedhje, 21.5% të të anketuarve janë përgjigjur se do të votonin për VMRO-DPMNE-në, 5.5% thonë se do ta votonin koalicionin VLEN, 5% për BDI-në, 4% për LSDM-në, 3,9% për Levicën, 2,9% për ZNAM…

Në pyetjen se te cili lider politik kanë më shumë besim, 27,2 për qind e të anketuarve janë përgjigjur për Hristijan Mickoskin. Pas tij te pala maqedonase vijnë Maksim Dimitrievski dhe Venko Filipçe me nga 3,6% dhe Dimitar Apasiev me 2,26%.

Te shqiptarët liderët e VLEN-it kanë më shumë besueshmëri se lideri i BDI-së.

5.3 për qind besim është Ali Ahmeti, kryetar i BDI-së. Pastaj te shqiptarët vijnë Arben Taravari (2,9%), Izet Mexhiti (1,8%), Bilall Kasami (0,7%), Ziadin Sela (0,5%) dhe Afrim Gashi (0.2%).

Nëse kjo përqindje grumbullohet, te shqiptarët del se liderët e koalicionit VLEN dhe ata të Frontit Evropian janë të barabartë në besueshmëri, megjithëse koalicioni shqiptarë në Qeveri do votohej dukshëm më shumë nëse nesër do të kishim zgjedhje.

Sondazhi është realizuar në periudhën nga 6 deri më 15 dhjetor, me gjithsej 1200 të anketuar.

Ndryshe, ky sondazh nxjerr edhe një herë në pak atë që kishin paralajmëruar liderët e koalicionit VLEN, se karriera politike e Ali Ahmetit merr tatapjetën. Së fundmi mbi këtë çështje foli Arben Taravari, i cili tha se lideri i BDI-së do të tërhiqet nga politika më shpejt se sa pritej.

“Se ky është fundi i karrierës politike të zotit Ahmeti, për këtë jam i sigurt. Zgjedhjet lokale do të jenë vula. Kurdo që të mbahen, atëherë do të jetë edhe dorëheqja e Ahmetit, nëse nuk ndodh kjo më herët”, tha Taravari ditë më parë.

Aleanca për Shqiptarët sot në Tetovë do të mbajë mbledhjen e kryesisë së re partiake.

“Kryetari i Aleancës për Shqiptarët, Arben Taravari, nesër (20.12.2024) në orën 18:00, në selinë Qëndrore në Tetovë mbledh Kryesinë e re të partisë”, thonë nga Aleanca për Shqiptrët, duke shpalosur agjendën e takimit.

Do të ketë prononcim para ngjarjes nga Kryetari i partisë ose eksponent të lartë, marrje e inserteve para fillimit të mbledhjes, si dhe deklaratë e Kryetarit të partisë pas mbarimit të mbledhjes.

Në mbledhjen e mbajtur me 19 dhjetor, Kuvendi i ASH-së me vota shumicë zgjodhi për sekretar gjeneral të ASH-së të jetë Blerant Ramadani, kryetar i Kuvendit, Arben Fetai, sekretar Organizativ Gadaf Uzairi, sekretar për Marrëdhënie me Jashtë Omer Ajdini. Derisa Kuvendi ka zgjedhur edhe katër nënkryetarët e ASh-së edhe atë Buajre Abazi, Gëzim Kadriu, Nazim Taipi dhe Garip Kaba.