Connect with us

Politika

Nëse Taravari shkon ministër, Valbon Limani në krye të komunës së Gostivarit?!

Published

on

Kryetari i Komunës së Gostivarit, Arben Taravari, sot në një deklaratë për media ka thënë se ende nuk është marrë një vendim përfundimtar nëse ai do të ulet në karrigen ministrore të Shëndetësisë në qeverinë e re. Vendimi do të dihet në fillim të javës së ardhshme.

“Ende nuk kam një vendim përfundimtar, shpresoj që të hënën të kemi një vendim përfundimtar nëse do të vazhdoj si ministër i Shëndetësisë apo do të mbetem kryetar i Komunës së Gostivrit”, tha Taravari duke shpjeguar pse deri më tani nuk ka marrë vendim përfundimtar:

“Dilema është se a ia vlen të shkojmë në zgjedhje dy herë në një vit, pra 35.000 njerëz në Gostivar të votojnë në nëntor të këtij viti dhe në tetor të vitit të ardhshëm, mendoj se është e padrejtë. Nëse mbetet ligji aktual për vetëqeverisjen lokale, unë do të vazhdoj si kryetar komune, nëse ndryshohet ligji që ushtruesi i detyrës së kryetarit të vazhdojë deri në fund të mandatit, në atë rast do të vazhdoj si ministër. E vetmja gjë është që nuk do të doja që qytetarët të maltretohen më pak se një vit para se të shkojnë sërish në zgjedhje”, tha ai.

Nëse opsioni që komuna e Gostivarit t’i mbetet ushtruesit të detyrës kryetari i komunës, Taravari, beson se kryetari aktual i Këshillit, Valbon Limani, do të ishte një zgjidhje e mirë për atë pozitë.

Continue Reading

Lajme

ASH: A do të vazhdojë Mickoski ta mbrojë Mexhitin nga akuzat për 450 mijë euro provizion për “Skënderbeun”

Published

on

By

A mendon ende kryeministri Hristijan Mickoski se Izet Mexhiti, partneri i tij i koalicionit nga VLEN, si kryetar i Çairit ka marrë provizion prej 450 mijë eurosh për sheshin “Skënderbeu”, ashtu siç akuzonte VMRO-DPMNE kur ishte në opozitë? Publikonin shifra, skandale e afera për shpërdorimet në pushtetin lokal, ndërsa sot janë partnerë besnikë të qeverisë. Nëse Mickoski ka harruar, opinioni e mban mend mirë kur deputeti i VMRO-DPMNE-së, Antonio Miloshoski, publikisht shpaloste akuza kundër Mexhitit për korrupsion, abuzime, krime dhe provizione të rënda prej 450 mijë eurosh. Mickoski dhe VMRO-DPMNE duhet t’u përgjigjen pyetjeve që janë të pashmangshme dhe të interesit publik: • A heq dorë Mickoski nga deputeti i tij Antonio Miloshoski dhe pretendimet e tij, vetëm për ta shpëtuar Mexhitin? • A beson ende VMRO-DPMNE në akuzat e veta ndaj Mexhitit, apo atëherë kritika ishte vetëm populizëm i lirë? • A është gati kjo parti t’i mbyllë sytë para të gjitha atyre pretendimeve për krim, vetëm për të qëndruar në pushtet? Dhe më e rëndësishmja: a është flijuar interesi i popullit për karriget dhe funksionet e tyre? Aleanca për Shqiptarët rikujton: lufta kundër korrupsionit nuk është objekt pazari. Nuk ka kompromis me krimet e dyshuara, as alibi për dyfytyrësi politike. Ka ardhur koha që VMRO-DPMNE të zgjedhë qartë: sundim të ligjit apo mbrojtje të rehatisë së koalicionit. Qytetarët nuk do të pranojnë standarde të dyfishta – një gjë të flisni kur jeni në opozitë, dhe krejt tjetër të bëni sapo të uleni në pushtet. Nëse VMRO-DPMNE vërtet do të paraqitet si bartëse e ndryshimeve, duhet publikisht dhe pa kalkulime të tregojë: a do të qëndrojë në anën e drejtësisë apo do të mbetet bashkëfajtore në praktikat korruptive që vetë i denonconte. Aleanca për Shqiptarët

VIDEO LINK NGA DEKLARATA E MILLOSHOVSKIT: https://wetransfer.com/downloads/293903f41a359828b4c466506b23882c20250904074808/eb0f4decf459b9a362add3444382d88720250904074809/2c85f7?t_exp=1757231289&t_lsid=396598c5-0560-40c8-8b14-7422e3a152bd&t_network=email&t_rid=Z29vZ2xlLW9hdXRoMnwxMTEwOTk4MjkwNjc5NzYzNTY4OTM=&t_s=download_link&t_ts=1756972089

Continue Reading

Lajme

Aleanca për Shqiptarët: Sulmi në Tetovë është akt barbar me bazë etnike

Published

on

By

Aleanca për Shqiptarët shpreh indinjatën dhe shqetësimin e thellë për aktin e fundit të dhunës brutale në Tetovë, ku mbi 20 huliganë të grupit “Vojvoda” kanë sulmuar barbarisht dy nxënës shqiptarë të shkollës së mesme ekonomike.

Ky sulm, i cili ka lënë pas dy të mitur me lëndime të rënda – njëri me hundë të thyer dhe tjetri me brinjë e krah të thyer – është dëshmi e një klime të papranueshme urrejtjeje etnike dhe tolerance institucionale ndaj huliganizmit.

Kërkojmë urgjentisht nga Ministria e Brendshme dhe Prokuroria Publike që të identifikohen dhe të arrestohen menjëherë të gjithë autorët e këtij akti kriminal, të cilët jo vetëm që kanë rrezikuar jetën e dy të rinjve, por kanë goditur edhe ndjenjën e sigurisë së qytetarëve.

midle
Aleanca për Shqiptarët paralajmëron se heshtja dhe mosveprimi i shtetit përballë rasteve të tilla vetëm sa i inkurajojnë grupet huligane që të përsërisin sulme të ngjashme.

Dhuna ndaj fëmijëve është vijë e kuqe dhe përgjegjësia bie mbi institucionet që duhet të garantojnë rend dhe siguri”, theksohet më tej.

ASh qëndron pranë viktimave dhe familjeve të tyre, duke i inkurajuar të kërkojnë drejtësi deri në fund. Ky rast, nuk duhet të mbyllet si një incident i zakonshëm, por të trajtohet si akt i dhunës së organizuar me bazë etnike.

Continue Reading

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

on

By

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët

Continue Reading

TOP Lajme