Connect with us

Lajme

Në Tetovë ndërtime e mbindërtime në çdo hap, qytetarët të shqetësuar nuk mund ta njohin qytetin

Published

on

Pothuajse në çdo hap po ndërtohet në Tetovë. Ndërtesa shumëkatëshe në vend të shtëpive, shtesa, përmirësime – me leje ndërtimi, por edhe pa leje. Qytetarët thonë se urbanistika nuk respektohet dhe nuk mund ta njohin më qytetin e tyre. Është kthyer në asfalt dhe beton dhe ka shumë pak gjelbërim. Një nga pasojat e kësaj është ajri i ndotur, përcjell FLAKA.

“Ndërtimet pa leje krijojnë një revoltë tek qytetarët e thjeshtë. Gjithçka duhet të jetë në përputhje me ligjin e planit urbanistik të qytetit, sepse kjo tashmë është bërë anarki”, thotë një qytetar.

“Komuna të mos i lërë të ndërtojnë ndërtesa, atëherë nuk ka hapësirë ​​për ajër, është kaos”, thotë një qytetar.

“Është shumë e populluar, ka nevojë për natyrë”, shton një qytetarë tjetër.

Nga Inspektorati i Tetovës thonë se janë duke u bërë kontrolle. Sipas tyre, ndërtimet pa leje janë ulur dhe nëse hasin në ndërtime pa leje i ndalojnë dhe kërkojnë dokumente përkatëse, por problem për ta u krijon fakti që disa nga pronarët bëjnë ankesa dhe nuk respektojnë vendimet e inspektimit.

“Kemi shumë probleme këtu, sepse ankohen në një komision të nivelit të dytë, vendimet e inspektorëve në të shumtën e rasteve i refuzojnë si të pabazuara dhe janë ndërtime pa leje. Ne nga ana tjetër duhet ta nisim procedurën nga e para, derisa të vërtetojmë se kemi të drejtë. Si ligj është problematik, ndërsa ju bëni procesverbal dhe zgjidhje, na ndalojnë, policia dhe kallëzimi penal dhe pastaj vazhdojnë, ne kemi probleme në atë aspekt”, tha Abdulgani Aliji, udhëheqës i Inspektorati – Tetovë

Sipas Inspektoratit, në lagjen Kodra e Diellit gjatë fundjavës nuk ka ndërtime të reja pa leje, gjatë kësaj periudhe janë duke u rrënuar disa objekte që kanë leje.

Continue Reading

Lajme

Furkan Saliu pyet: Në çfarë cilësie ishte Afrim Gashi në vizitë në Beograd? (Video)

Published

on

By

Kush është me “Botën Serbe”? AKI akuzon VLEN-in, VLEN-i akuzon AKI-në, zbulohet dokument për vizitën e Afrim Gashit në Beograd.

Përplasjet politike në Maqedoninë e Veriut kanë marrë një drejtim të ri pas akuzave të ndërsjella mes koalicionit VLEN dhe AKI, lidhur me ndikimin e ashtuquajtur “Bota serbe” në vend.

Gazetari Furkan Saliu ka publikuar një dokument që, sipas tij, dëshmon se Afrim Gashi, një nga figurat kryesore të VLEN-it dhe tani kryetar parlamenti, ka qenë për vizitë në Beograd vitin e kaluar. Në postimin e tij, Saliu kërkon publikisht nga VLEN që të sqarojë në çfarë cilësie ka qenë Gashi në Beograd dhe cili ka qenë qëllimi i vizitës.

Nga ana tjetër, tensionet politike thellohen edhe më tej pasi edhe Parlamenti Evropian ka ngritur shqetësime për ndikimin e “Botës serbe” në Maqedoninë e Veriut, duke theksuar se ky ndikim po zgjerohet në mënyrë alarmante, përcjell TS.

Ndërkohë, vëmendje ka marrë edhe një zhvillim tjetër: me miratimin e Bujare Abazit, është lejuar hyrja e një banke serbe në tregun financiar të Maqedonisë së Veriut, gjë që ka nxitur kritika dhe debate të ashpra në opinionin publik dhe skenën politike./TS/

https://www.facebook.com/share/v/16DbyLwhzU/

Continue Reading

Lajme

Valbon Limani kujdeset për një Gostivar më të pastër – NP Komunalec me kamion të ri për mbledhjen e mbeturinave

Published

on

By

N.P “Komunalec” ka shtuar edhe një kamion të ri në parkun e saj të automjeteve për mbledhjen e mbeturinave, duke forcuar kapacitetet operacionale dhe përmirësuar ndjeshëm shërbimet për qytetarët e Gostivarit.

Ky automjet modern garanton grumbullim më të shpejtë, më të sigurt dhe më efikas të mbeturinave, duke kontribuar drejtpërdrejt në pastërtinë e qytetit dhe mbrojtjen e mjedisit. Me këtë investim, ndërmarrja publike vazhdon misionin e saj për ofrimin e shërbimeve cilësore dhe moderne për komunitetin.

Ky është kamioni i dytë i siguruar brenda një periudhe të shkurtër kohe, duke dëshmuar përkushtimin e vazhdueshëm të Komunës së Gostivarit dhe kryetarit Valbon Limani për përmirësimin e infrastrukturës komunale dhe ngritjen e cilësisë së jetës për qytetarët.

Kryetari Limani kishte paralajmëruar më herët pasurimin e parkut të automjeteve të NP Komunalec – një zotim që tashmë po realizohet në praktikë.

Continue Reading

Lajme

Dallavereve në përzgjedhjen e kandidatëve për polic në Maqedoninë e Veriut, padi ndaj dy zyrtarëve

Published

on

By

Policia e Maqedonisë së Veriut ka ngritur kallëzim penal ndaj dy zyrtarëve shtetëror për shkak dyshimeve për keqpërdorimin e detyrës dhe autorizimit zyrtar, transmeton Portalb.mk.

“I denoncuari A.Xh., në kohën e kryerjes së veprës në vendin e punës këshilltar shtetëror për çështje ligjore në Kabinetin e zëvendësministrit në MPB, në cilësinë e anëtarit të Komisionit për zbatimin e procesit të përzgjedhjes dhe zgjedhjes së kandidatit për polic në Ministrinë e Punëve të Brendshme, me datë 15.07.2022, gjatë përzgjedhjes së kandidatëve të paraqitur, është nënshkruar në pasqyrën tabelare me dorën e vet – rubrika “plotëson kriteret” të një kandidati për polic, megjithëse sipas të dhënave të cilat ishin vënë, kandidati nuk i ka plotësuar kushtet”, sqaroi Polici.

Përveç këshilltarit shtetëror A.Xh., e dyshuar është edhe këshilltarja tjetër shtetërore V.Sh., e punësuar në kabinetin e ministrit. Ajo akuzohet se nuk ke penguar veprën penale që e ka kryer A.Xh.

Continue Reading

TOP Lajme