Gjatë qëndrimit të tij në Uashington, kryetari i Aleancës për Shqiptarët, dr. Arben Taravari, pati një takim të veçantë me ambasadorin William Walker – njeriun që denoncoi masakrën e Reçakut dhe tronditi ndërgjegjen ndërkombëtare mbi krimet në Kosovë.

“Sot kisha privilegjin e jetës sime të jem i ftuar në shtëpinë e tij. Ka disa njerëz që me trimërinë e tyre bëjnë vepra të jashtëzakonshme si çlirimi i një shteti. Një figurë e këtij kalibri është edhe ambasadori Walker,” u shpreh Taravari pas takimit.

Në takim mori pjesë edhe kryetari i Komunës së Vrapçishtit, z. Isen Shabani.

Ky takim vjen në kuadër të pjesëmarrjes së delegacionit të Aleancës për Shqiptarët në Samitin Global për të Drejtat e Njeriut në SHBA, ku po trajtohen sfidat e demokracisë, të drejtave civile dhe lirisë së popujve, njoftuan nga Aleanca për Shqiptarët.

Gazetari Urim Saliu ka reaguar ashpër pas vendimit të Fondit për Sigurim Shëndetësor për të refuzuar punësimin e 155 motrave medicinale në Spitalin Klinik të Tetovës. Ai e quan këtë një “ditë të trishtë” jo vetëm për to, por për të gjithë sistemin shëndetësor që sipas tij po rrënohet nga shpërfillja institucionale.

“Si një rufe nga Fondi për Sigurim Shëndetësor, me dokument zyrtar të datës 14.07.2025, të nënshkruar nga dy drejtorë të saj, erdhi një ‘mendim negativ’ për kërkesën për punësimin e 155 punonjësve në Spitalin e Tetovës. Këtu u varrosën gjithë premtimet dhe shpresat.”

Ai përshkruan me ndjeshmëri gjendjen e krijuar pas këtij vendimi:

“Dje në Tetovë nuk ishte thjesht një ditë e zakonshme korriku. Ishte një ditë e trishtë… 155 motra medicinale, që deri dje kujdeseshin për të sëmurët me dashuri e përkushtim, sot mbetën pa punë. Heshtur. Pa zhurmë. Pa ndonjë fjalë falënderimi. Pa një shpresë se nesër do të jetë më mirë.”

Saliu i rikujton publikut se këto gra nuk janë vetëm emra në një listë:

“Këto gra – motra, nëna – nuk janë vetëm numra. Ato janë zemra e shëndetësisë… që mbanin dorën e një plaku pa familje, që lotët i gëlltisnin për të mos i parë pacientët të shqetësuar. Dhe sot, institucionet po i shpërblejnë me heshtje dhe largim.”

Ai ngre edhe një pyetje direkte për kujtesën kolektive të sistemit:

“A është kjo mënyra se si trajtohen ata që u gjendën përballë COVID-it kur të gjithë kishin frikë? A është kjo mënyra se si vlerësohet sakrifica dhe ndershmëria?”

Në fund, mesazhi i tij është i qartë dhe i drejtpërdrejtë:

“Kjo nuk është vetëm një çështje administrative. Është një pasqyrë e një sistemi që nuk njeh meritën, që nuk mbron ata që janë më të përkushtuarit. Dhe në këtë pasqyrë, sot shohim një fytyrë të trishtuar. Shohim një zemër të plagosur. Shohim kujdesin që po zbehet dhe dinjitetin që po fashitet.”

Mesazhi i Saliut rezonon me zhgënjimin publik që po rritet në rajon, ndërsa politikat shëndetësore vazhdojnë të lënë jashtë ata që e mbajnë sistemin gjallë – në terren, në heshtje, çdo ditë. Flaka

Gazetari dhe pronari i Tetova Sot, Rami Mislimi përmes një postimi mëngjesim e sotëm ka alarmuar se Bilall Kasami sot do të pranoj një donacion nga Serbia që mengjasë do të ketë një vlerë prej 800mi eu. Mislimi ngre dyshime se ky donacion është për ndërtimin e kishës ortodokse në Tetovë e cila sipas gjasave do të ndërtohet afër ish Monopolit te “Parku u gruas”.

Postimi i plotë i Rami Mislimi:

Mirëmëngjesi Tetovë!

Sot kryetari i Tetovës, Bilall Kasami do të pranojë donacion nga Beogradi – Serbia

Çka e lidh Bilall Kasamin me Serbinë?

Pse Beogradi i jep 800 mijë Euro donacion Bilall Kasamit?

A ka lidhje Kisha Ortodokse Serbe dorë në këtë donacion?

A ka premtu Bilall Kasami ndërtimin e Kishës në Tetovë për këtë donacion?

Sot do t’i mësoni të gjitha këto pyetje dhe përgjigje!