Connect with us

Lajme

Mickoski: Ata që mbajnë konferenca të mesnatës, nuk do të kemi mëshirë, për veshë do t’i nxjerrim nga shtëpia

Published

15 hours ago

on

Duke komentuar konferencën për shtyp që nënkryetarit të BDI-së Arbër Ademi gjatë mbrëmjes së djeshme, kryeministri Hristijan Mickoski tha se nuk do të kenë mëshirë në hetimin mbi rastin e djegies së diskotekës në Koçan. Mickoski tha se nuk duhet të luhet në “kartën etnike në këtë rast”.

“T’u përgjigjem atyre që mbajnë konferenca për shtyp në mesnatë. Këtu nuk ka politikë. Do të përgjigjeni të gjithë. Që e keni marrë guximin në këtë mënyrë të bëni politikë në shpinë të qytetarëve dhe të jetëve që këta fëmijë i kanë humbur.
Nuk do të ketë mëshirë, nga shtëpia do t’i marrim. Nëse mendojnë të luajnë në kartë etnike dhe në politikë që mbrëmë tentuan me ato konferenca shtypi në mesnatë.
Nga shtëpia për veshë do t’i nxjerrim”, deklaroi Mickoski.

Related Topics:
Continue Reading

Lajme

Lëvizja BESA: Besa Kadriu nuk është nënkryetare e partisë, mbështesim fuqishëm zbardhjen e tragjedisë

Published

4 hours ago

on

March 17, 2025

By

Lëvizja BESA përmes një njoftimi kumtoi se profesoresha Besa Kadriu nuk është nënkryetare e partisë dhe në shkrimet e saj të fundit, nuk i shfaq qëndrimet partiake, por qëndrimet e saja personale.

“Znj. Kadriu ka dhënë dorëheqje nga të gjitha organet e partisë së Lëvizjes BESA në seancën e mbajtur të Kuvendit Qendror të partisë më datë 01.06.2024. Ndryshe Lëvizja BESA mbështet fuqishëm çdo përpjekje të organeve të shtetit, për të zbardhur çdo detaj lidhur me ngjarjen tragjike në Koçan dhe në veçanti inkurajon organet e Drejtësisë që të jenë sa më efikas në punën e tyre”, thonë nga Lëvizja BESA.

Ky reagim i partisë së Kasamit vjen pas statusit të profesoreshës Kadriu e cila drejtoi akuza ndaj Qeverisë për tragjedinë në Koçani, ndërsa shumica e mediave e paraqitën qëndrimet e saj në cilësinë e zyrtares së Lëvizjes BESA./Zyrtare.net/

Continue Reading

Lajme

Gjykata në Koçan po përgatitë vendimet për paraburgim 48 orë për 14 persona mes tyre Bekteshi dhe Trajkovski

Published

5 hours ago

on

March 17, 2025

By

Nga Gjykata Themelore e Koçanit për SAKAMDAKAZAM.MK deklaruan se tashmë po shkruhen vendimet për paraburgimin e shkurtër të 8 plus 6 të dyshuarve për zjarrin katastrofik në diskotekën “Puls” në Koçan, ku humbën jetën 59 persona. Kjo do të bëhet në mënyrë që të arrestuarit të mbahen në marrje në pyetje për më shumë se 24 orë. Pas skadimit të këtyre 48 orëve, do të dihet për cilët nga të dyshuarit prokurorët do të kërkojnë paraburgim 30-ditor.

Në Gjykatën e Koçanit, përpara një gjyqtari të procedurës paraprake, me një furgon policor dhe me pranga në duar, u sollën ish-ministri i Ekonomisë, Kreshnik Bekteshi, dhe ish-drejtori i Inspektoratit Shtetëror të Tregut, Goran Trajkovski. Më herët, për t’u marrë në pyetje nga prokurori, por jo përpara gjyqtarit të procedurës paraprake, u paraqit edhe kryetari i Komunës së Koçanit, Ljupço Papazov. Pas marrjes në pyetje, ai u largua në shtëpi dhe nuk u soll në gjykatë.
Mësohet se kjo gjykatë me kapacitet të vogël është tërësisht e angazhuar sonte. Gjyqtarit të procedurës paraprake po i ndihmojnë kolegët e tij, si dhe kryetari i gjykatës. Kështu do të vazhdojë edhe në ditët në vijim.

Deri më tani, mbi 20 persona janë të dyshuar për zjarrin katastrofik në diskotekën që funksiononte pa licencë, pa dyer daljeje për evakuim, pa aparate kundër zjarrit dhe e mbuluar nga brenda me materiale jashtëzakonisht të djegshme.

 

Continue Reading

Lajme

Valbon Limani përkujtojn viktimat e Koçanit në Gostivar

Published

12 hours ago

on

March 17, 2025

By

Sot kryetari i Komunës së Gostivarit, Valbon Limani bashkë me qindra qytetarë, në qendër të qytetit përkujtuan 59 viktimat e tragjedisë që ndodhi në Koçan.

Kryetari Limani theksoi se ngjarje është për t’u solidarizuar dhe për të shprehur nderime.

“Sot jemi mbledhur të gjithë këtu, gostivarasit, së bashku unë me këshilltarët dhe me të gjithë qytetarët e tjerë, për të shprehur para së gjithash nderim, por edhe për t’u solidarizuar me të gjitha familjet që kanë humbur më të dashurit e tyre në këtë ngjarje tragjike. Në të njëjtën kohë, duam t’u dërgojmë mesazhe të gjithë atyre që janë të prekur dhe po trajtohen në spitale, që të shërohen sa më shpejt dhe të shpresojmë që të mos ketë viktima të tjera nga ky rast i dhimbshëm. Në të ardhmen, urojmë të mblidhemi të gjithë të bashkuar vetëm për raste të bukura”, u shpreh Limani.

Kujtojmë se pas shpalljes së 7 ditë zie nga Qeveri, sot edhe flamujt pranë Komunës së Gostivarit u ulën në gjysmë shtizë.

Continue Reading

TOP Lajme