Connect with us

Lajme

Mexhiti: “Mirë se erdhe në shtëpinë tënde”, me këto fjalë më mirëpriti presidenti Begaj

Published

on

Zv/kryeministri i parë i Maqedonisë së Veriut, Izet Mexhiti është mirëpritur sot nga presidenti i Shqipërisë, Bajram Begaj.

“Mirë se erdhe në shtëpinë tënde,” me këto fjalë më mirëpriti sot Presidenti i Republikës së Shqipërisë, z. Bajram Begaj, në Presidencën shqiptare. Kjo pritje e ngrohtë më ngjalli ndjenjën e përkatësisë dhe më kujtoi sa të forta janë lidhjet tona kombëtare, pavarësisht kufijve.

Gjatë takimit tonë, Presidenti Begaj më uroi për detyrën e re dhe për rezultatin zgjedhor, duke theksuar rëndësinë e bashkëpunimit strategjik mes Shqipërisë dhe Maqedonisë së Veriut. Marrëdhëniet tona u vlerësuan si të shkëlqyera, me synim zgjerimi edhe më tej, në të gjitha fushat.

Diskutimet u përqendruan në projekte me interes strategjik për të dy vendet, siç janë Koridori 8-të, hekurudha Kërçovë-Lin, largpërçuesi Manastir-Elbasan dhe projekte të tjera të cilat shërbejnë si ura lidhëse jo vetëm infrastrukturore, por edhe vëllazërore! Ndërlidhja infrastrukturore dhe bashkëpunimi i gjithanshëm përbëjnë një prioritet të qeverisë së re në Shkup, ku shkëmbimi i përvojave pozitive, sidomos në fushat e investimeve të huaja direkte, zhvillimit të turizmit, dhe qarkullimit të lirë të qytetarëve, që është një gur themeli për zhvillim të qëndrueshëm.

Një tjetër temë kyçe e diskutimeve tona ishte bashkëpunimi në përpjekjet euroatlantike, një proces ky që kërkon koordinim të vazhdueshëm dhe angazhim të përbashkët për të përmbushur synimet tona strategjike. Në këtë frymë, u shpreh edhe ideja për organizimin e një eventi të përbashkët trepalësh mes Maqedonisë së Veriut, Shqipërisë dhe Kosovës për të përkujtuar Kongresin e Manastirit, një moment historik që simbolizon unitetin dhe forcën e kombit tonë.

Takimi me Presidentin Begaj ishte një moment i veçantë, vëllazëror e shumë i përzemërt, që më bëri ta ndjej se Tirana, vërtetë është shtëpia e të gjithë shqiptarëve!!!”, ka shkruar Mexhiti.

Continue Reading

Lajme

Ramadani: Menaxhimin e Komunës së Sarajit do ta bazoj në rezultate konkrete

Published

on

By

Kandidati për kryetar të Komunës së Sarajit nga AKI, Blerant Ramadani në një intervistë dhënë për Zyrtare.net, foli për vizionin e tij mbi mënyrën se si e sheh menaxhimin e pushtetit lokal, duke theksuar se përvoja e tij akademike dhe profesionale do të reflektohet drejtpërdrejt në punën komunale.

“Unë vij nga fusha e inxhinierisë dhe jam ligjërues në universitet. Vendimmarrjet i bazoj në fakte dhe projekte, prandaj edhe veprimtarinë time si menaxher i ardhshëm i Komunës së Sarajit do ta mbështes në pragmatizëm dhe rezultate konkrete,” u shpreh Ramadani.

Ai shtoi se përvoja ndërkombëtare që ka fituar gjatë viteve do të vihet në shërbim të Sarajit, duke synuar standarde më të larta në shërbimet publike, infrastrukturë dhe arsim. Ramadani theksoi gjithashtu rëndësinë e transparencës dhe komunikimit të hapur me qytetarët, duke e konsideruar komunën si “shtëpinë e përbashkët të të gjithëve”, tha Ramadani.

Continue Reading

Lajme

Blerant Ramadani premton: Brenda dy vitesh, nevojat bazike të Sarajit do të plotësohen

Published

on

By

Kandidati i AKI-së për komunën e Sarajit, Blerant Ramadani në një intervistë për Zyrtare.net prezantoi vizionin e tij për zhvillimin e kësaj komune, duke theksuar se ndryshimet do të nisin që nga dita e parë e mandatit.

“Komuna do të jetë shtëpia e hapur për të gjithë qytetarët. Që në ditën e parë do të fillojmë me realizimin e një plani emergjent 100-ditësh. Ai nënkupton eliminimin e të gjitha deponive ilegale, si dhe një plan konkret që çdo vendbanim të ketë ujë të pijshëm, kanalizim dhe rregullim të rrugëve lokale,” u shpreh Ramadani.

Ai premtoi se brenda dy viteve nevojat bazike të qytetarëve të Sarajit do të jenë të plotësuara, ndërsa paralajmëroi edhe ngritjen e standardeve komunale në nivel të një komune urbane të Shkupit.

“Ne duhet të investojmë paralelisht në cilësinë e arsimit, rregullimin e shkollave me kushte moderne dhe digjitalizimin,” shtoi Ramadani.

Continue Reading

Lajme

Ende nuk flet Adnan Azizi për “goditjen” nga Mickovski, sot bëhen 3 ditë (Video)

Published

on

By

Sot bëhen tre ditë që nga momenti kur kryeministri Mickovski ka “goditur” ashpër shefin e shtabit të VLEN-it, Adnan Azizin. Në pyetjen e gazetarit të TS, se si e komenton patriotizmin e Adnan Azizit i cili në një tubim u shpreh se do ti ndalojë projektet sllave në Tetovë, kryeministri Mickovski nuk deshi t’ia thotë as emrin, por tha se “personi që përmendet nuk ka fuqi politike për të vendosur për proceset aktuale në vend”.

Kjo deklaratë e ashpër është konsideruar si një sulm i drejtpërdrejtë dhe ka tensionuar më tej marrëdhëniet mes VMRO-së dhe VLEN-it.

Pavarësisht kësaj deklarate të ashpër, nuk ka pasur asnjë reagim edhe pas 3 ditëve nga Adnan Azizi, por dje ka reaguar kreu i BESËS dhe i komunës së Tetovës, Bilall Kasami.
Ai në vend që ti përgjigjet kryeministrit Mickovski, Kasami drejtoi akuza ndaj BDI-së duke thekësuar se BDI-ja po përgatitet të krijojë tensione ndëretnike.

Sipas portalit TS, tensionet mes VMRO-së dhe VLEN-it po përkeqësohen edhe për shkak të qëndrimeve kontradiktore të vetë përfaqësuesve të VLEN-it. Nga njëra anë, Adnan Azizi kritikon projektet “sllave” në Tetovë dhe shfaqet me shqiponjën dykrenare, ndërsa nga ana tjetër, Bilall Kasami kërkon votat maqedonase nga VMRO-ja në Tetovë.

Ndërkohë, kryeministri Mickoski, përmes portalit TS, ka dërguar një mesazh të drejtpërdrejtë liderit të BDI-së, Ali Ahmetit, i cili nga mediat maqedonase është cilësuar si një sinjal i afrimit të qëndrimeve mes VMRO-së dhe BDI-së para zgjedhjeve lokale.

Ndryshe, në anketat e IRI-it, agjencive të tjera si Rejting, si dhe në sondazhet që qarkullojnë në zyrat e VMRO-së, thuhet se Aleanca Kombëtare për Integrim (AKI) pritet të marrë mbi 150 mijë vota, ndërsa VLEN vetëm 50 deri në 55 mijë. Një rezultat 3 me 1 që, sipas analistëve, mund të tronditë rëndë pozitat e VLEN-it pas 18 tetorit dhe të shpërbëhet komplet koalicioni siç ka deklaruar Arben Taravari./TS/

Continue Reading

TOP Lajme