Kryetari Valbon Liman ka bë të ditur se Këshilli i Komunës së Gostivarit në seancën e sotme me shumicë votash uli çmimin e parkingut në Gostivar nga 40 denarë në 25 denarë.

Me këtë vendim është kthyer çmimi i vjetër i parkingut në Gostivar, me çka sado pak do t’ua lehtësojë qytetarëve barrën e financiare.
Po ashtu me Rregulloren e re të ndërmarrjes publike për “Parkingje publike dhe gjelbërim”, parasheh edhe ulje të çmimit për bllokim të automjeteve të keqparkuara, nga 1200 denarë çmimi ulet në 600 denarë, si dhe zvogëlim të orarit për parkim me pagesë.

Sekretari organizativ i Aleancës për Shqiptarët krahu i Arben Taravarit, Gadaf Uzairi, përmes një reagimi në profilin e tij ka komentuar lajmin për vulat duke e ciësuar grupin e ish liderit Ziadin Sela si shoqatë që është shkrirë në BDI. Uzairi kujtoi se vula e vërtetë e Aleancës për Shqiptarët është vullneti i anëtarësisë dhe strukturave legjitime të partisë. Çdo përpjekje për të manipuluar opinionin publik është e kotë, pasi e vërteta është e qartë dhe e pakontestueshme.

Postimi i plotë i Uzairit:

“Shoqata e Ziadin Selës, e cila u shkri në BDI, le ta ketë të qartë se asnjë gjykatë nuk ka dhënë ndonjë vendim në favor të tyre. Vula e vërtetë e Aleancës për Shqiptarët është vullneti i anëtarësisë dhe strukturave legjitime të partisë. Çdo përpjekje për të manipuluar opinionin publik është e kotë, pasi e vërteta është e qartë dhe e pakontestueshme.

Strukturat e Aleancës për Shqiptarët i qëndrojnë besnike parimeve dhe rrugëtimit të saj politik, të bazuar në legjitimitetin e tyre dhe mbështetjen e anëtarësisë.”, ka përfunduar Uzairi.

Kryetari i Aleancës për Shqiptarët, Arben Taravari përmes një postimi në profilin e tij ka reaguar ndaj lajmit të publikuar nga KlanMaqedoni se gjoja gjykata ka vendosur për vulat e ASH-së.

Postimi i plotë i Taravarit

“Për dikë që partia është katandisur në “Vula” kemi lajmin e vështirë për ta që asnjë Gjykatë nuk ka dhënë ndonjë vendim në favor të tyre. Ky obsesion i vulave tregon qartë se ata e shohin partinë si një copë toke që e ka ai që ka tapi e vula…absurd dhe gjynah!”, ka përfunduar kreu i ASH-së.