Connect with us

Lajme

Ligji për gjuhët- Fetai: BDI nxiti tesionet, ranë në opozitë po nxjerrin probleme

Published

on

Zv.kryeministri për politika dhe sundim të mirë, Arben Fetai, në një intervistë për Euronews Albania, ka komentuar lidhur me debatin e ngritur së fundmi për gjuhën shqipe në Maqedoninë e Veriut.

Fetai sqaroi se Ligji për gjuhët është sjellur në disa faza, verzioni i fundit me të cilin punojmë është ai janarit të vitit 2018 në kohën kur Aleanca për Shqiptarët kishte kushtëzuar me sjelljen e një ligji të ri për përdorimin e gjuhëve. Në atë kohë u bë një hile nga partitë në pushtet pas miratimit të ligjit respektivisht LSDM dhe BDI të cilët e dërguan ligjin në komisionin e Venecias krejtësisht pa nevojë.
Komisioni i Venecias dha një opinion prej 25 faqesh në lidhje me ligjin ku në vija të trasha thuhet se: Komisioni i Venecias nuk është i thirur për të vlerësuar kushtetushmërinë e ligjit. Aty jepen një sërë mendimesh të natyrës politike rreth mënyrave të zbatimit të ligjit të cilat natyrisht në disa segmente kanë edhe implikime finansiare dhe implikime në nivel të burimeve njerëzore por që nuk janë çështje të cilat arsyetojnë mos zbatimin e ligjit.

Në lidhje me këtë ligj ishin dorëzuar në atë kohë rreth 15 lëndë, ankesa të ndryshme nga parti politike nga shoqata dhe nga qytetarë maqedonas kundër ligjit për gjuhën shqipe duke u thirur në shkelje të supozuara të kushtetutës të cilat komisioni i Venecias nuk i ka shqyrtuar dhe ka thënë që nuk është i thirur që ti vlerësoj.

Fetai më tej tha se tani 6-të vite më vonë çuditërisht riaktivizohen lëndët në gjykatën Kushtetuese dhe kryetari i gjykatës kushtetuese njofton se do të shikohen këto lëndë pas gjashtë viteve, dmth 6 vite lëndët janë mbajt në sirtar sa ishte në pushtet BDI me LSDM-në dhe tani që ka ndodhur një rotacion demokratikë i pushtetit çuditërisht Gjykata Kushtetuese për herë të parë i hap këto lëndë.

Fetai theksoi se kjo përbërje e Gjykatës Kushtetuese është produkt i një qeverisje tetë vjeçare LSDM-BDI dhe se për gjashtë vite me rradh lëndët në lidhje me ligjin për gjuhën shqipe kanë ndejtur në sirtar dhe në momentin kur LSDM dhe BDI shkojnë në opozitë reaktivizohet lënda. E kemi thënë dhe po e përsërisë kjo lëvizje është një ndër lëvizjet e shumta që i kemi pa prej ndryshimit të pushtetit prej rotacionit demokratikë të pushtetit për të destabilizuar situatën në vend.
Kishim tranzitin e presidentes të Republikës së Kosovës, znj. Vjosa Osmani e cila bëri bujë me tensione në Aeroportin e Shkupit, e kishim arrestimin e ish ushtarit të UÇK-së, Blerim Ramadanit në pikën kufitare në Jazhincë dhe përpjekja për ta mbajtur në burg dhe dorëzuar në Serbi kemi tash këtë lëndë në gjykatë kushtetuese kemi tabelat që u shfaqën në kufirin me Kosovën dhe këto janë përprekje të dështuara të ish pushtetit të regjimit të BDI-së dhe LSDM-së për të tensionuar situatën dhe për të tensionuar marrëdhëniet ndërmjet bashkësive këtu.

Continue Reading

Lajme

Filipçe: Qeveria nuk mund ta menaxhojë situatën me zjarret në deponitë, Aziri dhe Toshkovski të japin dorëheqje

Published

on

By

Sa herë që kryeministri gjendet në një situatë ku nuk mund të menaxhojë dhe nuk mund të gjejë zgjidhje për problemin, dikush tjetër është fajtor, tha kryetari i LSDM-së, Venko Filipçe, në lidhje me zjarret në deponitë në rajonin e Shkupit dhe mënyrën se si Qeveria po e menaxhon të gjithë situatën.

“Në 15 muajt e fundit, fillimisht kishte mbikëqyrje me dronë, kishte përpjekje për destabilizim, pastaj sulme hibride, dhe tani po ndodh diçka e organizuar nga qendra të ndryshme të huaja të pushtetit. Mendoj se asnjë kryeministër nuk ka guxuar ta keqpërëdorë situatën në aspektin e sigurisë në këtë mënyrë, as të keqpërdor instrumentet e sigurisë në vend. Nuk kemi parë asnjë zgjidhje të vetme për asnjë problem nga kjo qeveri”, thotë Filipçe.

Ai shtoi se nëse është ashtu siç thotë kryeministri për situatën aktuale me zjarret në deponi dhe nëse jemi vërtet nën sulm, kërcënim, disa sulme hibride ose disa qendra të huaja pushteti, atëherë, sipas mendimit të tij, Këshilli i Sigurisë duhej të ishte mbledhur i pari dhe në terren të dalë Armata.

“Duhej në terrren dhe në opinion të dilte ministri i Mbrojtjes. Të gjitha shërbimet e sigurisë në vend duhej të aktivizoheshin, NATO duhej të njoftohej, si partneri ynë strategjik. Asgjë nga kjo nuk po ndodh, e gjithë kjo që po bën kryeministri është në fakt një piar dramë , nuk ka asnjë veprim për të zgjidhur problemet dhe kjo është vërtet provë e një udhëheqjeje amatore të vendit. Në praktikë, ky ekip nuk ka kapacitet për ta udhëhequr vendin siç duhet”, tha Filipçe.

I pyetur se cilat janë propozimet dhe zgjidhjet e tij, si lider i opozitës, Filipçe u përgjigj se së pari duhet të bëhet një analizë e asaj që VMRO-DPMNE dhe partnerët e koalicionit ua premtuan qytetarëve katër vjet më parë, pastaj duhet të bëhet një analizë e të gjitha deponive, nëse ato funksionojnë ligjërisht, nëse kanë licenca dhe nëse të gjitha janë të vendosura në një distancë të përshtatshme nga zonat e banuara dhe nga vendet ku importohen mbeturinat në vend.

Continue Reading

Lajme

AKI: Kushëriri i Izet Mexhitit me tenderë po i hap rrugë botës serbe në Maqedoni

Published

on

By

Aleanca Kombëtare për Integrim (AKI) ngre alarmin për një skandal të nivelit më të lartë, i cili rrezikon sigurinë energjetike të shtetit dhe e vendos Maqedoninë në duart e projektit të ashtuquajtur “bota serbe”. Drejtori i MEPSO-s, Burim Latifi, kushëriri i parë i kandidatit të VLEN-it për Çair, Izet Mexhiti, ka nënshkruar kontrata me kompani serbe për projekte me rëndësi strategjike.

“Ne kemi fakte se funksionarët e VLEN-it jo vetëm që heshtin përballë projektit të ashtuquajtur bota serbe, por e mbështesin atë aktivisht dhe këtë e bëjnë përmes tenderëve publikë”, deklaroi zëdhënësi i AKI-t, Fitim Kakruki.

Më 21 gusht, drejtori i MEPSO-s, Burim Latifi, ka nënshkruar një kontratë me kompaninë “IMP-Telekomunikacije DOO Beograd” për furnizimin dhe instalimin e pajisjeve të telekomunikacionit për telembrojtjen e linjës elektroenergjetike midis Shtipit dhe Vranjës. Kjo linjë është kyçe për stabilitetin energjetik të shtetit dhe çdo ndërhyrje mbi të ka pasoja serioze strategjike.

Vetëm një muaj më parë, në korrik, Latifi ka nënshkruar edhe një kontratë tjetër, në vlerë prej rreth 150 mijë eurosh, me kompaninë serbe “Siemens DOO Beograd” për mirëmbajtje softuerike.

“Bëhet fjalë për një kërcënim të drejtpërdrejtë ndaj sigurisë kombëtare. Me këto kontrata, Beogradi fiton qasje në sistemet prej të cilave varet siguria energjetike e Maqedonisë. Kush e ka lejuar këtë dhe me çfarë qëllimi”, pyeti Kakruki.

AKI kërkon nga Qeveria, Komisioni Shtetëror për Parandalimin e Korrupsionit dhe institucionet e sigurisë që menjëherë të hapin procedurë për hetimin e kontratave të MEPSO-s me kompanitë serbe dhe të përcaktojnë nëse ka konflikt interesi dhe ndikim politik nga Izet Mexhiti dhe koalicioni VLEN.

“Në Maqedoni ka dhjetëra kompani, si shqiptare ashtu edhe maqedonase, që mund ta kryejnë këtë punë, por Latifi zgjedh firma nga Beogradi. Kjo nuk është rastësi, kjo është dëshmi e qartë e një agjende partiake dhe familjare”, theksoi zëdhënësi i AKI-t.

Aleanca Kombëtare për Integrim porosit se nuk do të lejojë që interesat personale të VLEN-it dhe lidhjet familjare të Izet Mexhitit ta sakrifikojnë shtetin dhe ta vendosin në shërbim të ndikimeve të huaja.

“Qytetarët e Çairit dhe të gjithë Maqedonisë duhet të pyesin veten nëse duan që siguria e tyre energjetike të lihet në duart e kompanive serbe për shkak të lidhjeve familjare. Ne nuk do të heshtim, do të mbrojmë interesin kombëtar dhe të ardhmen evropiane të shtetit”, përfundoi Kakruki.

Continue Reading

Lajme

Ai që ngrihet duke i shitur shokët akuzon për sallta

Published

on

By

Shkruan: Liridon Ramadani

Njëri po e akuzon Arben Taravarin për sallta, po në fakt Arben Taravari është mistermind i politikës në RMV, dhe lëvizjet e tij shpesh e determinojnë rrjedhën politike këtu. Ai i bën shumë herë në dëm të vetes e në dobi të shokëve. Ai që po akuzon, në fakt është specialist i salltave, por salltat e tij i bën duke i mashtru shokët e për privilegje për vete. Këtu është gjithë dallimi.

Dhe ndryshe nga Arben Taravari, i cili ka peshë dhe respekt, këtij tjetrit i ka hup krejt pesha, në Vlen s’po e përfill kush, prej loje veçëse ka dal. Me 100 veta gjithsej që i ka, i ka disloku krejt në Likovë dhe i rrotullon javë për javë sot forum rinor, nesër forum i gruas, masnesër strukturë… e në fund prap 100 mbesin.

Edhe këto 5 javë që kanë mbet, veç për fotografi do t’i shfrytëzojë, se masanej as në foto s’ka me u pa.

Continue Reading

TOP Lajme