Koalicioni VLEN sonte në sheshin Skenderbe ka mbajtur tubim ku kanë prezantuar shtajin zgjedhorë. Një burim për Top24 jonzyrtarisht njofton se VLEN për tu mbrojtur nga dështimi përdor foto të edituara të vitit të kaluar të hapjes së shtabit, shkruan Top24

”Pobe kesh aty unë. Kish njerzi ama jo si kto nfoto. Kto nfoto jan pi vitit tkalum kur ishte ene Taravari” shkruan për Top24 një qytetar që ishte present.

Aktivisti qytetar nga Çairi, Jasin Jusufi, ka reaguar me tone ironike ndaj tubimit të mbajtur mbrëmë në sheshin “Skënderbeu” në Çair, ku u hap shtabi zgjedhor i subjektit VLEN.

“Me kaq njerëz u pat zgjedh plak katundi, babgjyshi i një shokut tim,” ka komentuar Jusufi në rrjetet sociale, duke aluduar për pjesëmarrjen modeste në këtë ngjarje. Ai ka shtuar me një paralajmërim politik: “Veç më ju ka dënuar populli, por dënimin më të madh do ta merrni në tetor!”

Në një koment tjetër, Jusufi ironizon edhe atmosferën e organizimit, duke shkruar: “Ndihmën e shpejtë e kanë thirr, mos i bjerë të fajtë atij të Bilallit!”

Hapja e shtabit të VLEN-it vjen në prag të zgjedhjeve lokale të tetorit, ndërkohë që fushata e tyre po përballet me komente të ashpra e kritika nga qytetarët dhe figura publike në rrjetet sociale.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Gazetari Rami Mislimi ka hedhur dritë mbi një situatë të tensionuar brenda koalicionit opozitar shqiptar VLEN, pas paraqitjes së liderëve të këtij blloku në hapjen e shtabit zgjedhor të përgjithshëm për zgjedhjet lokale. Sipas tij, pamja e tyre e unifikuar me këmisha të bardha ka pasur synimin e qartë për të projektuar një imazh fituesi para opinionit publik, por në thelb fsheh ndasi të theksuara brenda këtij fronti politik, transmeton Flaka

“Liderët e koalicionit VLEN mbrëmë u shfaqën me këmisha të bardha në hapjen e shtabit të përgjithshëm për zgjedhjet lokale, me qëllim që të paraqiteshin si fitues para opinionit publik. Por pas kësaj paraqitjeje simbolike, fshihen tensione të forta brenda subjektit,” shkruan gazetari Mislimi.

Në këtë ngjarje me peshë politike munguan dy figura të rëndësishme: Afrim Gashi, kryetar i Lëvizjes Alternativa dhe Fatmir Limani, një nga emrat që kanë pasur ambicie për kandidaturë në Kërçovë.

Sipas burimeve të portalit TS, marrëdhëniet mes Afrim Gashit dhe Zeqirja Ibrahimit janë përkeqësuar ndjeshëm javëve të fundit. Shkak për këtë krizë të brendshme besohet të jetë një marrëveshje e bërë në fshehtësi nga Ibrahimi, i cili – pa dijeninë e Gashit – ka pranuar t’i japë postin e kryetarit të Kuvendit ish-kreut të Aleancës për Shqiptarët, Ziadin Sela, me qëllim që ky i fundit të përfshihej në qeveri pas largimit të Arben Taravarit.

“Mësohet se Ibrahimi, pa dijeninë e Gashit, kishte pranuar të ‘shiste’ postin e kryetarit të Kuvendit për Aleancën për Shqiptarët të Ziadin Selës,” thuhet në raportimin e TS.

Ky akt është konsideruar si “tradhti” nga Gashi, i cili – sipas të njëjtave burime – ka kërcënuar me largim nga VLEN, së bashku me tre deputetët e tij, nëse Selës i jepet ky post.

Në një lëvizje simbolike që po interpretohet si sinjal presioni, Gashi publikoi një foto me ambasadorin shqiptar Donian Meidani, duke lënë të kuptohet se mund të ripozicionohet politikisht nëse kërkesat e tij nuk respektohen.

Ndërkohë, mungesa e Fatmir Limanit nuk kaloi pa u vënë re. Burime pranë tij bëjnë me dije se ai është i zhgënjyer me Bilall Kasamin, i cili thuhet se e ka anashkaluar për kandidaturën në Komunën e Kërçovës, një vend ku Limani gëzon mbështetje lokale.

Përtej përplasjeve personale dhe strategjike, tensionet brenda VLEN-it janë të pranishme edhe në çështjen e ndarjes së komunave për zgjedhjet e ardhshme. Sipas informacioneve, përçarjet janë më të theksuara në Çair dhe Tearcë, ku emrat e përmendur si kandidatë nuk gëzojnë mbështetje të gjerë në terren, ndryshe nga disa figura të anashkaluara.

Në të kundërt, në kampin tjetër politik, BDI ka arritur marrëveshje bashkëpunimi me të dyja Aleancat për Shqiptarët (grupin e Taravarit dhe atë të Selës). Ato pritet të garojnë me kandidat të përbashkët dhe lista të përbashkëta në zgjedhjet lokale të tetorit, duke shfaqur një unitet më të konsoliduar se VLEN.