Kryetari i Forumit Rinor të Aleancës për Shqiptarët në Çair, Hamza Nuhiu, mori pjesë si panelist në Forumin Rinor mbi Integrimin Evropian, i cili u mbajt sot në Europe House në Prishtinë, përcjell PressOnline.al.

Në panelin rinor, bashkë me përfaqësues nga Kosova dhe Mali i Zi, Nuhiu ndau mendime mbi rolin e rinisë në procesin e integrimit evropian, duke theksuar rëndësinë e angazhimit aktiv të të rinjve në këtë proces.

Pjesë e forumit ishte edhe sekretarja gjenerale dhe deputetja e PDK-së, znj. Vlora Çitaku, ish-ambasadore e Kosovës në SHBA dhe ish-ministre për Integrime Evropiane, e cila ndau përvoja dhe perspektiva mbi bashkëpunimin rajonal dhe fuqizimin e rinisë.

Sipas Nuhiut, ky forum ishte një hapësirë frymëzuese për bashkëpunim dhe vizion të përbashkët drejt një të ardhmeje më evropiane për Ballkanin Perëndimor. (PressOnline.al)

Kushtin nga masa e Qeverisë për dhënien e vauçerëve prej 250 euro për studentët për blerje të laptopëve apo tabletëve që kompanitë të kenë minimum dy ekspozitura në territorin e vendit, OEMVP e vlerëson si kriter diskriminues.

“Ky kufizim i përjashton shumicën e bizneseve të vogla dhe të mesme, të cilat në shumicën e rasteve operojnë vetëm me një ekspoziturë, por megjithatë ofrojnë shërbime cilësore dhe profesionale dhe krijon konkurrencë jo të barabartë, duke favorizuar vetëm operatorët më të mëdhenj”, theksojnë nga OEMVP.

OEMVP, madje u bënë thirrje institucioneve përkatëse që të rishikojnë kushtet e thirrjes publike dhe të mundësojnë qasje të barabartë për të gjitha kompanitë në mënyrë që të shmanget krijimi i konkurrencës jolojale dhe të sigurohet trajtim i drejtë për të gjithë operatorët ekonomikë.

Deputeti i ASh-së, Rijad Shaqiri ka reaguar pas konferencës së Mexhitit dhe Fetait në deponinë Nikushtak, njofton Top24

Ai ka kujtuar paraqitjen e tij bashkë me Mexhitin të para një viti, ku u premtua poashtu dislokimi i deponisë, megjithatë sot Mexhiti foli vetëm për pastrim dhe mirëmbajtje.

“A po fillojmë me punu dicka?

Para 1 viti u premtua dislokimi i deponisë së Nikushtakut, por deri sot asgjë nuk është bërë.
Tash, kur u shpallën zgjedhjet, po del i njëjti premtim.
Qytetarët e Likovës nuk kanë nevojë të mashtrohen – ata meritojnë zgjidhje reale, jo fjalë boshe.
Premtimi i 06.07.2024.
,,Sot se bashku me zv.Kryeministrin e pare njäherit dhe Ministër i Mjedisit dhe planifikimit hapsinorë z.Izet Mexhitin si dhe zv.Kryeministrin Arben Fetai dhe deputetin e zonës Rijad Shaqiri takuam dhe njoftuam banoret e Komunës se Likoves se nga shtatori i ketij viti do behet dislokimi i deponise se eger ne f.Nikushtak me qka do caktohen pika tjera të mbledhjes së mbeturinave si dhe hapja e fabrikës për reciklimin e mbeturinave në nivel rajonal, ku kta deponi të egra si pik akumulimi do kenë vende tjera të posaçme për grumbullim dhe reciklim.
Qeveria Vien nuk u duhen 22 vite, pune dhe sinqeritet populli do e ndjejë ndryshimin.,,”, tha Shaqiri.