Kandidati i AKI-së për Komunën e Zhelinës, Emir Sulejmani, ka ngritur akuza të rënda ndaj udhëheqësisë aktuale, duke deklaruar se komuna ndodhet para falimentimit me mbi 6 milionë euro borxh.

Sipas tij, vetëm gjatë vitit 2025 borxhi është rritur ndjeshëm. “Ky është shkatërrim financiar, falimentim i qëllimshëm – kjo është grabitje. Dikush duhet të japë llogari dhe të dalë para drejtësisë për të shpjeguar se ku shkuan këto miliona”, ka deklaruar Sulejmani.

Ai theksoi se kjo udhëheqësi ka shkatërruar jo vetëm komunën, por edhe dinjitetin e banorëve. “Koha e tyre ka mbaruar. Ditën që do të marr mandatin do të bëj revizion dhe do të ketë përgjegjësi për këto keqpërdorime. Zhelina nuk është pronë e udhëheqësisë aktuale – ne do t’ua kthejmë qytetarëve nderin, shpresën dhe të ardhmen”, tha ai.

Për rastet ku dyshohet për intevenime të panevojshme me stenta nëpër spitalet private të vendit, po punon komisioni i Ekspertëve për Kardiokirurgji ndërsa në të janë përfshirë edhe dy përfaqësues nga Fondi i Sigurimit Shëndetësor.

Në FSSH janë dorëzuar pesë ankesa nga qytetarët dhe të gjitha janë dërguar në Komisionin e Ekspertëve.

Takimi i parë i ministrit të shëndetësisë me ekspertët e huaj të cilët duhet ta kryejnë revizionin përfundimtar pritet të jetë onlajn, ndërsa pastaj ata do të mbërrijnë edhe në vend.

“Për momentin Komisioni është duke punuar, në takimin e ardhshëm mund të ketë rezultate për analizat e para, ndërsa më tutje presim të mbërrijnë materiale të tjera që gjithashtu do të shqyrtohen dhe pastaj revizion do të bëjnë ekspertë të huaj të cilët i presim. Presim që marrëveshja të nënshkruhet në mënyrë që ata të vijnë sa më shpejt të jetë e mundur. Puna është administrative sepse është kohë zgjedhjesh, por gjetëm një mënyrë për ta nënshkruar marrëveshjen. Takimi i parë i ministrit do të jetë onllajn, ndërsa në të dytin do të vijnë këtu për të bërë revizion”, deklaroi zëvendësministri i Shëndetësisë Jovica Andovski.

Sipas Drejtorit të Fondit për Sigurim Shëndetësor, FSSH është i përfshirë në punën e Komisionit të Ekspertëve të Ministrisë së Shëndetësisë me dy përfaqësues të tyre.

“Fondi ka qenë duke i kontrolluar administrativisht rastet ditët e fundit, sepse u dorëzuan koronarografi që duhej t’i lidhnim me dosjet dhe pacientët. Kemi pesë ankesa nga qytetarët, të cilat të gjitha i janë dërguar Komisionit të Ekspertëve. Ministri tha se ka kërkuar nga Oda e Mjekëve të kryejë kontrolle në të gjitha institucionet shëndetësore publike dhe private, pres që, me të mbërritur materialet, ato të përmblidhen së bashku dhe të veçohen vetëm rastet problematike, të cilat do t’i nënshtrohen mbikëqyrjes së mjekëve të huaj në mënyrë që të kemi një pamje neutrale dhe objektive të gjërave”, theksoi Klekovski.

Dhjetë ekipe që janë kualifikuar në garat rajonale në Gostivar do t’i tregojnë mjeshtëritë dhe njohuritë në ofrimin e ndihmës së parë në garën e 31-të shtetërore, që po mbahet në Gostivar.

Hapja e ngjarjes ka qenë në sheshin e qytetit, prej ku janë dërguar mesazhe për rëndësinë e këtij segmenti në shoqëri. Njeriu i parë i shëndetësisë së Maqedonisë në fjalimin para pjesëmarrësve përmendi se ndihma e parë nuk është teori, por mjeshëri dhe e potencoi angazhimin e të rinjve.

“Në një botë ku çdo sekondë ka rëndësi, një vendim i shpejtë dhe një veprim i vogël mund të bëjë diferencën midis jetës dhe vdekjes. Dhe kush tjetër përveç jush të rinjve mund ta merrni përsipër këtë përgjegjësi, me guxim dhe energji. Ju jeni brezi që nuk pret, por vepron, ju nuk jeni vetëm e ardhmja, ju jeni e tashmja që shpëton jetë”, tha ministri i Shëndetësisë, Azir Aliu.

Në një botë ku çdo sekondë është e rëndësishme, një vendim i shpejtë dhe një veprim i vogël mund të bëjnë diferencën mes jetës dhe vdekjes. Dhe kush nëse jo ju të rinjtë mund ta mbani këtë përgjegjësi, me inkurajim dhe me energji. Ju jeni gjenerata që nuk prisni, por veproni, Ju nuk jeni vetëm e ardhmja, ju jeani aktualiteti që shpëton jetë”, tha ministri i Shëndetësisë, Azir Aliu.

Një garë të suksesshme në emër të organizatorit, Kryqit të Kuq të Maqedonisë së Veriut, u uroi ekipeve dhe mentorëve të tyre sekretari i përgjithshëm Sait Saiti, i cili theksoi se ky aktivitet është simbol i dijes, humanitetit dhe përgjegjësisë.

“Ndihma e parë nuk është vetëm një teknikë, është një kulturë, zakon dhe vlerë që duhet të jetë e pranishme në jetën e përditshme. Sidomos në mjediset shkollore, ku të rinjtë formohen si personalitete. Ky aktivitet do të na tregojë se forca e vërtetë nuk matet me fitoren, por me gatishmërinë për të ndihmuar”, tha Sait Saiti në fjalimin e tij.

Në emër të qytetit pritës foli kryetari i komunës në detyrë Valbon Limani, i cili theksoi se gjatë viteve ka pasur një bashkëpunim të shkëlqyer me Kryqin e Kuq të Gostivarit dhe se vullnetarët janë një hallkë kyçe në shpëtimin e jetëve.

“Kryqi i Kuq meriton urime të veçanta për organizimin e vazhdueshëm të këtyre garave që stimulojnë ndërgjegjësimin dhe njohuritë për ndihmën e parë. Dhënia e ndihmës së parë mund të thotë më shumë sesa ajo që mund të bëjnë mjekët”, tha Limani.

Në garën afërsisht 200 vullnetarë nga organizatat komunale të Kryqit të Kuq nga vendi (Gostivari, Koçanu, Vinica, Gazoi Baba, Prilepi, Manastiri, Qendra, Kumanova, Ohri dhe Karposhi), i demonstrojnë dituritë dhe mjeshtëritë për dhënien e ndihmës së parë gjatë simulimit të skenareve të lëndimeve dhe dhënies së ndihmës së parë dhe intervenimit të rregullt në raste fatkeqësia. Shpallja e më të mirëve është paralajmëruar për në orët e pasdites.