Halil Snopçe nga Koalicioni VLEN e konsideron BDI-në si përgjegjësen kryesore për serbizimin e Maqedonisë. Nga foltorja e Parlamentit, ne kemi ngritur fakte konkrete që dëshmojnë bashkëpunimin e saj të drejtpërdrejtë me politikën serbe dhe veprimet e dëmshme për shqiptarët.

BDI ka dëshmuar me vite se është në shërbim të agjendave të huaja, vizita e presidentit serb Tomisllav Nikoliq më 2012 për të përkujtuar 100-vjetorin e Betejës së Kumanovës, ku u masakruan mijëra shqiptarë. Gjatë qeverisjes së BDI-së, u vendos përmendorja e Car Dushanit, një simbol i dominimit serb mbi shqiptarët. Po ashtu, ministri i BDI-së, Fatmir Besimi, ka zhvilluar takime të fshehta në Beograd me gjeneralin Ljubisha Dikoviç, i akuzuar për krime lufte në Kosovë dhe për vrasjen e personaliteteve si Fehmi Agani.

BDI ka pasur lidhje të ngushta edhe me Daka Davidoviç, ministër i regjimit të Karaxhiçit dhe Mlladiçit, përgjegjës për masakrat ndaj popullatës civile gjatë luftës në Bosnje dhe Kosovë. Për më tepër, ministri i jashtëm i BDI-së, Bujar Osmani, ka ndjekur planin 9-pikësh kundër Kosovës dhe ka zgjedhur që vizitën e parë si ministër ta realizojë në Serbi. Ai nuk ka reaguar as për sulmin terrorist në Banjskë, ku Serbia ishte drejtpërdrejt e përfshirë.

Ne, si koalicion, jemi të bindur se këto fakte dëshmojnë përpjekjet e qëllimshme të BDI-së për të avancuar agjendën serbe në Maqedoni. Historia nuk mund të fshihet, dhe shqiptarët duhet ta dinë të vërtetën: BDI është dhe do të mbetet arkitekti kryesor i serbizimit të shtetit tonë.

Koalicioni VLEN do të vazhdojë të luftojë për interesat kombëtare dhe për të mbrojtur shqiptarët nga politikat që dëmtojnë të ardhmen e tyre.

VIDEO

Kryetari i ASH-së dhe njëri nga lideri i VLEN, Arben Taravari ka njoftuar lajmin e madh në shërbim të kompanive të vendit. Qeveria sot ka ndarë 250 milionë euro për kompanitë me interesin më të lirë në treg prej vetëm 1.95 për qind.

“Kjo e sotmja do të shkruhet si një kthesë e madhe në zhvillimin e këtij vendi. Si asnjëherë tjetër vendimi unik për të vendosur 250 milionë euro në shërbim të kompanive vendase me interesin më të lirë në treg (vetëm 1.95%), do të zhvillojë me hapa gjigandë ekonominë! I lumtur që kjo Qeveri po firmos Historinë!”, ka shkruar Taravari.

Sekretari i përgjithshëm i ASH-së, Blerant Ramadani ka komentuar mashtrimin e BDI-së që u mundua ta paraqes në opinion se kinse në sondazhe ka besueshmëri më të madhe te shqiptarët. Ai thotë se pretendimet e BDI-së sot i demantoi edhe Instituti për Hulumtime Politike.

“Jemi dëshmitarë të një tentimit të ri të mashtrimit që na vjen nga ana e BDI-së, ku është zbuluar mënyra manipulative dhe e pasaktë se si ka përcjellë rezultatet e një ankete të realizuar nga UKIM (Instituti për hulumtime politike), duke pretenduar se gëzon përkrahjen më të madhe në opinionin publik. Këto pretendime janë përgënjeshtruar në mënyrë të qartë nga vetë UKIM, duke dëshmuar se raportimi nga ana e BDI-së është një përpjekje për manipulim të fakteve dhe dezinformim të opinionit publik. Është e papranueshme që një parti politike të shfrytëzojë emrin e një institucioni akademik të respektuar për të ndërtuar një narrativë të rremë politike. Demokracia jonë kërkon maturi, përgjegjësi dhe respekt për të vërtetën, jo propagandë dhe dezinformata. Opinionit publik i duhet të ofrohet informacion i saktë dhe i bazuar në fakte, për të ndihmuar qytetarët të bëjnë gjykime të informuara dhe të ndërgjegjshme. Ne qëndrojmë fuqishëm përkrah transparencës, llogaridhënies dhe respektimit të së vërtetës si vlera bazë të shoqërisë sonë demokratike”, ka shkruar Blerant Ramadani.