Connect with us

Politika

Koalicioni VLEN garon me program konkret, ofertë serioze për qytetarët!

Published

on

Programet politike janë ato për të cilat kanë më së shumti nevojë qytetarët e këtij vend. Për premtime boshe dhe politike ditore nuk kanë nevojë sepse janë të ngopur mjaftueshëm. Fjalët i çon era ajo që shkruhet në letër mbetet zotim konkret e real dhe është një hap drejt realizimit, prandaj koalicioni opozitar VLEN nuk po flet fjalë boshe por ka hartuar një program tejet të pasur e duke prekur pikat kryesore për të cilat kanë nevojë qytetarët. Agjencia e Lajmeve Zhurnal do të bëj analizë zë secilës pikë programore veç e veç për të parë përmbajtjen dhe nëse kanë vepruar saktë deh drejt duke prekur çështjet e rëndësishme për qytetarët, shkruan Zhurnal.

Barazia kombëtare dhe Marrëveshja e Ohrit –

Mungesa e barazisë në vend e shprehur në praktikë e vepër dhe jo vetëm në letër, si dhe neglizhenca e BDI-së për ta përmbushur në tërësi Marrëveshjen e Ohrit ka bërë që koalicioni opozitar VLEN ta ketë pikë të dytë këtë çështje në programin e pasur shumë pikësh.

Pika e dytë e programit të koalicionit VLEN është: Barazia kombëtare dhe Marrëveshja e Ohrit. Përmbajtja e kësaj pike është si vijon:

“Synimi ynë i panegociueshëm, jo thjesht si parti si koalicion, por si komunitet shqiptarë, është barazia e plotë kushtetuese, ligjore dhe praktike. – Shqiptarët, siç e kane vërtetuar edhe regjistrimet e popullsisë, janë shumicë e dytë në Maqedoni dhe jo minoritet. Gjuha shqipe, me shkrimin dhe alfabetin e saj, duhet dhe do të jetë gjuhë shtetërore në të gjithë Maqedoninë e Veriut, tërësisht e barabartë me gjuhën maqedonase. Administrata duhet të pajiset kudo me përkthyes nga gjuha shqipe, dhe kjo do të jetë e sanksionuar në ligjin për gjuhët. Qeveria e VLEN do të forcojë inspektoratin për zbatimin e ligjit për gjuhët dhe do të krijohen mekanizma ndëshkues për institucionet që nuk e respektojnë gjuhën shqipe. Këto çështje nuk janë kërkesa të reja, por duhet të ishin zgjidhur prej kohësh. Marrëveshja Kornize e Ohrit, e cila u arrit në vitin 2001, ishte një kompromis ku përfaqësuesit e komunitetit shqiptar lëshuan pe për hatër të kërkesave nga partnerët ndërkombëtare dhe për shkak të vullnetit tonë për paqe. Pikat e asaj marrëveshjeje kanë patur katër vite afat që të përmbushen. Fatkeqësisht, edhe si pasojë e keq-qeverisjes, 22 vite më vonë ende ato pika nuk janë përmbushur. Ligji i Festave duhet të reflektojë barazi. Do të njihen plotësisht edhe festat kombëtare shqiptare. Përdorimi i himnit, stemës dhe flamurit kombëtar shqiptar në shkollat e në institucionet do të gëzojë të drejtën e barabartë ligjore me atë të maqedonasve. Asnjë prej këtyre të drejtave të barabarta nuk janë rrezik për Maqedoninë e Veriut, por thjesht krijim i kushteve për bashkëpunim e bashkëjetese normale”

Çfarë përmban kjo pikë programore?

Nga ajo që lexohet dhe kuptohet mes rreshtave në pikën e dytë të programit të koalicionit VLEN preken temat më të rëndësishme të popullit shqiptarë në Maqedoninë e Veriut. Shqiptarët akoma janë të diskriminuar në këtë vend, qytetarët janë dëshmitarë që deputetë maqedonas kanë protestuar që të mos mësohet në gjuhën shqipe. Katrahura më e madhe qëndron.

Marrëveshja e Ohrit aq shumë është përmendur saqë reflekton sikurse të jetë çështje e konsumuar që në fakt nga këtu kuptohet realiteti faktik se sa shumë është dashtë të flitet për këtë Marrëveshje dhe në fund të fundit sërish të kemi pika që akoma nuk janë realizuar.

Çështja e definimit të gjuhës shqipe 20% që është në Kushtetutë diskriminon një popull shumicë një popull shtetformues siç është populli shqiptarë.

Nëse nuk ka barazi kombëtare nuk do të ketë të ardhme të mirë e paqësore në këtë vend. Prandaj, pika 2 e programit të VLEN i shërben edhe qytetarëve maqedonas dhe atyre nacionalistëve e etnocentristëve. Pasi përmes përmbushjes së kësaj pike ndërtohet një shtet i së drejtës, një shtet në të cilin të gjithë ndjehen të barabartë dhe të pa diskriminuar.

Barazia, është një nga komponentat kryesore që e ndalë edhe migrimin e të rinjve nga vendi, sepse të rinjt deri në këto momente janë ndjerë të papërfaqësuar dhe pa barabartë me bashkëmoshatarët e tyre maqedonas. Përmes kësaj nisme të gjithë qytetarët përballë institucioneve të vendit do të trajtohen njësoj pa dallime etnie e fetare. Vetëm përmes kësaj qasje krijohet e ardhme e sigurt dhe zhvillim i garantuar. /Zhurnal.mk

Continue Reading

Lajme

Kur dinjiteti i shqiptarëve të Maqedonisë barazohet me të atyre që atë nuk e kanë!

Published

on

By

Nga Kim Mehmeti

Përfaqësuesi i VLEN’it si koordinator në kabinetin e Kryeministrit të Maqedonisë së Veriut e paska akuzuar Kryeministrin e Shqipërisë se me megafonat e tij në Shkup vepron si i tërbuar për ta dëmtuar VLEN’in dhe dinjitetin e shqiptarëve të Maqedonisë.

Që do të thotë se dinjitetin kolektiv të shqiptarëve të këtushëm e barazon me atë të atyre që atë fare nuk e kanë – të dhjetëra drejtuesve interesxhinj të VLEN’it?!

Në të vërtet ky nuk është rasti i parë kur dikush i mbron shqiptarët e Maqedonisë së Veriut nga Tirana zyrtare, ngaqë ka muaj që një gjë të tillë rregullisht e bënë ‘gjyshi’ këshilltar shqiptar i ‘tezes’ presidente, që edhe paguhet vetëm për ta mbrojtur Maqedoninë nga shqiptarët dhe për të qenë sa më i pëlqyer për punëdhënësen e vet.

Autori i këtij teksti është nga ata që natë e ditë i kritikon Kryeministrin e Shqipërisë dhe drejtuesit e BDI-së, por edhe si i tillë kurrë nuk e kishte paramenduar se do vinte koha kur shqiptarët e këtushëm dikush do i mbronte si gjatë dekadave komuniste jugosllave kur të gjitha të ‘këqijat’ atyre u vinin nga Tirana e Prishtina?!

Këta që thonë se Tirana zyrtare është duke dëmtuar interesin dhe dinjitetin e shqiptarëve të Maqedonisë Veriore bëjnë një gabim që nuk u ka hije politikanëve me sado pak mend në kokë: interesin dhe dinjitetin e shqiptarëve të këtushëm e barazojnë me atë të dhjetëra VLEN’istëve?!

Por cili është ky interes? Merreni, për shembull, Alternativën dhe do vëreni se interesi dhe dinjiteti i saj nis e përfundon me atë të pesë -gjashtë aktivistëve të saj, të cilët kur nuk janë drejtorë të LSDM’së janë ministra të VMRO-DPMNE’së.

Apo, merrni ata të BESËS dhe do vëreni se gjithë interesi dhe dinjiteti i shqiptarëve të Maqedonisë përmyllet me atë të dhjetëra anëtarëve të ‘Klanit të Llërcës’, të cilët kur është e fort LSDM’ja bëjnë koalicion me të, e kur ajo dobësohet i shërbejnë VMRO’së!

Continue Reading

Lajme

Reagon Zejd Rexhepit lidhur me deklaratat fyese të Latif Arifit të zyrtarit qeveritar të RMV-së

Published

on

By

Lëvizja Populli e Skender Rexhepi – Zejdit, sot përmes një komunikate ka reaguar lidhur me deklaratat ofenduese ndaj opozitës shqiptare dhe shtetit të Shqipërisë, të njërit nga koordinatorëve kombëtar për komunikim dhe media, të kryeministrit Mickoski.

Me këtë rast, Lëvizja Populli, e kryesuar nga Skender Rexhepi – Zejdi, u bën thirrje qytetarëve shqiptarë të mos bien pre e kësaj propagande të shëmtuar. Sot beteja nuk është vetëm politike, por edhe morale: kush mbron dinjitetin shqiptar dhe kush e shkel atë për interesa pushteti.⁣⁣⁣

Komunikata e plotë e Lëvizjes Populli:

Lëvizja POPULLI me indinjatë të thellë ka lexuar deklaratat e fundit të një nga koordinatorët kombëtar për komunikim dhe media në kabinetin e⁣⁣⁣ Kryeministrit te Maqedonisë së Veriut,, ku përmes një fjalori të ulët dhe denigrues sulmohet opozita shqiptare dhe njëkohësisht tentohet të njolloset edhe shteti amë, Shqipëria.⁣⁣⁣

Këto fjalë janë dëshmi e qartë e panikut që ka kapluar partnerin shqiptar në qeveri, të cilët pasiqë nuk ka çfarë t’i ofrojë më qytetarëve përveç shpifjeve dhe fabrikimeve. Sulmet ndaj Shqipërisë janë tregues se qeveria ka humbur busullën politike dhe moralin për të përfaqësuar shqiptarët në Maqedoninë e Veriut.⁣⁣⁣

Ne theksojmë se Shqipëria për ne është shteti amë dhe faktor kombëtar e europian. Asnjë fjalë e papërgjegjshme e asnjë propagandë e orkestruar nuk mund ta cenojë këtë lidhje shpirtërore e politike që ka ushqyer çdoherë aspiratat e shqiptarëve për liri, barazi dhe dinjitet.⁣⁣⁣

Lëvizja POPULLI u bën thirrje qytetarëve shqiptarë të mos bien pre e kësaj propagande të shëmtuar. Sot beteja nuk është vetëm politike, por edhe morale: kush mbron dinjitetin shqiptar dhe kush e shkel atë për interesa pushteti.⁣⁣⁣

Ne do të vazhdojmë të luftojmë për dinjitetin dhe të drejtat e shqiptarëve, me bindjen e fortë se shpifjet e atyre që kanë humbur besimin e popullit nuk mund ta ndalin dot ndryshimin.⁣⁣⁣

Continue Reading

Lajme

Osmani, Taravari dhe Demiri takim me mjekët në Shkup: Bashkohen për plebishitin e 19 tetorit

Published

on

By

Kandidati për kryetar të Çairit, Bujar Osmani, ka organizuar një takim me Dr. Arben Taravari, Dr. Ilir Demirin dhe mjekë të klinikave dhe spitaleve të Shkupit, për të diskutuar rreth plebishitit historik që do të mbahet më 19 tetor.

“Secili prej tyre është mobilizuar për të mbrojtur parimet themelore të barazisë, të mundësive të barabarta dhe të mosdiskriminimit, pa dallim etnie,” tha Osmani gjatë takimit.

Ai shtoi se ky moment është një dëshmi se komuniteti mjekësor nuk përfaqëson vetëm profesionin, por edhe një zë të ndërgjegjes dhe të dinjitetit shoqëror.

“Mjekët e Shkupit shprehën qartë se ka ardhur koha të mobilizohemi dhe të ngremë zërin për dinjitetin e profesionit dhe popullit tonë,” përfundoi Osmani, duke theksuar rëndësinë e bashkimit të komunitetit mjekësor në këtë proces qytetar.

Continue Reading

TOP Lajme