Lajme

Gazmend Abdija: Arbeni me natyrshmërin e tij fitoi debatin ndaj Bujar Osmanit

Published

1 year ago

06.04.2024

Admin01

Për debatin e mbrëmshëm në mes kandidatëve për president të Arben Taravarit dhe Bujar Osmanit ka komentuar edhe kryetari i Aleancës për Shqiptarët dega Gostivar Gazmend Abdiji. Ai ka analizuar debatin duke dhënë konkluzion në fitoren argumentuese të Arben Taravarit me anë të natyrshmërisë dhe urtësisë politike.

‘Në përballjen e parë në mes të kandidatëve për president, edhe kësaj here zoti Taravari, si gjithmonë, fitoi me argumente, fakte dhe natyrshmëri.

E para dhe e dyta, janë botërisht të pranuara. Ajo që do të doja ta ndriçoj në vëmendjen tuaj, është natyrshmëria.

Nga njëra anë kishim Bujar Osmanin, një eksponent i regjimit 23 vjeçar. Person që i ka ecur të gjitha dikasteret, që përsëri, në mungesë të rezultateve konkrete flet në kohën e ardhëshme dhe si një aktor i dobët mundohet me disa truqe që ia ka mësuar kompania e PR-it. Në pamje të parë duket që pas u qëndron kompani e shtrenjtë. Me PR të shtrenjtë por e keqja e tyre është se nuk ka amballazh aq të fuqishëm sa tua mbulojë dështimet e dy dekadave. Prandaj, pamë një Bujar Osmani që si robot përsërit fjali dhe lëviz duart, ashtu si e kanë mësuar. Por, pa bidnje e pa zëmër.

Ndërsa nga ana tjetër një Arben Taravari, i cili edhe në të folur edhe në lëvizje është si gjithnjë- vetja, i natyrshëm. Me fjalë që i burojnë nga zemra.’ – ka deklaruar Abdiji.

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

5 hours ago

03.09.2025

Admin01

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët

Lajme

Ambasadori Denion Meidani i jep mbështetje Naser Selmanit

Published

5 hours ago

03.09.2025

Admin01

Ambasadori i Shqipërisë në Maqedoni të Veriut, Denion Meidani, ka shprehur solidaritet me gazetarin Naser Selmani pas aktit të dhunës ndaj automjetit të tij në Shkup, njofton Top24

“Solidaritet me gazetarin Naser Selmani. Dhuna dhe kërcënimet ndaj gazetarëve janë sulm ndaj fjalës së lirë dhe demokracisë. Organeve hetimore u takon ta zbardhin rastin pa vonesë. Falenderoj Unionin e Gazetarëve Shqiptarë për reagimin!”, ka theksuar Meidani në reagimin e tij publik.

Lajme

Taravari dënon ashpër sulmin ndaj gazetarit Naser Selmani

Published

7 hours ago

03.09.2025

Admin01

Kryetari i Aleancës për Shqiptarët, Arben Taravari, ka dënuar ashpër sulmin ndaj gazetarit Naser Selmani, duke e cilësuar atë si një akt që i shtohet dhunës së rritur ndaj medias së lirë në vend.

“Dënoj ashpër sulmin ndaj gazetarit Naser Selmani, sulm i cili i shtohet dhunës që është rritur ndjeshëm ndaj medias së lirë. Kjo dhunë jep dy mesazhe të qarta: së pari, jetojmë në diktaturë – fatkeqësisht; së dyti, kjo diktaturë i ka ditët e numëruara. Edhe pse pushteti merret me Naserin, prapë fiton Naseri”, ka deklaruar Taravari.

Ai ka theksuar se liria e medias është vlerë themelore e demokracisë dhe se çdo tentim për ta mbytur atë përbën sulm ndaj qytetarëve dhe së drejtës së tyre për informim.

https://www.facebook.com/share/p/16CrNZLa4j/?mibextid=wwXIfr