Demokracia nuk mbrohet vetë — kërkon vullnet politik, financim dhe integritet”. Me këtë mesazh të fortë, zëvendëskryeministri Arben Fetai u drejtua sot në konferencën rajonale “Integriteti Global nën Rrethim: Inovacion kundër Pushtetit të Paligjshëm”, organizuar nga rrjeti SELDI dhe mikpritur nga Qendra Maqedonase për Bashkëpunim Ndërkombëtar (MCMS).

Në panelin e nivelit të lartë, përkrah Ambasadores së Zvicrës Véronique Hulmann, Zv. Shefes së Misionit të SHBA-ve Nicole Varnes dhe përfaqësuesit të Holandës Bart de Bruijn, Fetai theksoi se korrupsioni është një nga rreziqet më të mëdha që kërcënon demokracinë nga brenda, ndërsa ndikimet e jashtme malinje përpiqen ta destabilizojnë atë nga jashtë.

“Po, mungesa e mbështetjes së jashtme ndjehet. Por kemi diçka më të fuqishme: vullnetin politik për të vepruar”, deklaroi Fetai, duke nënvizuar angazhimin e Qeverisë për të sjellë ndryshime reale në sistem.

Ai shpalosi katër shtylla kyçe të agjendës së re qeveritare:

• Partneritet me shoqërinë civile në mbrojtje të demokracisë;

• Forcimi i ligjit dhe institucioneve antikorrupsion;

• Digjitalizimi i administratës për të mbyllur hapësirat për abuzim;

• Reformë të thellë në drejtësi, me qëllim që askush të mos qëndrojë mbi ligjin.

“Pa drejtësi nuk ka demokraci. Pa drejtësi nuk ka Europë. Kjo është rruga jonë. Dhe nuk do të ndalemi”, përfundoi ai.

Konferenca u zhvillua në kuadër të përpjekjeve rajonale për të përballuar sfidat ndaj integritetit dhe për të forcuar sundimin e ligjit në Ballkanin Perëndimor.

Një problematikë që ka shqetësuar qytetarët e Kumanovës për më shumë se 30 vite po shkon drejt zgjidhjes.

Zëvendësdrejtori në ndërmarrjen “Hekurudhat e Maqedonisë së Veriut – Infrastruktura”, Fatlum Ilazi, ka njoftuar përmes një postimi në rrjetet sociale se kanë inspektuar punimet në vendkalimin hekurudhor në hyrje të fshatit Çerkez të Kumanovës.

“Sot së bashku me nënkryetarin e ASH-së Gezim Kadriu dhe këshilltarin komunal njëherit kryetar i degës Kumanovës Huzeir Mustafi,ishim për ti inspektuar punimet në vendkalimin hekurudhor në hyrje të fshatit Çerkez të Kumanovës. Me këtë aktivitet po zgjidhim një problematik që ka tanguar qytetarët e Kumanovës dhe rrethinë tani mbi 30 vite. Faleminderojmë edhe Komunën e Kumanovës për bashkëpunimin për zgjidhidhjen e kësaj problematike. Do të vazhdojmë kështu me punë të mira në dobi të qytetarëve”, ka shkruar Ilazi.

Në një periudhë të ndjeshme politike dhe organizative, Aleanca për Shqiptarët ndodhet në qendër të vëmendjes publike, me opinionin që po ndjek me vëmendje çdo lëvizje të saj në pritje të një vendimi të rëndësishëm që pritet të përcaktojë të ardhmen e partisë. Gjithëandej janë shtuar zërat dhe analizat rreth rrugës që ASH-ja do të ndjekë, ndërsa anëtarësia e saj mbetet e angazhuar dhe e përkushtuar në ruajtjen e vlerave themelore të partisë.

Megjithatë, bashkë me rritjen e interesimit, nuk kanë munguar as sulmet dhe fushatat e dezinformimit që kanë në shënjestër ASH-në. Fakenews-at janë shndërruar në një mjet të përditshëm të atyre që ndihen të kërcënuar nga vendosmëria dhe drejtësia që përfaqëson kjo parti. Përkundër këtyre përpjekjeve, ASH mbetet e përqendruar në proceset e saj të brendshme, duke ruajtur qetësinë dhe transparencën si përgjigje ndaj çdo presioni të jashtëm.