Lajme

Fetai: VLEN po i sanon lëshimet në zbatimin e Marrëveshjes së Ohrit

Published

8 months ago

August 13, 2024

Admin01

Zv.kryeministri për qeverisje të mirë dhe transparencë, Arben Fetai, ka shkruar se Marrëveshja e Ohrit nuk ishte marrëveshje paqeje por marrëveshje për një rend të ri kushtetues dhe juridik, me demokracinë konsociale dhe ndarjen e pushtetit në qendër. Qeveria aktuale do të sjell ligj për përfaqësim të drejtë dhe adekuat, që fryma e Marrëveshjes së Ohrit të kthehet në detyrim ligjor e jo më të ngel në nivel të folklorit, me kryeministër teknik shqiptar por asnjë shqiptar në akademinë e shkencave dhe arteve apo në njësitë speciale të sigurisë.

Postimi i plotë i Fetait:

“Marrëveshja e Ohrit nuk ishte marrëveshje paqeje por marrëveshje për një rend të ri kushtetues dhe juridik, me demokracinë konsociale dhe ndarjen e pushtetit në qendër. Etërit e saj, Arbën Xhaferi dhe Imer Imeri kishin ideuar një kornizë të re për më shumë të drejta kolektive për bashkësitë jo-shumicë, më shumë përfshirje dhe autonomi vendimmarrëse, duke eliminuar në të njëjtën kohë edhe diktatin e shumicës apo majorizimin e përfaqësuesve politikë të grupeve jo-shumicë.

23 vite më vonë, Marrëveshja e Ohrit ngelet e pakompletuar në shumë segmente për shkak të zgjidhjeve gjysmake dhe lëshimëve në zbatim, që e kanë tjetërsuar frymën dhe germën menduar nga etërit e saj. Koalicioni VLEN, qysh në javët e para ka filluar t’i sanojë disa nga këto lëshime, si decentralizimin fiskal, duke mobilizuar nivele të papara deri më tani të financimit komunal. VLEN poashtu do të sjell ligj për përfaqësim të drejtë dhe adekuat, që fryma e Marrëveshjes së Ohrit të kthehet në detyrim ligjor e jo më të ngel në nivel të folklorit, me kryeministër teknik shqiptar por asnjë shqiptar në akademinë e shkencave dhe arteve apo në njësitë speciale të sigurisë. Vazhdojmë rrugës së Arbrit!”, ka përfunduar zv. Kryeministri Fetai.

Lajme

Vdiq Papa Françeksu

Published

14 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

14 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

14 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.