Lajme

Fetai: VLEN ka bërë shumë punë në ditët e para të Qeverisë

Published

7 months ago

September 17, 2024

Admin01

Zv.kryeministri për politika dhe sundim të mirë, Arben Fetai, në një intervistë për gazetën LAJM, tha se brenda këtyre ditëve sa VLEN është pjesë e pushtetit, funksionarët e këtij koalicioni kanë bërë shumë punë.

Ai bëri me dije se më 30 shtator, koalicioni VLEN do të shpalos punët që ka bërë në 100 ditët e paa të Qeverisë.

“Më datë 30 shtator bëhen saktësisht 100 ditë. Unë jam koordinator i VLEN-it për përgatitjen e aktiviteteve për 100 ditëshin dhe këto ditë jemi në fazën e grumbullimit të informatave nga të gjithë zyrtarët e koalicionit VLEN, në lidhje me arritjet e tyre në 100 ditëshin e parë. Janë arritur shumë rezultate, do ta shifni në fund të këtij muaji se sa shumë punë janë bërë në këtë 100 ditësh të parë dhe sa shumë tjera priten të bëhen. Për sa i përket luftës kundër krimit ky ishte një nga premtimet kryesore të koalicionit VLEN. Duke marrë parasysh qeverisjen e keqe në 22 vitet e kaluara të BDI-së dhe qeverisjen e keqe që e karakterizoi Qeverinë e kaluar LSDM-BDI, ku kemi parë shumë malverzime, korrupsion, kriminalitet dhe në këtë dy muaj apo 75 ditët e para kemi parë disa lëvizje. E para ka qenë në lidhje me kriminalitetin e video-lotarisë”, tha Fetai për gazetën LAJM.

Lajme

Vdiq Papa Françeksu

Published

8 hours ago

April 21, 2025

I N

Vatikani njoftoi të hënën se ka vdekur Papa Françesku, raporton agjencia e lajmeve “Reuters”.

Ai ishte në moshën 88-vjeçare dhe kohëve të fundit kishte probleme shëndetësore.

Lajme

MPB: Ndalohen gjashtë persona, kapen me marihuanë

Published

8 hours ago

April 21, 2025

I N

MPB Maqedoni njofton se dje janë ndaluar pesë persona nga Shkupi dhe një nga Kumanova, të cilët dyshohen për tregti me lëndë narkotike.

“Me datë 20.21.04.2025 në lokacione të ndryshme në Shkup, nëpunës policorë nga SPB Shkup kanë privuar nga liria F.XH. (47), P.R (32), E.I. (39), A.I. (36) dhe I.XH. (40), të gjithë nga Shkupi dhe A.A. (50) nga Kumanova, pasi iu gjet dhe u sekuestrua marihuanë dhe një lëndë e bardhë kokrrizore”.

“Pas dokumentimit të plotë të rasteve, do të pasojnë parashtresat përkatëse”, thonë nga MPB.

Lajme

Jahoski, pronari i “Pucko Petrol” ofron 2 milionë euro garanci për të dalë nga paraburgimi

Published

8 hours ago

April 21, 2025

I N

Pronari i kompanisë “Pucko Petrol” Asmir Jahoski ofron 2 milionë euro garanci për lirim nga paraburgimi, pohojnë burime në sistemin gjyqësor të njohur me rastin, transmeton portali expres.mk

Sipas burimeve të portalit, të enjten, mbrojtja e Jahoskit, i cili është djali i deputetit të BDI-së, Ismail Jahoski, ka ofruar prona në vlerë prej 2 milionë eurosh në përpjekje që gjykata të lejojë që Asmiri të mbrohet nga burgu në rastin me vlerë mbi 160 milionë euro.

Vendimin zyrtarisht nesër do ta marrin tre gjyqtarë nga Gjykata Penale në Shkup, të cilët do të vlerësojnë nëse Jahoski, pasuria e të cilit llogaritet në dhjetëra milionë euro, duhet të lirohet në shtëpi.

Tre gjyqtarët duhet të ofrojnë një analizë të duhur ligjore nëse, pesë javë pasi Asmir Jahoski iu dha paraburgimi për shkak të rrezikut të arratisjes ose ndikimit të dëshmitarëve, ai tani mund të mbrohet nga liria.

Njëri nga 13 të dyshuarit për blerjen e lëndës djegëse toksike për TEC-in e Negotinës, Asmir Jahoski, djali i deputetit të BDI-së, Ismail Jahoski, nesër pritet të lirohet nga paraburgimi.

Burime në Prokurorinë Publike për Krim të Organizuar dhe në Gjykatën Penale të Shkupit pohojnë për expres.mk se për anëtarët e familjes së tij dhe BDI-së kjo është punë e kryer.

Operacioni për daljen nga paraburgimi Jahoski përmes avokatëve të tij e ka nisur katër ditë më parë të enjten e madhe kur në gjykatë është dorëzuar kërkesa për ndërprerje të paraburgimit dhe lirim.

Tani burimet pohojnë se pasi Abazi ka dhënë mendimin e tij se Jahoski duhet të lirohet, Gjykata Penale e Shkupit nesër do të vendosë për lirimin e djalit të deputetit të BDI-së nga burgu i Shutkës.