Lajme

Fetai: Drejtësia e kapur po tenton t’ia dhurojë Aleancën për Shqiptarët BDI-së

Published

7 months ago

12.02.2025

Admin01

Pas vendimit të sotëm të Gjykatës Themelore në Tetovë, kryetari i kuvendit tëAleancës për Shqiptarët dhe Zëvendëskryeministri Arben Fetai në press konferencën e sotme thotë se ky është një akt i pastër i gjyqësorit partiak, i cili përpiqet të manipulojë vullnetin e qytetarëve dhe të shndërrojë një parti politike në plaçkë lufte për Ali Ahmetin.

Teksti i plotë:

“Vendimi i Gjykatës Themelore në Tetovë, që tenton t’ia dhuron BDI-së Aleancën për Shqiptarët, është një shembull i qartë i kapjes së drejtësisë.

Ky është një akt i pastër i gjyqësorit partiak, i cili përpiqet të manipulojë vullnetin e qytetarëve dhe të shndërrojë një parti politike në plaçkë lufte për Ali Ahmetin. Dërgojmë një mesazh të qartë për gjykatësin Ilir Rexhepi dhe klanin e Ziadin Selës: përpjekja juaj për të kontrabanduar Aleancën për Shqiptarët është e dështuar! ASH është e popullit, e anëtarësisë dhe e njerëzve me dinjitet, që nuk shiten për një grusht privilegjesh, sikurse ju. Që nga themelimi, ideali i Aleancës për Shqiptarët ka qenë përmbysja e regjimit kriminal të Ali Ahmetit, i cili për motive korruptive ka dëmtuar rëndë interesat e shqiptarëve. Këtë amanet të shenjtë e ka çuar deri në fund lideri i ASH-së, Arben Taravari, i cili me përgjegjësi të plotë ka marrë mbi supe barrën e përfaqësimit dinjitoz të shqiptarëve në qeverisje. Vendimi skandaloz i gjykatësit Rexhepi do të bie përsëri në Gjykatën e Apelit.

Deri në një vendim përfundimtar, që do të vendosë drejtësinë në vend, lëmë Selën dhe klikën e tij të vetëkënaqen me vulat imagjinare të gjykatësit Rexhepi. Për gjendjen në drejtës, flasin vetë qytetarët dhe organizatat ndërkombëtare. Vetëm 2% e qytetarëve i besojnë sistemit gjyqësor, ndërsa raporti i djeshëm i Transparency International kritikon ashpër ndryshimet skandaloze të Kodit Penal, të cilat mundësuan amnistimin e qindra ish-funksionarëve të regjimit Gruevski-Ahmeti. Ky vendim politik i gjykatësit Rexhepi na motivon edhe më shumë për të ndërmarrë reforma të thella në drejtësi.

Nismat për shkarkimin e Kryeprokurorit dhe pesë anëtarëve të Këshillit Gjyqësor janë hapa të rëndësishëm për vendosjen e shtetit të së drejtës dhe intensifikimin e luftës kundër krimit dhe korrupsionit. Ndaj gjykatësit Rexhepi do ngrihet procedure për llogaridhënie. Drejtësia nuk do të mbetet peng i pazareve politike!”, ka përfunduar Fetai.

Lajme

Furkan Saliu pyet: Në çfarë cilësie ishte Afrim Gashi në vizitë në Beograd? (Video)

Published

6 hours ago

17.09.2025

Admin01

Kush është me “Botën Serbe”? AKI akuzon VLEN-in, VLEN-i akuzon AKI-në, zbulohet dokument për vizitën e Afrim Gashit në Beograd.

Përplasjet politike në Maqedoninë e Veriut kanë marrë një drejtim të ri pas akuzave të ndërsjella mes koalicionit VLEN dhe AKI, lidhur me ndikimin e ashtuquajtur “Bota serbe” në vend.

Gazetari Furkan Saliu ka publikuar një dokument që, sipas tij, dëshmon se Afrim Gashi, një nga figurat kryesore të VLEN-it dhe tani kryetar parlamenti, ka qenë për vizitë në Beograd vitin e kaluar. Në postimin e tij, Saliu kërkon publikisht nga VLEN që të sqarojë në çfarë cilësie ka qenë Gashi në Beograd dhe cili ka qenë qëllimi i vizitës.

Nga ana tjetër, tensionet politike thellohen edhe më tej pasi edhe Parlamenti Evropian ka ngritur shqetësime për ndikimin e “Botës serbe” në Maqedoninë e Veriut, duke theksuar se ky ndikim po zgjerohet në mënyrë alarmante, përcjell TS.

Ndërkohë, vëmendje ka marrë edhe një zhvillim tjetër: me miratimin e Bujare Abazit, është lejuar hyrja e një banke serbe në tregun financiar të Maqedonisë së Veriut, gjë që ka nxitur kritika dhe debate të ashpra në opinionin publik dhe skenën politike./TS/

https://www.facebook.com/share/v/16DbyLwhzU/

Lajme

Valbon Limani kujdeset për një Gostivar më të pastër – NP Komunalec me kamion të ri për mbledhjen e mbeturinave

Published

8 hours ago

17.09.2025

Admin01

N.P “Komunalec” ka shtuar edhe një kamion të ri në parkun e saj të automjeteve për mbledhjen e mbeturinave, duke forcuar kapacitetet operacionale dhe përmirësuar ndjeshëm shërbimet për qytetarët e Gostivarit.

Ky automjet modern garanton grumbullim më të shpejtë, më të sigurt dhe më efikas të mbeturinave, duke kontribuar drejtpërdrejt në pastërtinë e qytetit dhe mbrojtjen e mjedisit. Me këtë investim, ndërmarrja publike vazhdon misionin e saj për ofrimin e shërbimeve cilësore dhe moderne për komunitetin.

Ky është kamioni i dytë i siguruar brenda një periudhe të shkurtër kohe, duke dëshmuar përkushtimin e vazhdueshëm të Komunës së Gostivarit dhe kryetarit Valbon Limani për përmirësimin e infrastrukturës komunale dhe ngritjen e cilësisë së jetës për qytetarët.

Kryetari Limani kishte paralajmëruar më herët pasurimin e parkut të automjeteve të NP Komunalec – një zotim që tashmë po realizohet në praktikë.

Lajme

Dallavereve në përzgjedhjen e kandidatëve për polic në Maqedoninë e Veriut, padi ndaj dy zyrtarëve

Published

9 hours ago

17.09.2025

Admin01

Policia e Maqedonisë së Veriut ka ngritur kallëzim penal ndaj dy zyrtarëve shtetëror për shkak dyshimeve për keqpërdorimin e detyrës dhe autorizimit zyrtar, transmeton Portalb.mk.

“I denoncuari A.Xh., në kohën e kryerjes së veprës në vendin e punës këshilltar shtetëror për çështje ligjore në Kabinetin e zëvendësministrit në MPB, në cilësinë e anëtarit të Komisionit për zbatimin e procesit të përzgjedhjes dhe zgjedhjes së kandidatit për polic në Ministrinë e Punëve të Brendshme, me datë 15.07.2022, gjatë përzgjedhjes së kandidatëve të paraqitur, është nënshkruar në pasqyrën tabelare me dorën e vet – rubrika “plotëson kriteret” të një kandidati për polic, megjithëse sipas të dhënave të cilat ishin vënë, kandidati nuk i ka plotësuar kushtet”, sqaroi Polici.

Përveç këshilltarit shtetëror A.Xh., e dyshuar është edhe këshilltarja tjetër shtetërore V.Sh., e punësuar në kabinetin e ministrit. Ajo akuzohet se nuk ke penguar veprën penale që e ka kryer A.Xh.