Lajme

Faton Ahmeti: Kapitullim, turpi që po nënshkruani në emër të shqiptarëve!

Published

6 hours ago

June 23, 2025

Admin01

Sekretari i Përgjithshëm i BDI-së, Faton Ahmeti, ka reaguar ashpër ndaj marrëveshjes së arritur për Ligjin për përfaqësimin e drejtë, të cilin koalicioni opozitar shqiptar VLEN po e paraqet si sukses të tyre politik. Ahmeti e ka cilësuar këtë ligj si një “kapitullim të plotë” dhe “turp që po nënshkruhet në emër të shqiptarëve”.

Në një reagim publik, Ahmeti akuzoi VLEN-in se po e shet këtë marrëveshje si arritje historike, ndërsa në të vërtetë, sipas tij, bëhet fjalë për një **ligj që dëmton rëndë parimet e përfaqësimit të barabartë dhe zhbën frymën e Marrëveshjes së Ohrit.

“Pas 20 vitesh pritje, nuk sollën një ligj që garanton përfaqësim të barabartë, por një akt përuljeje para Karakamishevës dhe strukturave që gjithmonë kanë punuar për të relativizuar rolin e shqiptarëve në shtet. Ky ligj nuk ka as kalkulator proporcional, as detyrim zbatimi, e as ndëshkim për shkelësit”, – theksoi Ahmeti.

Ai shprehu shqetësimin se ky ligj do të çojë në uljen e përfaqësimit të shqiptarëve, veçanërisht pas fshirjes së diasporës nga regjistrimi dhe theksoi se komunitetet më të vogla do të kenë përparësi ligjore, pa u konsideruar kjo si diskriminim.

“Ky nuk është operacionalizim i parimit kushtetues, por nënçmim brutal i Marrëveshjes së Ohrit. Ligji nuk mbron përfaqësimin e shqiptarëve, por ia delegon atë një ‘trupi koordinues’ pa fuqi, pa mandat dhe pa pavarësi”, – deklaroi Ahmeti.

Sekretari i përgjithshëm i BDI-së kërkoi llogari nga VLEN dhe kërkoi publikisht që përfaqësuesit shqiptarë të mos bëhen pjesë e një akti që e cilësoi si “politikisht të turpshëm”.

“TURPI KA EMËR! Keni edhe 24 orë kohë – deri në mbledhjen e nesërme të qeverisë suaj pa legjitimitet – që të tërhiqeni. Anëtarët e grupit që kanë nënshkruar këtë dokument të ‘kapitullimit’ të shqiptarëve, të distancohen menjëherë nga ai për të ruajtur dinjitetin e tyre dhe të familjeve të tyre”, – përfundoi Ahmeti.

Reagimi i tij vjen në një moment kritik për zhvillimet politike në vend, ndërsa Ligji për përfaqësimin e drejtë pritet të jetë në rend dite në mbledhjen e ardhshme të qeverisë.

Lajme

Taravari për 1 vjetorin e qeverisë: VLEN-i dështoi!

Published

56 minutes ago

June 23, 2025

Admin01

Në njëvjetorin e Qeverisë, kryetari i Aleancës për Shqiptarët (ASH), Arben Taravari, i cili e braktisi atë para dy muajsh, shprehet se VLEN, nga një projekt i mrekullueshëm, u shndërrua në një dështim.

Treshja që aktualisht përbën ekzekutivin, Taravari e cilëson si një zhgënjim.

“Sot, në njëvjetorin e qeverisjes nga trojka VMRO–ZNAM–VLEN, nuk më mbetet tjetër veçse, me zhgënjim, të konstatoj se VLEN, nga një projekt i mrekullueshëm, u shndërrua shpejt në një përpjekje të dështuar…”, shkruan kryetari i ASH-së, Arben Taravari, në statusin e tij të fundit në rrjetet sociale.

Më tej në shkrimin e tij, Taravari thotë:
“Duke qenë pjesë e kësaj qeverie për 11 muaj, marr përgjegjësitë e mia dhe ju kërkoj ndjesë që nuk arritëm ta çonim ndryshimin përpara!”

Kreu i ASH-së thekson se ndryshimi nënkupton ndërrim të mentalitetit, jo vetëm të subjekteve politike.

“Ndryshim nuk do të thotë të ndryshojnë emrat e partive, por mentaliteti i tyre!”

Shkrimin e tij, kryetari i ASH-së e mbyll me një mesazh të fuqishëm:

“Gjithsesi, jemi ende në kohë, nëse jemi në vendin e duhur. Prandaj, ftoj çdo parti të bashkohet me forcën e popullit dhe me të drejtat e tij!”

Në fund, Taravari thekson:
“Ngadhnjejmë në tetor, i cili është afër – shumë, shumë afër!”

Lajme

Nuk ndalen telashet e Alternativës, forumi rinor apel Ibrahimi, Gashit dhe Sali, thirni mbledhje të kryesisë nuk duam të jemi vegla të partive tjera

Published

2 hours ago

June 23, 2025

Admin01

Kanë vazhduar edhe më tej problemet me partinë Alternativa ku një profil tjetër i kësaj partie këtë herë nga radhët e forumit rinorë i kanë kërkuar nga kryetarit të partisë Zeqirja Ibrahimi, ish kryetarit Afrim Gashi dhe nënkryetarit të partisë Bekim Saliu që të thërasin kryesinë sa më parë për të shqyrtuar pozicionet e kësaj partie dhe të mos shëndrohemi në vegla të partive të tjera, shkruan Top24

Lajme

Alternativa kërcënon: “Nëse nuk na jepni Çairin ose Tearcën, ikim nga Qeveria?”

Published

2 hours ago

June 23, 2025

Admin01

Thellohet kriza brenda VLEN-it. Ndarja e komunave në koalicionin VLEN mund të shndërrohet në “mollë sherri” mes liderëve. Portali TS mëson ekskluzivisht nga burime të besueshme dhe të sigurta se brenda VLEN-it ka nisur një konflikt serioz lidhur me ndarjen e komunave.

“Nëse nuk e marrim Çairin ose Tearcën, do të largohemi”, thuhet nga partia Alternativa para tryezës së VLEN-it.

Sipas burimeve të portalit TS, Alternativa ka kërkuar që të ketë të paktën një komunë fituese, në mënyrë që të jetë e barabartë me partnerët e tjerë të koalicionit. Komuna kufitare as që diskutohet, pasi Alternativa synon një komunë me peshë politike.

Nga ana tjetër, Çairin nuk e lëshon Izet Mexhiti, Tearcën nuk e lëshon Bilall Kasami.

Këta dy liderë, përmes ndarjes së komunave, e kanë më të sigurt fitoren dhe pritet të marrin nga dy apo tre komuna fituese, ndërsa Alternativa mbetet me zero.

Kjo situatë ka shkaktuar tensione të mëdha brenda Alternativës. Mbrëmë ka plasur përleshja edhe në Kumanovë, ku një anëtare e kryesisë doli hapur duke kërkuar llogari nga kreu i partisë për dyshime mbi ryshfete të marra për tenderët nga Shtëpia e Shëndetit Publik në Kumanovë.

Ndërkohë, kriza në Alternativë shihet edhe nga mospjesëmarrja e Afrim Gashit dhe Bekim Saliut në hapjen e shtabit të VLEN-it – një sinjal i qartë i pakënaqësisë së tyre./TS/