Connect with us

Lajme

Enverizmi i Ali Ahmeti dhe poshtërimi i “Xhaferistëve” brenda DUI-t

Published

on

Shkruan: Arben Fetai, Kryetar i Kuvendit të Aleancës për Shqiptarët

Deklarata e Ali Ahmetit, sipas së cilës Maqedonia u gjet “pa asgjë” dhe u la me një kryeministër shqiptar, është një përpjekje e ulët për të përvetësuar të gjitha arritjet e shqiptarëve dhe për të mohuar kontributin e figurave kyçe që ndërtuan rrugën e emancipimit politik dhe kombëtar. Një pretendim i tillë është jo vetëm shpërfillje e historisë, por edhe fyerje për të gjithë ata që sakrifikuan për të drejtat e shqiptarëve shumë kohë para vitit 2001.

Tani, si do ta përtypin këtë poshtërim “Arbën Xhaferistët” që ndodhen brenda koalicionit me Ali Ahmetin, e dinë ata vetë. Të tillër që sot ndodhen brenda DUI-t duhet të kuptojnë se me këtë deklaratë, historia e tyre është mohuar, trashëgimia e tyre është zhvlerësuar dhe sakrificat e tyre janë shkelur me këmbë. Një qasje e tillë e Ali Ahmetit ngjan me atë të Enver Hoxhës, i cili pretendonte se historia fillonte me të. Por historia nuk fillon me një njeri të vetëm, dhe shqiptarët nuk do ta lejojnë përvetësimin e sakrificave të brezave të tërë për hir të një narrative të sajuar të momentit.

T’ia tregojë ndokush Alisë që Maqedoninë e gjetën me plot shqiptarë, por e lanë me gjysmën e tyre në diasporë. Më keq akoma, diasporës ia mveshën etiketën e qytetarëve jorezidentë. Maqedoninë e gjeti me shqiptarë të lirë dhe e la me shumë shqiptarë në burgje si pasojë e rasteve të montuara nga pazaret e tij me Gruevskin. E kryeministri teknik, ai që Ahmeti e shet si “trashëgimi”, do të mbahet mend vetëm për qortimin e shqiptarëve në Tetovë me skena të çorroditura që i ngjanin një shpellari me kollare.

Nëse sot shqiptarët kanë më shumë të drejta, kjo nuk është meritë e një partie apo një individi, por rezultat i një procesi të gjatë politik ku kontributi i Arbën Xhaferit ishte thelbësor. Ishte Arbën Xhaferi ai që krijoi një platformë të qartë politike për shqiptarët, ndërtoi ura komunikimi me faktorët ndërkombëtarë dhe institucionalizoi kërkesat e shqiptarëve në një formë të pranueshme për të gjithë.

Ali, Maqedoninë nuk e le me më shumë, por me shumë më pak! Shqiptarët në burgje, gjuhën me përqindje, ekonominë buzë greminës, arsimin pa cilësi, shëndetësinë për kurim, kulturën për karikaturë mjerimi, e mbi të gjitha, shumë shtëpi shqiptare të boshatisura nga politikat tua. Dhe në fund, ta kujtojmë një gjë: ti nuk e le Maqedoninë, argati yt po – Artani. Ti je akoma këtu, aty ku e ke vendin, në opozitë. Mos ia bëni qejfin vetes duke menduar se e latë pushtetin me dëshirë. Jo, ju dëboi populli! Edhe pak muaj ju kanë ngelur për t’iu shporrur me rrënjë edhe nga pushteti lokal.

Continue Reading

Lajme

Ndërroi jetë në Manastir Risto Qiriazi, pinjolli i familjes së shquar shqiptare Qiriazi

Published

on

By

Është ndarë nga jeta Risto Qiriazi, një nga personalitetet e fundit të familjes së njohur shqiptaro–ortodokse të Manastirit.

Ai u dallua për guximin dhe qëndrueshmërinë në mbrojtje të identitetit shqiptar–ortodoks, duke ndjekur shembullin e vëllezërve Qiriazi, përcjell INA.

Përballë presioneve dhe përndjekjeve, ai mbeti i palëkundur në ruajtjen e gjuhës, fesë dhe trashëgimisë shpirtërore e kombëtare.

Me humbjen e tij shuhet një zë i rëndësishëm i kujtesës historike, por mbetet një testament i çmuar për brezat që vijnë. U prehtë në paqe, kujtimi i tij qoftë i përjetshëm.

Risto Qiriazi ishte pasardhësi i denjë i një familjeje që është gurthemel i identitetit tonë kombëtar – familjes Qiriazi të Manastirit: Kristo, Gjerasim, Gjergj, Sevastia e Parashqevi, që kontribuan me përkushtim të jashtëzakonshëm në ruajtjen e gjuhës dhe trashëgimisë kombëtare.. Ai ka lënë pas një djal i cili jeton në Manastir. (INA)

Continue Reading

Lajme

Ursula von der Leyen: Rusia po përpiqet të ushtrojë ndikim në Maqedoninë e Veriut

Published

on

By

Presidentja e Komisionit Europian, Ursula von der Leyen, porositi se vendet e Ballkanit Perëndimor, përfshirë edhe Maqedoninë e Veriut, se do të bëhen pjesë e Bashkimit Evropian vetëm mbi bazën e meritave të tyre, transmeton Flaka

Në pyetjen e gazetarit të BGNES-it, Dimitar Ruskov, nëse është e qëndrueshme arkitektura e sigurisë evropiane në kushtet e ndikimit rus në rajon dhe nëse Maqedonisë së Veriut i është thënë se nuk ka “plan B” për integrimin, von der Leyen theksoi:

“Zgjerimi është në interes të BE-së. Një Union më i madh, më konkurrues dhe më i sigurt do të thotë një Evropë me zë më të fuqishëm në botë. Sigurisht, ai mbetet një proces i bazuar në merita. Çdo kandidat do të vlerësohet sipas kushteve që i janë vendosur. Kjo krijon besim nga të dyja palët.”

Ajo theksoi se Rusia po përpiqet të ushtrojë ndikim dhe destabilizim në Ballkanin Perëndimor, përfshirë Maqedoninë e Veriut, Bosnje dhe Hercegovinën dhe Malin e Zi, por se BE-ja do të vazhdojë t’i mbështesë partnerët në rajon.

“Detyrimi ynë është të qëndrojmë pas miqve dhe partnerëve tanë, t’i ndihmojmë ata të përballen me sulmet hibride dhe ndërhyrjet që i përjetojnë. Por, në fund, ata duhet të kenë të drejtën e zgjedhjes së lirë – nëse duan apo nuk duan të jenë pjesë e BE-së,” deklaroi von der Leyen.

Ajo përsëriti se, edhe pse zgjerimi është një proces që kërkon kohë, ai është thelbësor për stabilitetin dhe sigurinë e kontinentit:

“Është e qartë se çfarë duhet të bëhet – reformat dhe përmirësimet që priten. Por është e rëndësishme të dihet se Bashkimi Evropian mbetet fuqishëm i përkushtuar ndaj zgjerimit të suksesshëm.”

Shefja e Komisionit Europian ndodhet në një tur prej shtatë vendesh të ashtuquajtura shtete të vijës së parë, për t’i siguruar ato për mbështetjen e BE-së ndaj agresionit rus. Vizita e saj përkon me përpjekjet e shtuara të presidentit amerikan Donald Trump për të ndërmjetësuar një armëpushim në luftën e Putinit kundër Ukrainës, e cila tashmë ka hyrë në vitin e katërt. Përveç Polonisë, von der Leyen do të vizitojë Finlandën, Estoninë, Lituaninë dhe Letoninë – të gjitha vende që kufizohen me Rusinë ose Bjellorusinë – si dhe Bullgarinë dhe Rumaninë, në atë që konsiderohet si nisma e saj më e madhe diplomatike mbi sigurinë dhe mbrojtjen e BE-së që nga fillimi i pushtimit të plotë rus të Ukrainës në fillim të vitit 2022.

Von der Leyen deklaroi se në javët në vijim ekzekutivi i BE-së do të përgatisë një plan se si të investohen fonde shtesë në kapacitetet mbrojtëse të Unionit, i cili do të diskutohet në Këshillin Europian në fillim të tetorit. /Flaka/

Continue Reading

Lajme

Brodeci në këmbë për Bajram Rexhepin, koha për ndryshim nuk pret sepse na haruan, katër vite si pamë!

Published

on

By

Kandidati i AKI-së për komunën e Tetovës, Bajram Rexhepi në kuadër të takimeve në Malësinë e Tetovës i shoqëruar nga shefi i shtabit Blerim Osmani kanë ndaluar në fshatin Brodec ku u është bërë një pritje madhështore nga banorët e këtij fshati të cilët theksojnë se koha për ndryshim nuk pret, shkruan Top24

#Kuvendimin me banorët e Malësisë e përfunduam sot në Brodec. Banorët e Brodecit, plot energji dhe entuziazëm si gjithmonë, janë të vendosur për fitoren e madhe të Tetorit.
Por sfidat mbeten po ato që ishin edhe para katër viteve. Rrugët e hyrjes dhe daljes nga fshati, mungesa e transportit publik, rruga për në bjeshkë, si dhe mirëmbajtja dimërore e rrugëve.
Këto projekte nuk mund të mbeten më vetëm premtime. #Bashkë për Brodecin do t’i realizojmë me plan dhe me punë.
#BashkëPërTetovën ✅
#AleancaKombëtarePërIntegrim

Continue Reading

TOP Lajme