Pas incidentit në këshillin e Komunës së Koçanit, Ministria e Brendshme tha se është shqyrtuar e gjithë situata dhe pas dokumentimit të plotë të rastit, do të dorëzohet kallëzim i duhur penal.

“Më datë 19.06.2025 në Stacionin Policor Koçani është denoncuar se rreth orës 12.30, gjatë seancës së Këshillit të Komunës së Koçanit, pas një keqkuptimi të mëparshëm, A.A., këshilltar, ka tentuar të sulmojë fizikisht me një objekt të fortë V.A. nga Koçani, gjithashtu këshilltar, por është penguar nga të pranishmit. Më pas ka hedhur një shishe ujë drejt tij, por e ka goditur në kokë A.K. nga Koçani, punonjëse e Komunës”, thonë nga MPB.

Ndërkohë këshilltari Aki Akiov, i cili goditi punonjësen me shishe në kokë thotë se nuk është fajtori kryesor. Akuzoi VMRO-DPMNE-në për provokime dhe denigrime.

“Mungesa e ndjeshmërisë për prindërit e fëmijëve të vdekur, si dhe vetëdija dhe virtyti i njohjes dhe jo hedhja e fajit për tragjedinë përsëri për të njëjtin qëllim – ruajtja e rejtingut politik para zgjedhjeve lokale të VMRO-së, është një turp i madh. Sot, u mbush kupa nga këshilltari Aleksov, i cili provokoi të gjithë ngjarjen, që është e natyrshme për të. I kërkoj publikisht falje juristes nga Koçani për lëndimin e shkaktuar pa dashje”, tha Aki Akiov, Këshilltar.

Ndërkohë VMRO-DPMNE akuzon se incidenti i djeshëm është plan destabilizimi i bërë nga Zaev dhe Filipçe, ndërsa qëllimi ishte mbjellja e frikës para zgjedhjeve.

“Këshilltari i Filipçes, Aki Akiov, i cili dje lëndoi një punonjëse të komunës së Koçanit, këshilltarët i kërcënoi fizikisht, është një njeri me besimin më të lartë të Zoran Zaevit. Ja një foto e këshilltarit të Filipçes, rrahësit nga Koçani dhe Zoran Zaev. Le të hedhim një vështrim në videon e këshilltarit të Filipçes goditi një grua, punëtori më i fortë”, tha Brane Petrushevski Vmro – Dpmne

Tensionet dhe përplasjet ndodhën në seancën e 65-të të Këshillit Komunal të Koçanit, pas mosmarrëveshjeve midis këshilltarit Aki Akiov nga Partia për Prosperitet Demokratik të Romëve dhe koordinatorit të grupit këshilltarëve të VMRO-DPMNE-së, Mirçe Stojkov. Nga pamjet e publikuara shihet qartë se pas mosmarrëveshjes, Akiov, duke u përpjekur të godasë një këshilltar tjetër me shishe, shishja përfundon në kokën e një juriste nga komuna./ Alsat.mk

Drejtori i Ansamblit Muzikor të Republikës së Maqedonisë së Veriut në Tetovë, Blerim Qamili, i është bashkuar zërave në rritje që mbështesin Arben Fetain si kandidat të mundshëm për kryetar të koalicionit VLEN. Përmes një postimi në profilin e tij në Facebook, Qamili ka theksuar se VLEN ka nevojë për një figurë të re, të pandikuar nga politika e së kaluarës.

“Ngelem neutral sa i përket raporteve personale Taravari-Fetahi. Koha do të tregojë se cili ka të drejtë, megjithatë: Koha për Figurën e Re,” ka shkruar Qamili.

Ai thekson se Arben Fetai përfaqëson ndryshimin e vërtetë brenda koalicionit VLEN dhe se, sipas tij, të tjerët janë kthyer në simbol të stagnimit politik.

“Brenda VLEN-it, Arben Fetahu është zëri dhe fytyra e këtij ndryshimi. Të tjerët, sado aktivë në të kaluarën, janë kthyer në simbol të stagnimit. Për një hap përpara, duhet të zgjedhim të pandoturit nga politika e djeshme. I vetmi opcion për kryetar të VLEN-it ngelet Arben Fetahi”, përfundon postimi i Blerim Qamilit.

Ky reagim vjen në një moment të ndjeshëm për strukturat e VLEN-it, ndërsa po diskutohet lidershipi i ardhshëm i koalicionit.

U.D drejtor i shtëpisë së shëndetit në Kërçovë, Genc Selmani kuadër i ASH-së së Arben Taravarit është dorëhqur nga detyre sot duke deponuar dorëheqjene tij, shkruan Top24

LETËR DORËHEQJE
Sot kam dorëzuar dorëheqjen time të
parevokueshme nga U.D. Drejtor I ISHP Shtëpia e Shëndetit Kërçovë. Ishte një periudhë 10 mujore angazhimi maksimal, përkushtimi për t’i shërberyer detyres së besuar dhe shëndetit kolektiv të qytetarëve të Kërçovës, për të cilën mendoj se e
kam ushtruar me korrektësi dhe profesionalizëm.
Detyra e besuar më dha mundësinë të takoj
dhe njoh njerëz të mirë dhe profesionista të devotshëm për të cilër besoj ju kam qëndruar afër
gjatë ushtrimit të detyrës sime, me të cilët kemirealizuar punë dhe detyrime që nuk kanë qenë të realizuara paraprakisht. I vetdijshëm se ka akoma
shumë punë për të realizuar dhe duke marr parasysh situaten e pazakont politike morra vendimin të tërhiqem nga funksioni U.D. Drejtor dhe ti jap
mundësi funksionalitetit të institucionit dhe shëndetit kolektiv të Kërçovës, në të njejtën kohë qëndroj në gadishëmeri për bashkpunim në të
ardhmen në funksion të interesit të shëndetit kolektiv dhe Institucionit ISHP Shtëpia e Shëndetit Kërçovë. Faleminderit ish ministrit, kabinetit të tijë, kolegeve, kolegëve dhe bashkëpunëtorëve të mi për
bashkëpunimin korrekt dhe të ndërsjellë që e patëm.
Mirnjohje edhe kryetarit Arben Taravari
dhe organeve partiake të ASH-së, duke filluar nga dega e ASH-së Kërçovë deri tek Kuvendi qëndror i partisë për mbështetjen dhe besimin e dhënë,
mendoj se në asnje moment nuk i kam zhgënjyer me punën time duke dashur ta lartësoj dhe afirmoj rolin
e subjektit që përfaqësoj. Faleminderim i veçantë për familjen time, që si gjithmonë edhe kësaj rradhe
më kanë mbështetur për respektimin e vendimit tim personal, ju falenderoj edhe të gjithë ju mbeshtetës
për ndihmën dhe përkrahjen e dhën të pa rezervë për të cilën ndjej përveç mirnjohjes edhe përkulje.
Ndihem i lumtur dhe krenar për çdo ditë të punës sime, kryelartë e përplot energji, entuziazëm,përkushtim dhe përgjegjesi për të vazhduar më tej
për tu ballafaquar me çdo sfid, ku do të jetë i nevojshëm kontributi im I pakursyer në funksion të
jetës shoqërore ,veprimtaris institucionale,profesionale dhe
politike.
I juaji:
Dr.Genc Selmani, ka përfunduar Selmani.