Connect with us

Lajme

“Dyshoj se projekti i Osmanit ishte ndihmesë për Serbinë e jo Kosovën”, reagon profesori i marrëdhënieve ndërkombëtare

Published

on

Profesori i marrëdhënieve ndërkombëtare Enver Bytyçi, i ka reaguar kandidatit për president në Maqedoninë Veriore Bujar Osmani. Ky i fundit, ka deklaruar se kishte hartuar një projekt për zgjidhjen e krizës mes Kosovës dhe Serbisë, për “të mos ndodhur më e keqja”.

Profesori në shkrimin në Facebook, ka hedhur dyshimet se projekti i Osmanit ishte ndihmesë për Serbinë e jo Kosovën, përcjell Bota sot.

Ai ka përmendur disa norma, përmes së cilave, sipas tij, mund të vërtetohet nëse Osmani kishte qëllime të mira.

Reagimi i plotë i Bytyçit:

Bujar Osmani është lëshuar në televizione të ndryshme e po përpiqet t’i bindë shqiptarët se ai e paska hartuar projektin e zgjidhjes së krizës midis Kosovës e Serbisë, pasiqë paska patur frikë se ndodh më e keqja. Dhe për ta rrit dozën e bindjes thotë se është edhe kosovar, përveçse shqiptar i Maqedonisë së Veriut. Pra, kërkon që të largohen dyshimet se me atë projekt ka dashur të ndihmojë Serbinë e jo Kosovën. Thotë se përkundrazi, donte të ndihmonte Kosovën. Por janë disa norma e praktika me të cilat mund të verifikohet lehtësisht nëse Bujar Osmani ka patur qëllime të mira ose jo:

1. A u konsultua zoti Osmani me autoritet e Kosovës për këtë projekt? Në mos me autoritetet shtetërore a pati kontakte me ekspertë të fushës, e nëse po, me cilët ekspertë? Ne e dimë se ekspertë vetëquhen edhe ata që bëjnë avokatin e djallit (Serbisë) në medie e sidomos në ekranet televizive shqiptare. Pra, nëse është konsultuar me ekspertë le t’i thotë emrat dhe publiku do të gjykojë se çfarë përfaqësojnë këta ekspertë dhe më pas edhe çfarë perfaqëson projekti nëntë pikash i Bujar Osmanit.

2. Zoti Osmani kur hartoi projektin ishte kryesues i OSBE-së. Në këtë cilësi, para se sa të hartonte projektin me nëntë pika, a pati kryer ndonjë studim, hulumtim ose investigim në terren për situatën dhe zhvillmet që po ndodhnin midis Kosovës e Serbisë me pikërëndesë veriun e vendit? Nëse po, cilët ekspertë dhe cilat organizata qeveritare ose joqeveritare ka angazhuar në këtë punë hulumtuese? Nëse jo, duhet të na thotë se si arriti në përfundimin se “Situata ishte e rrezikshme për Kosovësn”! Kush ia ofroi informacionin për këtë?

3. Në përfundim duhet thënë se perceptimi i zotit Osmani se “Situata në veri të Kosovës ishte e rrezikshme” rezultoi i pavërtetë. Pas projektit të tij, ndodhi 24 shtatori i vitit të kaluar. Dhe akti terrorist serb kundër Kosovës u përballua jo me largimin e forcave speciale e policore të Kosovës nga veriu, por me veprimin e tyre profesional shembullor. Pra, faktet dëshmuan se projekti i zotit Osmani ishte më së paku jo realist. Nuk po them se i shërbente Beogradit, edhe pse në fakt më 24 shtator do ta kishte fituar betejën Radoiçiq, nëse Kosova do të kishte marrë mendtë e Bujar Osmanit!

Eshtë më mirë të pranosh gabimin, të thuash se gabova, të kërkosh ndjesë për këtë, sesa të përpiqesh të justifikosh veprimet e tua edhe më tej. Ikja dhe mbulesa e gabimeve nuk i zgjidh konfliktet, as nuk e pastron ndërgjegjen e askujt. Përkundrazi, sidomos ne shqiptarët, duhet ta njohim më shumë institucionin e reflektimit dhe të pendesës. Gjithkush gabon. E moralshme është të mos sajosh hipoteza të pamundura për t’u provuar për qëllime justifikimi!

Continue Reading

Lajme

Komuna e Gostivarit pjesë e aksionit “Fundjavë Gjenrale- Limani: Një qytet i pastër është një detyrim dhe një shërbim i domosdoshëm për shëndetin tonë

Published

on

By

 

Komuna e Gostivarit në bashkëpunim me shoqatën “Men and Mountain”, Kryqin e Kuq, EVN, shoqatën “Pozitiva B2”, realizoni aksionin ekologjik “Pastrimi gjeneral në fundjavë”.

Aksioni kishte për qëllim ngritjen e vetëdijes publike për nevojën e grumbullimit dhe riciklimit të mbetjeve dhe u pastruan pjesët qendrore të qytetit.

“Komuna e Gostivarit realizoi një bashkëpunim të rëndësishëm me “Men and Mountain”, Kryqin e Kuq, EVN-në dhe shoqatën “Pozitiva B2” për pastrimin e qytetit. Një qytet i pastër është një detyrim dhe një shërbim i domosdoshëm për shëndetin tonë.”- u shpreh Limani.

Continue Reading

Lajme

Zëvendësministrat Ismaili dhe Bexheti nderojnë sakrificën për lirinë në Ditën e Evropës dhe Fitores mbi Fashizmin

Published

on

By

Me rastin e 9 Majit, Ditës së Fitores mbi Fashizmin dhe Ditës së Evropës, zëvendësministrat Elfete Ismaili dhe Flakron Bexheti morën pjesë në një ngjarje përkujtimore të organizuar në Varrezat Partizane në Butel. Në këtë aktivitet morën pjesë përfaqësues të institucioneve shtetërore, trupi diplomatik dhe figura të tjera të larta politike.

Në këtë ditë me rëndësi të veçantë historike, u bë homazh për të rënët që sakrifikuan gjithçka për lirinë dhe të ardhmen e vendit. Përmes këtij akti simbolik, u shpreh mirënjohje e thellë për qëndresën dhe guximin e atyre që luftuan kundër fashizmit, duke u riafirmuar përkushtimi i përbashkët ndaj vlerave të lirisë, paqes dhe bashkëjetesës.

9 Maji është një kujtesë e fuqishme se mbi të kaluarën ndërtojmë një të ardhme më të drejtë, demokratike dhe evropiane për të gjithë qytetarët.

Continue Reading

Lajme

Ramadani: Nëse anëtarësia dhe kryesia vendosin, jam i gatshëm të ofrohem si kandidat në Saraj

Published

on

By

Sekretari i përgjithshëm i ASH-Taravari, Blerant Ramadani, në emisionin “Daily Click”, u pyet nëse ai mund të jetë kandidat i mundshëm për komunën e Sarajit. Ramadani theksoi se nëse anëtarësia e ASH-së në atë komunë e kërkon këtë dhe nëse kryesia e partisë vendos, atëherë është i gatshëm t’u ofrohet qytetarëve që ata të vlerësojnë nëse kandidatura e tij është e mirëpritur për ta.

Continue Reading

TOP Lajme