Connect with us

Lajme

Durmishi: Nesër hyn në fuqi Ligji për praktikat e padrejta tregtare, presim ulje shtesë të çmimeve të produkteve bujqësore dhe ushqimore

Published

on

“Ligji për praktikat e padrejta tregtare në zinxhirin e furnizimit të produkteve bujqësore dhe ushqimore fillon më 28 shtator 2024, respektivisht nesër.
Kjo do të thotë se nesër është afati i fundit që blerësit dhe furnizuesit të lidhin kontrata të reja për furnizimin e produkteve bujqësore dhe ushqimore, në të cilat zbritja dhe kostot shtesë, respektivisht kompensimit, kufizohen në 10%. Lista e produkteve bujqësore dhe ushqimore përmban 2548 shifra tariforë. Këtu janë produktet që janë me 5% TVSH dhe 10% TVSH, tha në deklaratën për mediat ministri i Ekonomisë dhe Punës Besar Durmishi.

Siç informoi ministri Durmishi, kompensimet lejohen të jenë jo më të larta se 10% të qarkullimit të realizuar në vitin rrjedhës, për:
-vendosje të rafteve në vendin e shitjes të blerësit,
– reklamimi i produkteve bujqësore dhe ushqimore,
– marketing të produkteve bujqësore dhe ushqimore,
– angazhim të personelit për pajisjen e hapësirave të blerësit në të cilat bëhet shitja e produkteve bujqësore dhe ushqimore
– rabat (përcaktim kombëtar)
“Dua të theksoj se ky ligj nuk rregullon marzhin tregtar, por ndalon kostot shtesë (kompensimet) që furnizuesit kanë qenë të detyruar t’i paguajnë në mënyrë që produktet e tyre të shiten nga blerësit. Me zbatimin e këtij ligj, ne presim rezultate në afat të gjatë dhe ulje të çmimeve të këtyre produkteve në listën deri në së paku 10%, respektivisht presim rezultatet e para me çmime të ulura deri në fund të tetorit, kur presim të harxhohen rezervat nga kontratat paraprake dhe do të të fillojnë të shiten produktet në përputhje me kontratat e reja. Ligji siç e dini është miratuar më 20 mars të vitit 2024 dhe tregtarët dhe furnizuesit kishin afat prej gjashtë muajve për të harmonizuar kontratat, respektivisht për të lidhur kontrata të reja, jo më vonë se 27 shtator. Që do të thotë se nesër fillon zbatimi efektiv i këtij ligji”, tha ministri.

Ky ligj është miratuar në bashkëpunim me të gjitha palët e interesuara, tregtarët, prodhuesit dhe shpërndarësit, dhe nuk do të ketë prolongim në zbatimin e tij. Kontroll mbi zbatimin e këtij ligji ushtron Komisioni për mbrojtjen nga konkurrenca.

Në koordinim, Komisioni për mbrojtjen nga konkurrenca në tre muajt e ardhshëm, respektivisht deri në fund të vitit, në mënyrë që t’u dalë në ndihmë të gjitha palëve të interesuara, nëse përcaktohet se dispozitat e Ligjit nuk do të respektohen gjatë lidhjes së kontratave të reja, do të ketë paralajmërime, respektivisht nuk do të kalohet menjëherë në dënim.

Respektivisht, në periudhën e ardhshme prej 3 muajsh ose deri në fund të vitit 2024, do të bashkëpunohet me kompanitë për të përcaktuar nëse kontratat janë lidhur siç duhet ose nëse dispozitat e ligjit janë përfshirë në mënyrë adekuate.
Nga viti 2025, do të ushtrohen kontrollet e rregullta nga Komisioni për Mbrojtjen e Konkurrencës.

Ndërkohë, për të mbrojtur qytetarët nga goditjet e çmimeve derisa të ndjehen rezultatet e para të Ligjit për praktikat e padrejta tregtare, miratuam vendimin për kufizimin e marzhit në 10% në tregtinë me shumicë dhe tregtinë me pakicë të 73 produkteve themelore ushqimore.

Vendimi është duke u zbatuar, respektivisht, sipas analizave të para të Ministrisë së Ekonomisë, çmimet e këtyre produkteve ulen mesatarisht nga 5-10%,
Te disa produkte ulja është më e vogël dhe te disa produkte mungon sepse në ato produkte marzhi nuk ka qenë më i lartë se 10%.

Continue Reading

Lajme

Furkan Saliu pyet: Në çfarë cilësie ishte Afrim Gashi në vizitë në Beograd? (Video)

Published

on

By

Kush është me “Botën Serbe”? AKI akuzon VLEN-in, VLEN-i akuzon AKI-në, zbulohet dokument për vizitën e Afrim Gashit në Beograd.

Përplasjet politike në Maqedoninë e Veriut kanë marrë një drejtim të ri pas akuzave të ndërsjella mes koalicionit VLEN dhe AKI, lidhur me ndikimin e ashtuquajtur “Bota serbe” në vend.

Gazetari Furkan Saliu ka publikuar një dokument që, sipas tij, dëshmon se Afrim Gashi, një nga figurat kryesore të VLEN-it dhe tani kryetar parlamenti, ka qenë për vizitë në Beograd vitin e kaluar. Në postimin e tij, Saliu kërkon publikisht nga VLEN që të sqarojë në çfarë cilësie ka qenë Gashi në Beograd dhe cili ka qenë qëllimi i vizitës.

Nga ana tjetër, tensionet politike thellohen edhe më tej pasi edhe Parlamenti Evropian ka ngritur shqetësime për ndikimin e “Botës serbe” në Maqedoninë e Veriut, duke theksuar se ky ndikim po zgjerohet në mënyrë alarmante, përcjell TS.

Ndërkohë, vëmendje ka marrë edhe një zhvillim tjetër: me miratimin e Bujare Abazit, është lejuar hyrja e një banke serbe në tregun financiar të Maqedonisë së Veriut, gjë që ka nxitur kritika dhe debate të ashpra në opinionin publik dhe skenën politike./TS/

https://www.facebook.com/share/v/16DbyLwhzU/

Continue Reading

Lajme

Valbon Limani kujdeset për një Gostivar më të pastër – NP Komunalec me kamion të ri për mbledhjen e mbeturinave

Published

on

By

N.P “Komunalec” ka shtuar edhe një kamion të ri në parkun e saj të automjeteve për mbledhjen e mbeturinave, duke forcuar kapacitetet operacionale dhe përmirësuar ndjeshëm shërbimet për qytetarët e Gostivarit.

Ky automjet modern garanton grumbullim më të shpejtë, më të sigurt dhe më efikas të mbeturinave, duke kontribuar drejtpërdrejt në pastërtinë e qytetit dhe mbrojtjen e mjedisit. Me këtë investim, ndërmarrja publike vazhdon misionin e saj për ofrimin e shërbimeve cilësore dhe moderne për komunitetin.

Ky është kamioni i dytë i siguruar brenda një periudhe të shkurtër kohe, duke dëshmuar përkushtimin e vazhdueshëm të Komunës së Gostivarit dhe kryetarit Valbon Limani për përmirësimin e infrastrukturës komunale dhe ngritjen e cilësisë së jetës për qytetarët.

Kryetari Limani kishte paralajmëruar më herët pasurimin e parkut të automjeteve të NP Komunalec – një zotim që tashmë po realizohet në praktikë.

Continue Reading

Lajme

Dallavereve në përzgjedhjen e kandidatëve për polic në Maqedoninë e Veriut, padi ndaj dy zyrtarëve

Published

on

By

Policia e Maqedonisë së Veriut ka ngritur kallëzim penal ndaj dy zyrtarëve shtetëror për shkak dyshimeve për keqpërdorimin e detyrës dhe autorizimit zyrtar, transmeton Portalb.mk.

“I denoncuari A.Xh., në kohën e kryerjes së veprës në vendin e punës këshilltar shtetëror për çështje ligjore në Kabinetin e zëvendësministrit në MPB, në cilësinë e anëtarit të Komisionit për zbatimin e procesit të përzgjedhjes dhe zgjedhjes së kandidatit për polic në Ministrinë e Punëve të Brendshme, me datë 15.07.2022, gjatë përzgjedhjes së kandidatëve të paraqitur, është nënshkruar në pasqyrën tabelare me dorën e vet – rubrika “plotëson kriteret” të një kandidati për polic, megjithëse sipas të dhënave të cilat ishin vënë, kandidati nuk i ka plotësuar kushtet”, sqaroi Polici.

Përveç këshilltarit shtetëror A.Xh., e dyshuar është edhe këshilltarja tjetër shtetërore V.Sh., e punësuar në kabinetin e ministrit. Ajo akuzohet se nuk ke penguar veprën penale që e ka kryer A.Xh.

Continue Reading

TOP Lajme