Connect with us

Lajme

Durmishi: Nesër hyn në fuqi Ligji për praktikat e padrejta tregtare, presim ulje shtesë të çmimeve të produkteve bujqësore dhe ushqimore

Published

on

“Ligji për praktikat e padrejta tregtare në zinxhirin e furnizimit të produkteve bujqësore dhe ushqimore fillon më 28 shtator 2024, respektivisht nesër.
Kjo do të thotë se nesër është afati i fundit që blerësit dhe furnizuesit të lidhin kontrata të reja për furnizimin e produkteve bujqësore dhe ushqimore, në të cilat zbritja dhe kostot shtesë, respektivisht kompensimit, kufizohen në 10%. Lista e produkteve bujqësore dhe ushqimore përmban 2548 shifra tariforë. Këtu janë produktet që janë me 5% TVSH dhe 10% TVSH, tha në deklaratën për mediat ministri i Ekonomisë dhe Punës Besar Durmishi.

Siç informoi ministri Durmishi, kompensimet lejohen të jenë jo më të larta se 10% të qarkullimit të realizuar në vitin rrjedhës, për:
-vendosje të rafteve në vendin e shitjes të blerësit,
– reklamimi i produkteve bujqësore dhe ushqimore,
– marketing të produkteve bujqësore dhe ushqimore,
– angazhim të personelit për pajisjen e hapësirave të blerësit në të cilat bëhet shitja e produkteve bujqësore dhe ushqimore
– rabat (përcaktim kombëtar)
“Dua të theksoj se ky ligj nuk rregullon marzhin tregtar, por ndalon kostot shtesë (kompensimet) që furnizuesit kanë qenë të detyruar t’i paguajnë në mënyrë që produktet e tyre të shiten nga blerësit. Me zbatimin e këtij ligj, ne presim rezultate në afat të gjatë dhe ulje të çmimeve të këtyre produkteve në listën deri në së paku 10%, respektivisht presim rezultatet e para me çmime të ulura deri në fund të tetorit, kur presim të harxhohen rezervat nga kontratat paraprake dhe do të të fillojnë të shiten produktet në përputhje me kontratat e reja. Ligji siç e dini është miratuar më 20 mars të vitit 2024 dhe tregtarët dhe furnizuesit kishin afat prej gjashtë muajve për të harmonizuar kontratat, respektivisht për të lidhur kontrata të reja, jo më vonë se 27 shtator. Që do të thotë se nesër fillon zbatimi efektiv i këtij ligji”, tha ministri.

Ky ligj është miratuar në bashkëpunim me të gjitha palët e interesuara, tregtarët, prodhuesit dhe shpërndarësit, dhe nuk do të ketë prolongim në zbatimin e tij. Kontroll mbi zbatimin e këtij ligji ushtron Komisioni për mbrojtjen nga konkurrenca.

Në koordinim, Komisioni për mbrojtjen nga konkurrenca në tre muajt e ardhshëm, respektivisht deri në fund të vitit, në mënyrë që t’u dalë në ndihmë të gjitha palëve të interesuara, nëse përcaktohet se dispozitat e Ligjit nuk do të respektohen gjatë lidhjes së kontratave të reja, do të ketë paralajmërime, respektivisht nuk do të kalohet menjëherë në dënim.

Respektivisht, në periudhën e ardhshme prej 3 muajsh ose deri në fund të vitit 2024, do të bashkëpunohet me kompanitë për të përcaktuar nëse kontratat janë lidhur siç duhet ose nëse dispozitat e ligjit janë përfshirë në mënyrë adekuate.
Nga viti 2025, do të ushtrohen kontrollet e rregullta nga Komisioni për Mbrojtjen e Konkurrencës.

Ndërkohë, për të mbrojtur qytetarët nga goditjet e çmimeve derisa të ndjehen rezultatet e para të Ligjit për praktikat e padrejta tregtare, miratuam vendimin për kufizimin e marzhit në 10% në tregtinë me shumicë dhe tregtinë me pakicë të 73 produkteve themelore ushqimore.

Vendimi është duke u zbatuar, respektivisht, sipas analizave të para të Ministrisë së Ekonomisë, çmimet e këtyre produkteve ulen mesatarisht nga 5-10%,
Te disa produkte ulja është më e vogël dhe te disa produkte mungon sepse në ato produkte marzhi nuk ka qenë më i lartë se 10%.

Continue Reading

Lajme

Për 245 mijë nxënës, sot fillon viti i ri shkollor 2025/2026

Published

on

By

Viti i ri shkollor fillon sot për 245.000 nxënës të shkollave fillore dhe të mesme, i cili do të zgjasë deri më 10 qershor. Nga këta, 177.800 janë nxënës të shkollave fillore dhe 67,200 janë nxënës të shkollave të mesme. Sipas të dhënave nga Ministria e Arsimit, 17.250 nxënës të klasës së parë janë regjistruar në klasën e parë, dhe 17.230 nxënës do të fillojnë arsimin e mesëm, megjithëse këto shifra nuk janë ende përfundimtare, transmeton Portalb.mk.

Viti shkollor për të gjithë nxënësit si në arsimin fillor ashtu edhe në atë të mesëm do të zgjasë deri më 10 qershor, me përjashtim të nxënësve në vitet e fundit të arsimit të mesëm, të cilët do të kenë mësime deri më 15 maj.

Sipas njoftimeve, nxënësit do ta fillojnë këtë vit shkollor me tekste shkollore të dorëzuara në kohë.

Ministrja e Arsimit dhe Shkencës, Vesna Janevska, tha se tekstet shkollore janë siguruar për të gjithë nxënësit, dhe për herë të parë në shtatë vjet, janë shtypur tekste të reja shkollore në gjuhë të huaja – anglisht, frëngjisht, gjermanisht dhe italisht. Gjithashtu, nxënësit e klasës së shtatë dhe vitit të parë të shkollave të mesme do të marrin tekste të reja shkollore për shkak të kurrikulave të ndryshuara.

Për të përmirësuar përfshirjen, Janevska thotë se është siguruar një numër më i madh asistentësh arsimorë për arsimin fillor, por për herë të parë edhe për arsimin e mesëm.

Këtë vit shkollor, inteligjenca artificiale po futet në mësimdhënie. Për këtë qëllim, Janevska thotë se është përgatitur manual për arsimimin e mësuesve dhe nxënësve, i cili ka udhëzime të qarta për përdorimin etik dhe efikas të teknologjive të reja.

Përveç kësaj, po përdoret një ditar i ri elektronik me performancë më të mirë, i cili do ta bëjë më të lehtë për mësuesit të futin dhe përditësojnë të dhënat në çdo kohë.

Continue Reading

Lajme

VLEN i shndërroi shkollat në skena politike, shkelën ligjet për arsim

Published

on

By

Koalicioni VLEN dy net me radhë ka organizuar ngjarje partiake në shkollat e Tetovës edhe pse ligji për arsim fillor dhe ai për arsim të mesëm e ndalon një gjë të tillë, shkruan Portalb.mk.

Çfarë ndodhi?

Më 30 gusht 2025 në hapsirat e shkollës së mesme “Nikolla Shtenj”, koalicioni VLEN ka organizuar miting partiak me të rinjtë e partive politike.

Në këtë miting morën pjesë edhe kryetari i Komunës së Tetovës – Bilall Kasami, ministri i Ekonomisë dhe Punës – Besar Durmishi, deputeti – Adnan Azizi dhe të tjerë.

Në ditë më pas, më 31 gusht 2025, në hapsirat e shkollës fillore “Liria”, koalicioni VLEN organizoi miting tjetër partiak, ku u promovua kandidimi për mandatin të dytë e kryetarit aktual të Komunës së Tetovës – Bilall Kasamit, në zgjedhjet lokale të tetorit.

Në këtë ngjarje pati përfaqësues si nga qeveria, kuvendi, pushteti lokal dhe partitë politike, mes të cilëve: Izet Mexhiti – zëvendëskryeministër dhe ministër i Mjedisit, Arben Fetai – zëvendëskryeministër, Zekirija Ibraimi – kryetar i Alternativës, Besar Durmishi – ministër i Ekonomisë dhe Punës dhe të tjerë.

Ligjet janë të qarta: Ndalohen organizimet partiake në shkolla

Ligji për arsim fillor ndalon organizimet partiake në shkolla.

Neni 9 i Ligjit për arsim fillor thotë:

Në shkollë fillore ndalohet organizimi dhe veprimi partiak dhe fetar, si dhe vendosja e shenjave.
Organizimet e tilla i ndalon edhe Ligji për arsim të mesëm.

Neni 7 i Ligjit për Arsim të mesëm thotë:

Në shkollën e mesme ndalohet çfarëdo lloj i organizimit dhe veprimit politik dhe fetar. Në shkollën e mesme nuk lejohet organizimi i arsimit fetar. Në shkollën e mesme ndalohet vendosja e shenjave partiake dhe fetare.
Pushteti shkel ligjet

Por një gjë e tillë u shkel nga koalicioni VLEN i cili është pjesë e Qeverisë aktuale të RMV-së.

I pyetur nga Portalb.mk për këto shkelje, kryetari i Komunës së Tetovës, Bilall Kasami tha se kjo ka ndodhur pasi shkollat deri dje nuk kanë qenë në shërbim të nxënësve, por prej sot që ka filluar viti shkollor, ai tha se kjo nuk do të përsëritet.

“Sigurisht që shkollat derisa janë në shërbim të nxënësve nuk do të ketë keqpërdorime të këtyre objekteve. E dimë që deri dje në shkolla nuk ka pasur proces mësimor. Sot nisi procesi mësimor dhe ne do të respektojmë ligjin dhe nuk do të ketë aspak keqpërdorim të objekteve shkollore”, deklaroi Kasami.

Nga Ministria e Arsimit dhe Shkencës nuk u përgjigjen në pyetjet gazetareske nëse do të ndërmarrin masa ndaj këtyre shkeljeve.

Tubime të partiake të ngjashme nëpër shkolla së fundmi ka pasur edhe në komuna tjera të vendit, si nga VLEN-i në pushtet ashtu edhe nga AKI në opozitë.

Përndryshe, zgjedhjet lokale do të të mbahen më 19 tetor – rrethi i parë dhe 2 nëntor – rrethi i dytë.

Fushata zgjedhore për raundin e parë fillon më 29 shtator dhe do të zgjasë vazhdimisht deri më 17 tetor, ndërsa fushata për raundin e dytë zgjedhor do të zgjasë deri më 31 tetor.

Megjithatë, partitë dhe koalicionet kanë filluar që tani aktivitetet e tyre në terren,

Continue Reading

Lajme

Skandal në Likovë: Sherif Rramani tentoi të mashtrojë shqiptarët duke e sulmuar Osmanin – kërkohet dorëheqja e tij nga Alternativa

Published

on

By

Një skandal i turpshëm shpërtheu brenda kampit të koalicionit VLEN, pasi Sherif Rramani, kryetar i nëndegës së Alternatives në Likovë, doli publikisht me një postim ku pretendonte se fotografia e nënës së tij me Bujar Osmanin ishte “manipulim” dhe “fushatë mashtrimi”, transmeton Flaka

“Më vjen keq që Bujar Osmani po vazhdon ta bëjë fushatën me shpifje dhe mashtrime. Personi në foto është nëna ime dhe ka qenë mysafir në Çair, ajo është nga Likova dhe as që e njeh Bujarin e as që voton në Çair.”, shkroi Rramani, duke shtuar se familja e tij dhe ai vetë janë mbështetës të VLEN-it.

Por realiteti rezultoi krejt ndryshe. Nga kampi i Bujar Osmanit u publikuan video-dëshmi të qarta, ku shihet se zonja Liria vetë, vullnetarisht, afrohet dhe dëshiron të fotografohet me Osmanin. Jo vetëm kaq – në video shihet edhe vetë Sherif Rramani, i cili po ashtu shpreh dëshirë dhe insiston të fotografohet me Osmanin.

Ky zbulim e ka kthyer gjithë rastin në një skandal politik, duke nxjerrë zbuluar tentativën e një funksionari partiak për të manipuluar opinionin shqiptar.

“Në një vend demokratik, me vlera, dinjitet dhe moral politik, një rast i tillë nuk mund të mbyllet me heshtje. Ose duhet dorëheqja, ose shkarkimi i menjëhershëm i Sherif Rramanit nga Alternativa. Çdo tjetër veprim do të thotë tolerim të mashtrimit dhe të manipulimit publik.”, reagoi në rrjetet sociale, Saqip Beadini, banor i Likovës.

Ky episod ka shkaktuar tronditje në opinion, pasi tregon se si edhe vetë figura të përfshira në fushatë janë të gatshme të përdorin shpifje për të fituar pikë politike, duke rrezikuar besimin e qytetarëve. /Flaka/

Continue Reading

TOP Lajme