Connect with us

Lajme

Deputetja nga VLENI, Imerlije Saliu ndalon Oliver Spasovskin që ta fus në rend dite ligjin për “Branitellat”

Published

on

Në seancën e sotme të Komisionit për Punë Sociale, Rini dhe Demografi, kryetarja e këtij Komisioni Imerlije Saliu, njëherit deputete nga radhët e Alternativës dhe Koalicionit VLEN nuk ka pranuar që të futet në rend dite propozim ligji për “Branitellat” nga ana e deputetit të LSDMS-së,
Oliver Spasovski. Me këtë rast, Oliver Spasovski ka paralajmëruar se do ta padis deputeten për pengimin e vendosjes në rend dite të Ligjit për “Branitellat”. Menjëherë pas paralajmërimit për padi, ka ardhur edhe reagimi i deputetes Saliu, e cila ka ndarë me opinionin datën 14 mars që përkon me krismat e para të UCK-së në Kalanë e Tetovës. “ Çfarëdo qoftë veprimi i LSDM ndaj meje individualisht, nuk është aspak problem përballë kauzave kombëtare siç është rregullimi i statusit të pjesëtarëve të UÇK, qofshin padi penale ose çfarëdo që u vjen atyre në mend.
Nervozizmi i tyre është i dukshëm sepse sot realisht u ngeci propozim ligji i Branitellave.
E gjithë kjo ndodhi sot, ku sipas dispozitave të Rregullores e ngarkuar nga Kryetari i Kuvendit të Republikës së Maqedonisë së Veriut, udhëhoqa
me mbledhjen e Komisionit për Punë Sociale, Rini e Demografi. Arsyeja e kësaj ishte që, në mungesë të kryetarit të komisionit, ta zhbllokojmë Ligjin e pensioneve, që është jashtëzakonisht i rëndësishëm për kategorinë më të nderuar të qytetarëve tanë.
E prirë nga ky detyrim, e pranova këtë detyrë dhe e kreva konform Rregullores, duke mos lejuar që opozita ta sabotojë interesin e
pensionistëve, por edhe duke e pamundësuar dikush nga kjo opozitë e çoroditur ta kthejë temën e “Branitellave”, ku ata mendojnë se e kanë
shpëtimin e vetëm, por që derisa jemi ne aty, nuk kalon. Vazhdojmë me konsistencë, përkushtim e përgjegjësi. ps: 14 Mars 24 vite më parë në krismat e para në kalanë e Tetovës dikush dha jetën që NE të jemi sot këtu!”, ka shkruar Saliu.

Continue Reading

Lajme

AKI dorëzon kandidaturat në Vrapçisht, Isen Shabani kandidon për mandatin e tretë

Published

on

By

Koalicioni Aleanca Kombëtare për Integrim ka dorëzuar sonte zyrtarisht kandidaturën për kryetar komune dhe listën për këshillin komunal të komunës së Vrapçishtit.

Në garën për kreun e komunës do të rikandidojë për mandatin e tretë Isen Shabani, nga radhët e Aleancës për Shqiptarët, ndërsa Evzal Arsllani nga BDI do të jetë bartës i listës për këshillin komunal.

Pas dorëzimit të kandidaturave, Shabani premtoi një fushatë transparente dhe shprehu dëshirën që zgjedhjet të zhvillohen në një atmosferë të qetë dhe demokratike.

Ai theksoi se vendimi i fundit qeveritar për ndarjen e banorëve në rezidentë dhe jo-rezidentë ka ndikuar në uljen e numrit të këshilltarëve komunalë në Vrapçisht – nga 19 në 15.

Duke u shprehur i bindur në fitoren e mandatit të tretë më 19 tetor, Shabani tha se kjo do të jetë një vlerësim i punës së bërë gjatë dy mandateve të kaluara.

Ndërkohë, bartësi i listës për këshillin komunal, Evzal Arsllani, nga fshati Dibërdoll dhe nga radhët e BDI-së, tha se “aty ku ka unitet, fitorja është e sigurt”. Ai theksoi se lista përfaqëson individë me reputacion dhe integritet të lartë dhe përfshin kandidatë nga disa subjekte politike pjesë e koalicionit Aleanca Kombëtare për Integrim.

Shabani dhe Arsllani u bënë thirrje qytetarëve të komunës së Vrapçishtit për mbështetje masive dhe për një fitore të thellë në zgjedhjet lokale.

Continue Reading

Lajme

Arton Aliti nga Piroku bartës liste i AKI-së në Bogovinë

Published

on

By

Arton Aliti nga radhët e Aleancës për Shqiptarët e Arben Taravarit që vjen nga fshati Pirok i komunës së Bogovinës është propozuar të jetë bartës liste i AKI-së për zgjedhjet e 19 Tetorit.

Ndryshe Artan Halili është një nga themeluesit e LR-PDSH-së.

Continue Reading

Lajme

Valbon Limani pasi zyrtarizoi kandidaturën: Le të jetë një fushatë me Gostivarin në zemër!

Published

on

By

Kandidati i Aleancës Kombëtare për Integrim për kryetar të Komunës së Gostivarit, z. Valbon Limani, përmes një postimi në rrjetet sociale pasi sot dorëzoi zyrtarisht kandidaturën e tij pranë KKZ për zgjedhjet lokale, në rrjtet sociale ka theksuar përkushtimin e tij për të qenë në shërbim të qytetarëve pa dallim, ashtu siç i ka shërbyer deri më tani si profesionist i mjekësisë.

“Do të jetë privilegj për mua që për katër vjet të jem në shërbim të Gostivarit, të cilin duhet ta ruajmë me zemrën e gjyshërve tanë dhe ta duam me zemrën e fëmijëve tanë”, shprehet Limani.

Ai thekson se si mjek i diplomuar ka dhënë betimin e Hipokratit për t’i shërbyer çdo qytetari pa asnjë dallim, dhe këtë parim e sjell me vete edhe në garën për drejtimin e komunës.

“Nëse më votoni dhe më jepni besimin tuaj, deklaroj me përgjegjësi të plotë se do të punoj me përkushtim maksimal për të gjithë, pa bërë dallime apo lëshime”.

Në deklaratën e tij, Limani thekson rëndësinë e projekteve konkrete dhe të realizueshme, duke vënë theksin tek arsimi, infrastruktura, ambienti dhe shërbimet publike si fusha ku do të përqendrohet puna e tij:

“Nuk premtoj magji, por premtoj para Zotit dhe para jush se do të punoj që çdo shkollë dhe kopsht të jetë më i sigurt dhe më modern, që të kemi më shumë rrugë, më shumë parqe e vende argëtimi, më shumë qendra shërbimi, më shumë gjelbërim dhe ajër të pastër”.

Ai ka falënderuar kryetarin e Aleancës për Shqiptarët, z. Arben Taravari, për besimin dhe përkrahjen, duke kujtuar se kandidatura e tij vjen në kuadër të koalicionit Aleanca Kombëtare për Integrim (AKI), i cili sipas tij ka bashkuar më shumë se kurrë qytetarët e Gostivarit.

Duke e përmbyllur fjalën e tij, z. Limani ka bërë thirrje për një fushatë të qetë, dinjitoze dhe të përqendruar tek qytetari:

“Le të jetë kjo fushatë një shembull dashurie për njëri-tjetrin, pa dallime partiake, fetare apo etnike. Le të jetë një fushatë me Gostivarin në zemër!”

Continue Reading

TOP Lajme