Zëvëndësdrejtori i Ndërmarjes Publike „Rrugët Shtetërore“, nga radhët e VLEN-it, Nazim Taipi, sëfundmi ka ndarë njoftimin që pas vizitës së tyre në vendin ku po zhvillohen punimet për rrugën Tetovë-Prizren bindshëm kthim mbrapa nuk ka dhe se ajo rrugë do të ndërtohet.

„Së bashku me Drejtorin e NP “Rrugët Shtetërore”, ministrin e Transportit dhe zv.ministren e Transportit u takuam me palën Kosovare për t‘i parë punimet nga afër“, ka shkruar zëvëndës drejtori, Nazim Taipi.

Ai ka shtuar tutje se janë të vendosur plotësisht për realizimin e premtimeve dhe për këtë gjë kthim nuk ka.

„Jemi shumë të vendosur për t’i realizuar premtimet tona dhe kthim mbrapa s’ka!“, ka përfunduar Taipi.

Kujtojmë që, në këtë vizitë të pranishëm kanë qenë ministri i Transportit, Aleksandër Nikolloski dhe zëvëndës ministrja nga radhët e VLEN, Kaltrina Zekolli.

Lëvizja Demokratike pjesë e koalicionit VLEN ka themeluar mbrëmë Forumin e Gruas, ku në krye të këtij forumi është zgjedhur deputetja Saranda Imeri Stafai.

Punën e kuvendit zgjedhor të Forumit të Gruas të Lëvizjes Demokratike e ndoqën përfaqësueset nga Aleanca për Shqiptarët, Sekretarja Teknike – Organizative e Asamblesë së Gruas, Arbenita Meta, dhe Nënkryetarja e Asamblesë së Gruas, Naime Islami Zeqiri.

Sekretarja Teknike – Organizative e Asamblesë së Gruas të ASH-së, Arbenita Meta përmes një postimi në profilin e saj në facebook ka shpreh urimet më të mira për kryetaren e sapozgjedhur të Lëvizjes Demokratike,Saranda Imeri Stafai, duke i dëshiruar shëndet dhe suksese të mëtejshme në detyrën e re.

Postimi i plotë:

“Në cilësinë e Sekretares Teknike – Organizative të Asamblesë së Gruas të Aleancës për Shqiptarët, së bashku me Nënkryetaren e Asamblesë së Gruas, znj. Naime Islami Zeqiri, patëm nderin dhe kënaqësinë të ishim mysafire në Kuvendin zgjedhor të Forumit të Gruas të Lëvizjes Demokratike, ku ndoqëm nga afër procesin zgjedhor dhe punën e këtij kuvendi në zgjedhjen e kryetares dhe kryesisë.

Kryetares së sapozgjedhur të Lëvizjes Demokratike, znj. Saranda Imeri Stafai, i urojmë shëndet dhe suksese të mëtejshme në detyrën e re.

Partitë politike të Koalicionit VLEN kanë bërë përpjekje të vazhdueshme dhe angazhim të jashtëzakonshëm për të mbështetur dhe promovuar gratë në politikë, duke na dhënë mundësi për pjesëmarrje aktive në proceset vendimmarrëse si në funksione brenda partive politike po ashtu edhe në funksione udhëheqëse të rëndësishme në Qeveri, Kuvend e në institucione tjera në vend duke kontribuar në forcimin e një shoqërie më të barabartë dhe më të drejtë” ka nënvizuar Meta.

Drejtori i Parkut Nacional “Mali Sharr”, Emir Huseini ka reaguar pasi me 22 Janar 2025, në hapësirat e parkingut të Parkut kombëtar “Mali Sharr”, janë dëmtuat tre vetura konkretisht janë shpuar gomat e një veturë zyrtare, një veturë e një mysafiri dhe vetura private e një të punësuari.

Huseni në reagimin thekson se me çfarë veprimesh, përveç punës së palodhur, mund të kemi provokuar një akt të tillë vandal nga keqdashësit?!

Huseini më tej njofton se organet kompetente janë informuar dhe po merren me zbardhjen e rastit.

Reagimi i plotë:

“Nuk e dimë kujt i pengojnë sukseset e Parkut kombëtar Mali Sharri, që me datë 22 Janar 2025, në hapësirat e parkingut të Parkut kombëtar “Mali Sharr”, ndodhi një akt i shëmtuar dhe vandal, ku u dëmtuan automjetet, konkretisht gomat e tre veturave: një veturë zyrtare, një veturë e një mysafiri dhe vetura private e një të punësuari.
Me çfarë veprimesh, përveç punës sonë të palodhur, mund të kemi provokuar një akt të tillë vandal nga keqdashësit?!
Organet kompetente janë informuar dhe po merren me zbardhjen e rastit. Shpresojmë që raste të tilla të mos përsëriten.

Sidoqoftë, këto lloj veprimesh vetëm motivojnë edhe më shumëpërfaqësuesit e IPPK Mali Sharr në mbrojtjen e natyrës, zhvillimit të zonës dhe Aluftës kundër armiqëve të natyrës” ka përfunduar Huseini.