Politika

Dënime për dy pozitat e Talat Xhaferit dhe Ilir Demirit – KSHPK-ja me mendimin që Kuvendi t’i shkarkojë

Published

1 year ago

03.06.2024

Admin01

Tv Telma: Do të ketë dënime për Talat Xhaferin dhe Ilir Demirin nëse sot nuk do të japin dorëheqje nga njëra nga dy funksionet, njofton Komisioni Kundër Korrupsionit, në të kundërt Kuvendi pret t’i shkarkojë ata si deputetë.

Ndërkohë nga të gjithë ministritë, ministrat e të cilave u bënë deputetë u dërguan njoftime se funksionet po i marrin deputetët, nga zyrat e kryeministrit dhe ministrit të Shëndetësisë, nuk ka asnjë lajm që Talat Xhaferi dhe Ilir Demiri tërhiqen. Në qeveri, dhe njëkohësisht si deputetë qëndrojnë dy anëtarët e Frontit Europian për të cilët Komisioni Kundër Korrupsionit u tha të shtunën se duhet të respektojnë ligjet dhe të heqin dorë nga njëri funksion. Dhe sot që të dy kanë kërkuar dokumente me nënshkrim në ministri, çka tregon se janë ende në një pozicion të ndaluar papajtueshmërie me funksionet shtetërore, mëson Telma.

Nga KSHPK thonë se edhe do të dënohen nëse nuk heqin dorë nga njëri funksion.
-Në rastin de facto ka papajtueshmëri, pra një institucion ose një person kryen funksione të dyfishta. Në atë rast KSHPK-ja ka obligim ligjor të inicojë procedurë penale në pajtim me nenin 105, ku parashihet se të zgjedhurit dhe të emëruarit i shqiptohet gjobë prej 300 deri në 500 euro në denarë ku kemi konstatuar mospërputhje të funksionit, deklaroi Tatjana Dimitrovska, kryetare e KSHPK-së.

Afati i fundit përfundon ditën e sotme , tha Dimitrovska e cila u kujton deputetëve se duhet të respektojnë ligjet dhe të mos punojnë në kundërshtim me to.

Zgjidhja e dytë është edhe në dorë të Kuvendit, i cili duhet të respektojë ligjet, pohon kryetarja e KSHPK-së.-Parlamenti është ai që zgjedh qeverinë dhe ka funksionet në kontrollë. Duhet të zbatojë dispozitat ligjore, të konstatojë funksionin e papajtueshëm të deputetit me çdo funksion tjetër të pushtetit ekzekutiv. Dhe për të gjithë deputetët për të vënë në dukje papajtueshmërinë dhe në rast mosveprimi nga deputetët e Kuvendit duhet të veprojë në përputhje me nenin 6 të Ligjit për Kuvendin dhe nenin 8 të Ligjit për deputetët, ku parashikohet se mandati i deputetit përfundon para përfundimit të kohës për të cilën është zgjedhur nëse ka rast të papajtueshmëri me postin e deputetit, deklaroi përmes telefonit Dimitrovska.

Pikërisht Njeriu i parë i Kuvendit që sot mblodhi përfaqësuesit e grupeve parlamentare për koordinim, por jo për atë që kërkon KSHPK-ja, por për të negociuar ndryshimin e shpejtë të ligjit të qeverisë me një strukturë të re ministrish. Kryetari i Kuvendit, Afrim Gashi, i cili para se të zgjidhej në këtë pozitë dha dorëheqje nga pozita udhëheqëse në parti, tani nuk dëshiron të ndërhyjë me kolegët e tij nga Fronti Evropian, ndaj në Top Temën e Telmës të premten nuk ka pasur përgjigjen edhe në pyetjen se kush do t’u japë rrogën e dy zyrtarëve me nga dy pozita. Si arsyetim të situatës, Xhaferi dhe Demiri thanë se do të ngrijnë funksionet parlamentare deri në zëvendësimin e tyre nga qeveria e re, por një zgjidhje e tillë nuk parashikohet në Kushtetutë dhe ligje.

Burumi i lajmit në gjuhën maqedone

Lajme

ASH: A do të vazhdojë Mickoski ta mbrojë Mexhitin nga akuzat për 450 mijë euro provizion për “Skënderbeun”

Published

11 hours ago

04.09.2025

Admin01

A mendon ende kryeministri Hristijan Mickoski se Izet Mexhiti, partneri i tij i koalicionit nga VLEN, si kryetar i Çairit ka marrë provizion prej 450 mijë eurosh për sheshin “Skënderbeu”, ashtu siç akuzonte VMRO-DPMNE kur ishte në opozitë? Publikonin shifra, skandale e afera për shpërdorimet në pushtetin lokal, ndërsa sot janë partnerë besnikë të qeverisë. Nëse Mickoski ka harruar, opinioni e mban mend mirë kur deputeti i VMRO-DPMNE-së, Antonio Miloshoski, publikisht shpaloste akuza kundër Mexhitit për korrupsion, abuzime, krime dhe provizione të rënda prej 450 mijë eurosh. Mickoski dhe VMRO-DPMNE duhet t’u përgjigjen pyetjeve që janë të pashmangshme dhe të interesit publik: • A heq dorë Mickoski nga deputeti i tij Antonio Miloshoski dhe pretendimet e tij, vetëm për ta shpëtuar Mexhitin? • A beson ende VMRO-DPMNE në akuzat e veta ndaj Mexhitit, apo atëherë kritika ishte vetëm populizëm i lirë? • A është gati kjo parti t’i mbyllë sytë para të gjitha atyre pretendimeve për krim, vetëm për të qëndruar në pushtet? Dhe më e rëndësishmja: a është flijuar interesi i popullit për karriget dhe funksionet e tyre? Aleanca për Shqiptarët rikujton: lufta kundër korrupsionit nuk është objekt pazari. Nuk ka kompromis me krimet e dyshuara, as alibi për dyfytyrësi politike. Ka ardhur koha që VMRO-DPMNE të zgjedhë qartë: sundim të ligjit apo mbrojtje të rehatisë së koalicionit. Qytetarët nuk do të pranojnë standarde të dyfishta – një gjë të flisni kur jeni në opozitë, dhe krejt tjetër të bëni sapo të uleni në pushtet. Nëse VMRO-DPMNE vërtet do të paraqitet si bartëse e ndryshimeve, duhet publikisht dhe pa kalkulime të tregojë: a do të qëndrojë në anën e drejtësisë apo do të mbetet bashkëfajtore në praktikat korruptive që vetë i denonconte. Aleanca për Shqiptarët

VIDEO LINK NGA DEKLARATA E MILLOSHOVSKIT: https://wetransfer.com/downloads/293903f41a359828b4c466506b23882c20250904074808/eb0f4decf459b9a362add3444382d88720250904074809/2c85f7?t_exp=1757231289&t_lsid=396598c5-0560-40c8-8b14-7422e3a152bd&t_network=email&t_rid=Z29vZ2xlLW9hdXRoMnwxMTEwOTk4MjkwNjc5NzYzNTY4OTM=&t_s=download_link&t_ts=1756972089

Lajme

Aleanca për Shqiptarët: Sulmi në Tetovë është akt barbar me bazë etnike

Published

13 hours ago

04.09.2025

Admin01

Aleanca për Shqiptarët shpreh indinjatën dhe shqetësimin e thellë për aktin e fundit të dhunës brutale në Tetovë, ku mbi 20 huliganë të grupit “Vojvoda” kanë sulmuar barbarisht dy nxënës shqiptarë të shkollës së mesme ekonomike.

Ky sulm, i cili ka lënë pas dy të mitur me lëndime të rënda – njëri me hundë të thyer dhe tjetri me brinjë e krah të thyer – është dëshmi e një klime të papranueshme urrejtjeje etnike dhe tolerance institucionale ndaj huliganizmit.

Kërkojmë urgjentisht nga Ministria e Brendshme dhe Prokuroria Publike që të identifikohen dhe të arrestohen menjëherë të gjithë autorët e këtij akti kriminal, të cilët jo vetëm që kanë rrezikuar jetën e dy të rinjve, por kanë goditur edhe ndjenjën e sigurisë së qytetarëve.

midle
Aleanca për Shqiptarët paralajmëron se heshtja dhe mosveprimi i shtetit përballë rasteve të tilla vetëm sa i inkurajojnë grupet huligane që të përsërisin sulme të ngjashme.

Dhuna ndaj fëmijëve është vijë e kuqe dhe përgjegjësia bie mbi institucionet që duhet të garantojnë rend dhe siguri”, theksohet më tej.

ASh qëndron pranë viktimave dhe familjeve të tyre, duke i inkurajuar të kërkojnë drejtësi deri në fund. Ky rast, nuk duhet të mbyllet si një incident i zakonshëm, por të trajtohet si akt i dhunës së organizuar me bazë etnike.

Lajme

Aleanca për Shqiptarët dënon ashpër sulmin ndaj gazetarit Naser Selmani

Published

1 day ago

03.09.2025

Admin01

Aleanca për Shqiptarët shpreh indinjatën më të thellë dhe dënon fuqishëm sulmin e fundit ndaj gazetarit Naser Selmani.

Ky akt i shëmtuar është përpjekje e drejtpërdrejtë për ta frikësuar zërin e lirë dhe për ta heshtur mendimin kritik në shoqërinë tonë.

Dita ditës po shohim rritje të presionit dhe të dhunës ndaj gazetarëve, ndërkohë që kjo qeveri vazhdon të mbyllë sytë dhe të qëndrojë pasive para këtyre fenomeneve të rrezikshme. Heshtja institucionale është e barabartë me bashkëfajësi.

Liria e shprehjes dhe e medias është themel i çdo shoqërie demokratike. Sulmet ndaj gazetarëve nuk janë vetëm kërcënim ndaj individëve, por sulm ndaj të gjithë qytetarëve dhe të drejtës së tyre për t’u informuar lirshëm e pa frikë.

Aleanca për Shqiptarët kërkon hetim të shpejtë, transparencë të plotë dhe përgjegjësi ligjore ndaj autorëve dhe urdhërdhënësve të këtij akti kriminal. Ne shprehim solidaritet të plotë me gazetarin Naser Selmani dhe do të qëndrojmë gjithmonë në mbrojtje të fjalës së lirë dhe demokracisë në vendin tonë.

Aleanca për Shqiptarët