Connect with us

Lajme

Azizi: “Për çdo ditë dëshmohen mashtrimet spektakolare të BDI-së se gjuha shqipe është zyrtare, se flamuri shqiptarë është i mbrojtur me ligj dhe se shqiptarët janë faktor shtetëformues”

Published

on

Deputeti i koalicionit VLEN, Adnan Azizi përmes një postimi në profilin e tij në facebook shkruan se për çdo ditë po dëshmohen mashtrimet spektakolare të BDI-së se gjuha shqipe është zyrtare, se flamuri shqiptarë është i mbrojtur me ligj dhe se shqiptarët janë faktor shtetëformues.

Postimi i plotë:

Siç e kam thënë disa herë, tani për çdo ditë po dëshmohen mashtrimet spektakolare të BDI-së se gjuha shqipe është zyrtare, se flamuri shqiptarë është i mbrojtur me ligj dhe se shqiptarët janë faktor shtetëformues!

Që mashtrimi të jetë i klasit të parë, funksionarët e BDI-së i kanë mashtruar edhe faktorin ndërkombëtar por edhe kryeministrin shqiptar.
Shum keq më ka ardhur kur e dëgjoja Edi Ramën si kryeministër i dezinformuar paturpësisht nga Ali Ahmeti dhe Artan Grubi, të flasë me iluzione, se gjoja “është realitet se në RMV shqiptarët jetojnë me të gjitha të mirat e Zotit, me gjuhë, me flamur, me shkolla shqipe dhe pa dallime prej të tjerëve dhe me mirëqenie të plotë”.

Por nëse shteti shqiptar do të bënte një shqyrtim tepër të vogël, do ta vërente se gjuha shqipe në institucione nuk përdoret si gjuhë zyrtare me ligj por si gjuhë e përkthyer, andaj varet nga vullneti individual i funksionarit si do e zbatojë, derisa BDI, dhjetëra herë ka festuar dhjetëra data të ndryshme se gjuha shqipe është legale.

Edhe më e turpshme është situata me flamurin kombëtar, përveç se nuk mund të përdoret në të gjitha poret e shtetit dhe në të gjitha eventet dhe mnifestimet, edhe atëherë kur mund të përdoret duhet të duket si “xhuxh” karshi flamurit shtetëror, pasi BDI me një gjysmë ligj ashtu e ka vendosur që flamuri shqiptar të duket më i vogël se ai shtetëror!

Për këto arsye ndodhi edhe ajo në Shtip me Ballistët! Sepse deri më sot askush nuk ka mbajtur përgjegjësi për mospërdorimin gjuhës ose përdhosjen e flamurit shqiptarë.

Edhe pse u pa qartë se kjo ngjarje ishte organizuar nga BDI dhe LSDM, me qëllim për të provokuar incidente ndëretnike, ku siç është mësuar BDI, nga kët incidente të përfitojë Artani, Aliu dhe Venkoja, e të dëmtohen qytetarët. Nuk e arsyetoj as neglizhencën e insitucioneve përkatëse për zbardhjen e rastit dhe ndëshkimin e rasteve të këtilla, andaj kërkoj që sa më shpejtë që është e mundur, personat përkatës të dalin para organeve të drejtësisë, në të kundërtën dëshmohet se shteti nuk ka vullnet dhe kapacitet që të jetë i barabartë për të gjithë!

Sjellja e këtillë do të detyrojë shqiptarët një mënyrë të re të rregullimit shtetëror për të garantuar të drejtat e tyre. Boll më diskriminimit dhe majorizimit.

Kuptohet se përgjegjësi kryesor për gjendjen e këtillë të shqiptarëve mbetet BDI dhe Ali Ahmeti, sepse edhe pas konfliktit të vitit 2001, nuk arritën që shqiptarët ti ngrenë as në nivelin e të drejtave që shqiptarët i kishin me Kushtetutën e vitit 1974 të SFRJ-së.

Ky është realiteti, të tjerat kanë vetëm broçkulla dhe hedhje hi në sy të qytetarëve shqiptarë!, ka përfunduar Azizi.

Continue Reading

Lajme

MMPT: Komuna e Tetovës të ndalojë urgjentisht punimet për restaurimin e gjimnazit ku deformohen fasadat

Published

on

By

Pas shqetësimeve të ngritura nga aktivistët e kulturës për mënyrën e restaurimit të objekteve kulturore në Tetovë, nisma Më Mirë për Tetovën kërkon nga Komuna e Tetovës të ndalojë urgjentisht punimet për restaurimin e objekteve të vjetra të gjimnazit të qytetit, shkruan Portalb.mk.

Nga Më Mirë për Tetovën, thonë se deformimi i fasadave të dy objekteve të vjetra historike te ish shkolla e mesme medicinale e është akt i shëmtuar dhe tendencioz për të shlyer gjurmët nga e kaluara e qytetit tonë.

“Me këtë është shkelur ligji dhe kërkojmë që çdo lloj punimi të bëhet nga ekspertët profesionistë të restaurimit dhe mbrojtjes së trashëgimisë kulturore. Skena të tilla na kujtojnë vitin 2018 ku u tjetërsua Ndërtesa e arkivit të qytetit, objekt me histori mbi 100 vjeçare. Kërkojmë nga kryetari aktual i Komunës së Tetovës që të ndalojë urgjentisht punimet për të parandaluar dilentantizmin dhe papërgjegjësinë”, thanë nga Më Mirë për Tetovën.

Komuna e Tetovës nuk është përgjigjur në pyetjet gazetareske për këtë çështje.

Nga Ministria e Kulturës për Portalb.mk thanë se çdo ndërhyrje mbi një objekt që paraqet trashëgimi kulturore duhet të bëhet duke respektuar plotësisht autenticitetin, vlerën historike dhe rëndësinë kulturore të tij.

“Ndërhyrje siç janë rinovimi, restaurimi apo adaptimi, duhet të kryhen mbi bazë të elaboratëve profesionalë dhe projekteve të miratuara nga institucioni kompetent. Vendosja e fasadave moderne mbi objekte historike, pa pëlqim, paraqet shkelje të ligjit dhe konsiderohet degradim i trashëgimisë kulturore”, thanë nga Ministria e Kulturës.

Nëse deri tani nuk janë ndërmarrë masa të mjaftueshme, sipas ministrisë kjo ka ndodhur për shkak të mjeteve të kufizuara buxhetore, mungesës së koordinimit mes pushtetit lokal dhe atij qendror si dhe mosrespektimit të procedurave ligjore nga ana e disa investitorëve dhe pronarëve privatë.

“Ministria nuk mbështet mbulimin e objekteve historike me fasada moderne, por për restaurimin e tyre profesional, autentik dhe ligjor. Trashëgimia kulturore në Tetovë ka vlerë të madhe dhe çdo qytetar ka të drejtë, por edhe obligim, të marrë pjesë në ruajtjen e saj”, thanë nga Ministria e Kulturës.

Nga organizata HUTA duke komentuar përgjijgen e Ministrisë së Kulturës së dhënë për Portalb.mk theksuan se ministria i konfirmoi shqetësimet e tyre.

“Ne si organizatë kemi ngritur vazhdimisht shqetësimin tonë për mënyrën e papërshtatshme të ndërhyrjeve në disa objekte historike në qytetin e Tetovës. Sot, këtë shqetësim tonin e konfirmon edhe vetë Ministria e Kulturës, thanë nga HUTA.

Pak ditë më parë, nga organizata HUTA ngritën shqetësime për mënyrën joprofesionale se si Komuna e Tetovës dhe Ministria e Kulturës po i trajtojnë objektet në qytet.

Roni Kadriu nga kjo organizatë theksoi se edhe dy objektet e vjetra te Gjimnazi i Tetovës që po restaurohen po bëhen në formën joadekuate.

“Ndërtimi është duke u mbuluar me stiropol, nuk është bërë ndonjë plan adekuat për restaurimin e të njëjtës, kemi fasadë të betonizuar dhe plastifikuar në vend të restaurimeve me metoda tradicionale, kjo nuk është restaurim por shkatërrim i trashëgimisë kulturore”, tha Kadriu.

Një nga të punësuarit e kompanisë që realizon punimet, edhe pse nuk deshi të flasë para kamerës, na tha se fasada nga jashtë do të bëhet siç ka qenë dhe se do të ruhet pamja e vjetër.

Kujtojmë se në programin zgjedhor ‘Me ka krejt për Tetovën’ 2021-2025 me të cilin kryetari i Komunës së Tetovës Bilall Kasami garoi dhe fitoi në zgjedhjet e fundit lokale tetorin e vitit 2021, në pjesën e kulturës përmenden investime dhe rikonstruime për Kalanë e Tetovës, Teqenë Arabati Baba, Ura e Kazazëve, por asnjëra nga këto nuk është realizuar në terren.

Continue Reading

Lajme

ASH: A do të vazhdojë Mickoski ta mbrojë Mexhitin nga akuzat për 450 mijë euro provizion për “Skënderbeun”

Published

on

By

A mendon ende kryeministri Hristijan Mickoski se Izet Mexhiti, partneri i tij i koalicionit nga VLEN, si kryetar i Çairit ka marrë provizion prej 450 mijë eurosh për sheshin “Skënderbeu”, ashtu siç akuzonte VMRO-DPMNE kur ishte në opozitë? Publikonin shifra, skandale e afera për shpërdorimet në pushtetin lokal, ndërsa sot janë partnerë besnikë të qeverisë. Nëse Mickoski ka harruar, opinioni e mban mend mirë kur deputeti i VMRO-DPMNE-së, Antonio Miloshoski, publikisht shpaloste akuza kundër Mexhitit për korrupsion, abuzime, krime dhe provizione të rënda prej 450 mijë eurosh. Mickoski dhe VMRO-DPMNE duhet t’u përgjigjen pyetjeve që janë të pashmangshme dhe të interesit publik: • A heq dorë Mickoski nga deputeti i tij Antonio Miloshoski dhe pretendimet e tij, vetëm për ta shpëtuar Mexhitin? • A beson ende VMRO-DPMNE në akuzat e veta ndaj Mexhitit, apo atëherë kritika ishte vetëm populizëm i lirë? • A është gati kjo parti t’i mbyllë sytë para të gjitha atyre pretendimeve për krim, vetëm për të qëndruar në pushtet? Dhe më e rëndësishmja: a është flijuar interesi i popullit për karriget dhe funksionet e tyre? Aleanca për Shqiptarët rikujton: lufta kundër korrupsionit nuk është objekt pazari. Nuk ka kompromis me krimet e dyshuara, as alibi për dyfytyrësi politike. Ka ardhur koha që VMRO-DPMNE të zgjedhë qartë: sundim të ligjit apo mbrojtje të rehatisë së koalicionit. Qytetarët nuk do të pranojnë standarde të dyfishta – një gjë të flisni kur jeni në opozitë, dhe krejt tjetër të bëni sapo të uleni në pushtet. Nëse VMRO-DPMNE vërtet do të paraqitet si bartëse e ndryshimeve, duhet publikisht dhe pa kalkulime të tregojë: a do të qëndrojë në anën e drejtësisë apo do të mbetet bashkëfajtore në praktikat korruptive që vetë i denonconte. Aleanca për Shqiptarët

VIDEO LINK NGA DEKLARATA E MILLOSHOVSKIT: https://wetransfer.com/downloads/293903f41a359828b4c466506b23882c20250904074808/eb0f4decf459b9a362add3444382d88720250904074809/2c85f7?t_exp=1757231289&t_lsid=396598c5-0560-40c8-8b14-7422e3a152bd&t_network=email&t_rid=Z29vZ2xlLW9hdXRoMnwxMTEwOTk4MjkwNjc5NzYzNTY4OTM=&t_s=download_link&t_ts=1756972089

Continue Reading

Lajme

Ramadani: Sulmi në Tetovë, akt barbar me motive etnike

Published

on

By

Sekretari i Aleancës për Shqiptarët, Blerant Ramadani, ka reaguar pas sulmit ndaj dy nxënësve shqiptarë në Tetovë, të cilët u dhunuan brutalisht nga një grup huliganësh të organizuar, të njohur si pjesëtarë të grupit “Vojvoda”.

“Dënojmë me ashpërsinë më të madhe sulmin barbar ndaj dy nxënësve shqiptarë në Tetovë. Ky akt i shëmtuar është dhunë me motive etnike dhe një sinjal alarmi për sigurinë e qytetarëve shqiptarë në vend. Dy të rinj sot ndodhen në spital si pasojë e këtij akti kriminal,” ka deklaruar Ramadani.

Ai ka kërkuar reagim të menjëhershëm nga institucionet e rendit dhe drejtësisë, duke theksuar se “heshtja ose relativizimi i këtij rasti është bashkëfajësi”.

“Shteti nuk mund të lejojë që grupe paramilitare dhe ekstremiste të shëtisin lirshëm e të rrahin fëmijët tanë,” shtoi ai.

Ramadani theksoi se Aleanca Kombëtare për Integrim do të qëndrojë pranë familjeve të viktimave dhe do të përdorë të gjitha mjetet demokratike për të kërkuar drejtësi. “Siguria e qytetarëve tanë nuk është opsion, është detyrim i shtetit,” përfundoi ai.

Continue Reading

TOP Lajme