Connect with us

Lajme

Azizi: “Për çdo ditë dëshmohen mashtrimet spektakolare të BDI-së se gjuha shqipe është zyrtare, se flamuri shqiptarë është i mbrojtur me ligj dhe se shqiptarët janë faktor shtetëformues”

Published

on

Deputeti i koalicionit VLEN, Adnan Azizi përmes një postimi në profilin e tij në facebook shkruan se për çdo ditë po dëshmohen mashtrimet spektakolare të BDI-së se gjuha shqipe është zyrtare, se flamuri shqiptarë është i mbrojtur me ligj dhe se shqiptarët janë faktor shtetëformues.

Postimi i plotë:

Siç e kam thënë disa herë, tani për çdo ditë po dëshmohen mashtrimet spektakolare të BDI-së se gjuha shqipe është zyrtare, se flamuri shqiptarë është i mbrojtur me ligj dhe se shqiptarët janë faktor shtetëformues!

Që mashtrimi të jetë i klasit të parë, funksionarët e BDI-së i kanë mashtruar edhe faktorin ndërkombëtar por edhe kryeministrin shqiptar.
Shum keq më ka ardhur kur e dëgjoja Edi Ramën si kryeministër i dezinformuar paturpësisht nga Ali Ahmeti dhe Artan Grubi, të flasë me iluzione, se gjoja “është realitet se në RMV shqiptarët jetojnë me të gjitha të mirat e Zotit, me gjuhë, me flamur, me shkolla shqipe dhe pa dallime prej të tjerëve dhe me mirëqenie të plotë”.

Por nëse shteti shqiptar do të bënte një shqyrtim tepër të vogël, do ta vërente se gjuha shqipe në institucione nuk përdoret si gjuhë zyrtare me ligj por si gjuhë e përkthyer, andaj varet nga vullneti individual i funksionarit si do e zbatojë, derisa BDI, dhjetëra herë ka festuar dhjetëra data të ndryshme se gjuha shqipe është legale.

Edhe më e turpshme është situata me flamurin kombëtar, përveç se nuk mund të përdoret në të gjitha poret e shtetit dhe në të gjitha eventet dhe mnifestimet, edhe atëherë kur mund të përdoret duhet të duket si “xhuxh” karshi flamurit shtetëror, pasi BDI me një gjysmë ligj ashtu e ka vendosur që flamuri shqiptar të duket më i vogël se ai shtetëror!

Për këto arsye ndodhi edhe ajo në Shtip me Ballistët! Sepse deri më sot askush nuk ka mbajtur përgjegjësi për mospërdorimin gjuhës ose përdhosjen e flamurit shqiptarë.

Edhe pse u pa qartë se kjo ngjarje ishte organizuar nga BDI dhe LSDM, me qëllim për të provokuar incidente ndëretnike, ku siç është mësuar BDI, nga kët incidente të përfitojë Artani, Aliu dhe Venkoja, e të dëmtohen qytetarët. Nuk e arsyetoj as neglizhencën e insitucioneve përkatëse për zbardhjen e rastit dhe ndëshkimin e rasteve të këtilla, andaj kërkoj që sa më shpejtë që është e mundur, personat përkatës të dalin para organeve të drejtësisë, në të kundërtën dëshmohet se shteti nuk ka vullnet dhe kapacitet që të jetë i barabartë për të gjithë!

Sjellja e këtillë do të detyrojë shqiptarët një mënyrë të re të rregullimit shtetëror për të garantuar të drejtat e tyre. Boll më diskriminimit dhe majorizimit.

Kuptohet se përgjegjësi kryesor për gjendjen e këtillë të shqiptarëve mbetet BDI dhe Ali Ahmeti, sepse edhe pas konfliktit të vitit 2001, nuk arritën që shqiptarët ti ngrenë as në nivelin e të drejtave që shqiptarët i kishin me Kushtetutën e vitit 1974 të SFRJ-së.

Ky është realiteti, të tjerat kanë vetëm broçkulla dhe hedhje hi në sy të qytetarëve shqiptarë!, ka përfunduar Azizi.

Continue Reading

Lajme

Ademi: Dëshira për eliminimin e BDI-së, mision dështuar i Mickoskit

Published

on

By

BDI nuk është fenomen i përkohshëm që mund të “fshihet” me një fjali televizive. BDI është themel i shtetit të përbashkët dhe garanci e stabilitetit. Ne jemi arkitektët e arritjeve më të mëdha të vendit: anëtarësimit në NATO, nisjes së negociatave me Bashkimin Evropian, avancimit të të drejtave gjuhësore, kulturore dhe politike të shqiptarëve dhe komuniteteve të tjera! Këto janë të vërteta që nuk i zbeh asnjë fjalim i improvizuar politik. Kështu ka thënë sot nënkryetari i BDI-së, Arbër Ademi, ndërsa i është përgjigjur kryeministrit Mickoski, i cili mbrëmë tha se “zgjedhjet e 19 tetorit janë shans për eliminimin e BDI-së nga skena politike”.

“Sot jemi këtu për të theksuar se Bashkimi Demokratik për Integrim shpreh keqardhje të thellë për deklaratat e Kryeministrit Mickoski, i cili në vend që të fokusohet në problemet reale të qytetarëve, obsesionohet me eliminimin e BDI-së nga skena politike. Kjo nuk është thjesht deklaratë kundër një partie, por përpjekje e hapur për ta delegjitimuar zërin politik të shqiptarëve në këtë shtet”, ka thënë Ademi, ndërsa ka shtuar se BDI nuk është fenomen i përkohshëm që mund të “fshihet” me një fjali televizive.

“BDI është themel i shtetit të përbashkët dhe garanci e stabilitetit. Ne jemi arkitektët e arritjeve më të mëdha të vendit: anëtarësimit në NATO, nisjes së negociatave me Bashkimin Evropian, avancimit të të drejtave gjuhësore, kulturore dhe politike të shqiptarëve dhe komuniteteve të tjera! Këto janë të vërteta që nuk i zbeh asnjë fjalim i improvizuar politik. Kur z. Mickoski flet për ‘eliminimin e BDI-së’, në fakt flet për eliminimin e organizimit të shëndosh politik të një komuniteti të tërë që përfaqësohet denjësisht nga ne. Ky është mentalitet i rrezikshëm që kthen retorikën e vjetër nacionaliste, të cilën shqiptarët dhe maqedonasit e përgjegjshëm e refuzuan që nga viti 2001, me arritjen e Marrëveshjes Paqësore të Ohrit”.

Shqiptarët, sipas Ademit, nuk fshihen nga historia e as nga politika. “Ne kemi derdhur gjak për këtë vend, kemi dhënë besën për stabilitet dhe kemi ndërtuar ura për integrimin euroatlantik. Këtë kontribut askush nuk mund ta mohojë, e aq më pak ta eliminojë. Prandaj, ne i themi Mickoskit se misioni i tij është i destinuar të dështojë, misioni i tij është i pamundur. Sa më shumë që ai flet për zhdukjen e BDI-së, aq më shumë qytetarët mobilizohen për ta mbrojtur përfaqësimin e tyre politik dhe për ta forcuar BDI-në si garanci të barazisë dhe të ardhmërisë evropiane të vendit”.

Bashkimi Demokratik për Integrim, ka vijuar më tej Ademi, do të vazhdojë rrugën e vet, misionin e vet dhe vizionin e vet: barazi e plotë, integrim i plotë në Bashkimin Evropian dhe stabilitet i qëndrueshëm në vend. “Shqiptarët nuk eliminohen – shqiptarët janë faktor vendimtar, dhe BDI është adresa e tyre politike”.

Continue Reading

Lajme

ASH: Rritet ndikimi i “Botës Serbe” në Maqedoni përmes projekteve hoteliere

Published

on

By

Aleanca për Shqiptarët shpreh shqetësim të thellë lidhur me promovimin dhe përkrahjen që pushteti aktual i jep projekteve të lidhura me figura dhe struktura që hapur përfaqësojnë interesat e “Botës Serbe” dhe ndikimin rus në rajon.

“Takimi i kryeministrit Hristijan Mickoski me aktorin serb Millosh Bikoviç, i cili së fundmi ka marrë shtetësinë ruse me dekret të presidentit Vladimir Putin dhe ka qenë i pritur prej tij për rolin në filmin propagandistik ‘Kufiri Ballkanik’, është sinjal alarmant për drejtimin ku po shkon vendi”, thonë nga Aleanca për Shqiptarët.

Sipas partisë, plani për investim në një kompleks hotelierik dhe rekreativ në Berovë, nën petkun e zhvillimit ekonomik dhe turizmit, “në fakt është pjesë e rrjetëzimit strategjik të projekteve që i shërbejnë përhapjes së narrativës dhe ndikimit të ‘Botës Serbe’ në Maqedoninë e Veriut. Ky projekt nuk mund të shihet i izoluar, por duhet të vendoset në kontekstin e përpjekjeve të Beogradit dhe Moskës për të konsoliduar praninë e tyre politike, ekonomike dhe kulturore në vend”.

Aleanca për Shqiptarët paralajmëron se çdo tentativë për të kthyer Maqedoninë e Veriut në fushë veprimi të interesave të huaja hegjemoniste “është në kundërshtim me orientimin euroatlantik të shtetit dhe rrezikon sigurinë kombëtare, stabilitetin dhe të ardhmen e qytetarëve tanë”.

Në këtë kontekst, partia kritikon heshtjen e VLEN-it:
“VLEN-i po qëndron në heshtje për këtë çështje kritike, duke u fshehur pas pallavrat e së kaluarës dhe duke shmangur çdo përgjegjësi konkrete. Ndërkohë që ndikimi i ‘Botës Serbe’ dhe projekteve me përkrahje ruse po shtohet në vend, VLEN-i duket më i interesuar të manipulojë opinionin me histori të kaluara sesa të reagojë ndaj zhvillimeve reale që rrezikojnë sovranitetin dhe orientimin perëndimor të Maqedonisë së Veriut. Heshtja e tyre tregon një mungesë të qartë vizioni dhe angazhimi për të mbrojtur interesat kombëtare”, theksojnë nga Aleanca për Shqiptarët.

Partia siguron se do të mbetet në ballë të përpjekjeve për të mbrojtur sovranitetin, orientimin perëndimor dhe interesat e shqiptarëve dhe të gjitha komuniteteve që besojnë në një Maqedoni të lirë dhe demokratike.

Continue Reading

Lajme

Blerant Ramadani nga Saraji: Numri i votave do të jetë 3 me 1 në favorin tonë

Published

on

By

Kandidati për kryetar të Komunës së Sarajit, Blerant Ramadani, gjatë një takimi me qytetarët në Bukoviq, ka deklaruar se zgjedhjet e 19 tetorit janë një mundësi për qytetarët që të dërgojnë mesazh të qartë qeverisë aktuale.

“Më 19 tetor ju nuk votoni Blerantin, ju votoni për t’i treguar kësaj qeverie se nuk e ka mirë, dhe duhet të ketë ndryshim. Në momentin kur ne do të kemi rezultatin për listat e këshilltarëve, numri i votave në përgjithësi do të jetë 3 me 1”, u shpreh Ramadani.

Ai theksoi se synimi i tij është kthimi i dinjitetit për qytetarët e Sarajit dhe vetëdijesimi i institucioneve qendrore se, sipas tij, kanë bërë gabime të shumta.

“Bashkë për ta kthyer dinjitetin! Për t’i vetëdijesuar edhe këta vëllezërit tanë në qeveri se e kanë shumë gabim”, shtoi më tej ai.

Ramadani premtoi gjithashtu se brenda dy viteve të para të mandatit, nëse fiton zgjedhjet, do të zgjidhen problemet themelore në çdo vendbanim të komunës.

Continue Reading

TOP Lajme