Përderisa Ministria e Financave ka refuziar pëlqimet për shndërrimin e kontrave mbi vepër në marrëdhënie të rregullt pune në Qendrln Klinike të Tetovës, në të njëjtën kohë kjo ministri ka dhënë pëlqimin për punësimin e 124 personave në Spitalin e Prilepit. Të njëjtit deri më tani kanë punuar me kontrata mbi vepër. Midis tyre janë 21 mjekë të përgjithshëm.

Sipas drejtorit të spitalit të Prilepit, Kire Jonoski, kjo në masë të madhe e tejkalon problemin me personelin mjekësor dhe do të thotë ndërtim për të ardhmen.

“Morëm miratim për punësim nga Ministria e Financave për të gjithë 124 personat që ishin me marrëveshje. Shpalljet do të publikohen nesër. Pra, spitali i Prilepit do të punësojë 21 mjekë, 49 infermierë dhe kuadër tjetër mjekësor. Së bashku me tetë specializantët e mëparshëm dhe mjekët që i transformuam nga kujdesi shëndetësor privat në atë publik, kjo do të thotë se vetëm këtë vit do të punësohen 30 mjekë të përgjithshëm. Ky është një numër i madh. Përveç investimeve në pajisje, po investojmë edhe në potencialin njerëzor. Me ata 30 mjekë, kemi të ardhme”, tha Kire Jonoski, drejtor i Spitalit të Përgjithshëm me Kompetencë të Zgjeruar – Prilep, në konferencën e sotme për shtyp për një donacion për Spitalin.

Në fazën e dytë do të punësohen rreth 10 specializantë. Sa i përket problemit me numrin e specialistëve në reparte, siç tha ai, është një problem si në institucionet e tjera të shëndetit publik.

“Duhet kohë që mjekët ta përfundojnë specializimin. Prandaj është e rëndësishme që kemi punësuar 21 mjekë të përgjithshëm të cilët do të vazhdojnë specializimin e tyre, duke ndërtuar kështu kuadrin profesional”, tha drejtori i spitalit të Prilepit Jonoski./Koha.mk/

Flaka editorial

Në një përpjekje të tejdukshme për të deformuar narrativën politike dhe për të zhvendosur vëmendjen nga realiteti aktual, zëvendëskryeministri Arben Fetai ka dalë me një deklaratë tendencioze dhe të pabazë, ku përpiqet t’ia faturojë qeverisë së kaluar ndikimin e ashtuquajtur “Bota Serbe” në Maqedoninë e Veriut. Duke u thirrur në Raportin e Parlamentit Evropian për periudhën 2023–2024, Fetai sulmon Ministrin e atëhershëm të Punëve të Jashtme, Bujar Osmanin, për gjoja heshtje ndaj këtij fenomeni – një akuzë që bie ndesh me faktet.

Së pari, është ironike që kjo kritikë vjen nga një përfaqësues i një qeverie ku ndodhet edhe Ivan Stoilkovic – një figurë e njohur për afërsinë me narrativën nacionaliste serbe dhe i cili, gjatë mandatit të tij si zëvendëskryeministër, solli në Shkup as më pak e as më shumë se vetë Milorad Dodikun – simbolin e politikës destabilizuese të “Botës Serbe” në rajon. Për këtë veprim provokues, z. Fetai nuk e ka kërkuar asnjëherë dorëheqjen e partnerit të tij qeveritar. Heshtje totale.

Pra, si mundet dikush që bashkëqeveris me përfaqësues të linjës pro-serbe, të akuzojë një ministër shqiptar për nxitje të po të njëjtit projekt?

Së dyti, pretendimi se Bujar Osmani nuk ka zhvilluar takime me përfaqësues të Kosovës është një tjetër e pavërtetë që bie shpejt në ujë. Bujar Osmani ka takuar homologen e tij kosovare Donika Gërvalla në disa raste zyrtare dhe ka pasur komunikim të vazhdueshëm me udhëheqësit më të lartë të Republikës së Kosovës, përfshirë kryeministrin Albin Kurti. Deklaratat e Fetait janë, si shumë herë më parë, të ndërtuara mbi përçartje politike që më tepër i shërbejnë krijimit të tymnajës sesa ndriçimit të së vërtetës.

Fetai, i njohur për retorikën e tij kontradiktore dhe kalkulimet e gabuara politike, vazhdon të veprojë në mënyrën më të vjetër të politikës: shpall fajtorë të tjerët për mëkatet që ai dhe qeveria e tij po i jetojnë në të tashmen.

Në fakt, pikërisht qeveria aktuale, ku VLEN-i mban poste kyçe, ka treguar një butësi të pakuptueshme ndaj shtrirjes së ndikimit serb në institucionet shtetërore. Ishte vetë Arben Taravari, lider i Aleancës për Shqiptarët dhe një nga ish-arkitektët e kësaj qeverie, që dha alarmin: Qeveria e VMRO-VLEN është kthyer në “fole të Botës Serbe”.

A thua vallë, kur flasin ndërkombëtarët, opozita shqiptare dhe vetë partnerët e tij politikë për rrezikun serb në vend, të gjithë janë të gabuar – dhe vetëm Arben Fetai ka të drejtë?

Në përpjekje për të mbuluar paaftësinë e qeverisë aktuale në ruajtjen e integritetit shtetëror dhe avancimit të pozitës së shqiptarëve, Fetai përpiqet të krijojë alibi politike duke sulmuar figura që janë pranuar ndërkombëtarisht për seriozitet dhe rezultate. Por propaganda e zbrazët nuk mund të mbulojë dështimet konkrete.

E vërteta është kjo: Bota Serbe është më aktive sot se kurrë. Dhe përgjegjës për këtë janë ata që janë sot në pushtet – jo ata që për vite luftuan për orientimin euroatlantik të vendit dhe për avancimin e pozitës shqiptare në arenën ndërkombëtare.

Ministri i Shëndetësisë, Azir Aliu sot ka vizituar 155 të punësuarit në spitalin e Tetovës ku ka premtuar se pas nënshtrimit të testit administrativ, infermiereve do t’u jepen kontrata të papërcaktuara, njofton Top24.mk

Por në bazë të Ligjit për të punësuarit në sektorin publik neni 34, paragrafi 3, nën paragrafi 1 ku bëjnë pjesë të punësuarit shëndetësorë dhe në në bazë të nenit 41 dhe 44 të po të njëjtit ligj, të gjitha punësimet realizohen përmes shpalljes publike.

Por, që një institucion të shpall konkurs publik paraprakisht duhet të ketë përgatitur plan punësimi dhe të ketë marrë pëlqim për të njëjtin nga Ministria për Administratë. Më pas, për çështjen e mbulimit të financave të këtij plani, duhet të marrë pëlqim edhe nga Ministria e Financave.

Pas kompletimit të fazës së parë, institucioni publikon thirrje (konkurs) përmes agresionit për administratë dhe shpall konkursin në 3 gazeta ditore, procedurë që zgjatë 15 ditë.

Pas kësaj faze vazhdon faza e selektimit, faza e testimit dhe në fund faza e intervistës që gjithsej duhet së paku 35 ditë duke mos i llogaritur ditët sa zgjat shpallja.

Por, pas kësaj faze aplikuesit kanë të drejtë edhe ankese ndaj vendimeve të marra dhe kjo mund të ndodh brenda 7 ditëve.

Megjithatë, ky proces pritet të bllokohet ngaqë vendi pritet t’i nënshtrohet procesit zgjedhor. Më 8 gusht, kryetari i Kuvendit, Afrim Gashi pritet t’i shpallë zgjedhjet lokale dhe siç parashihet edhe me ligj, nga momenti i shpalles së zgjedhjeve lokale deri në përfundimin e tyre, ndalohen punësimet dhe avansimet në sektorin publike.

Nga sot deri në ditën e shpalljes së zgjedhjeve na ndajnë jo më shumë se 13 ditë.