Deputeti i Koalicionit VLEN, Rijad Shaqiri, sot në Komisionin për Zgjedhje dhe Emërime, ka deklaruar se formula e ndarjes së pozicioneve bëhet në kuadër të një partneriteti dhe koalicioni qeverisës.

Shaqiri duke ju përgjigjur akuzave nga Ilire Dauti, tha se marrëveshjet nuk mund të jenë ideale asnjëherë dhe gjithmonë ka hapësirë për komente dhe përmirësime. Sipas tij, as kjo marrëveshje me VMRO-në si VLEN, por as marrëveshje mes Aleancës për Shqiptarët dhe LSDM-së para tre viteve nuk ishte ideale dhe kishte hapësirë për kritikë.

“Sigurisht që të kujtohet që unë isha i vetmi në kuadër të kryesisë qendrore kundër marrëveshjes për qeverisje me LSDM-në. Atë kohë pata apostrofuar se po marrim institucione të caktuar kanë humbje të mëdha financiare mirëpo. Por përkundër që unë isha kundër, ajo marrëveshje u bë dhe vazhdoj qeverisja, sot jemi në një gjendje krejtësisht tjetër. Kështu që edhe unë kisha dashtë që ky pozicion t’i kishte takuar Koalicionit VLEN dhe sot ta kishim zgjedh bashkë zonjën Besa, por që qeverisje është me kompromise dhe partneritetet, ndarjet e pozicioneve, janë ato të cilët destinojnë përzgjedhjen apo emërimet në vendet e caktuara”, tha në fund Shaqiri.

Deputeti i Koalicionit VLEN, Rijad Shaqiri, sot në Komisionin Parlamentar për Çështje të Zgjedhjeve dhe Emërimeve, ku si rend dite ishte zgjedhja e drejtorit të Agjencisë për Cilësi në Arsimin e Lartë, ka deklaruar se ai si përfaqësues i Koalicionit VLEN, ka përkrahur dhe ka votuar kandidaten Besa Kadriu.

Shaqiri ka folur se në politikë kemi kompromise dhe marrëveshje politike, prandaj nuk duhet të ngritët pluhur pa nevojë. Shaqiri duke ju përgjigjur deputetes së Frontit Europian Ilire Dauti, tha se zonja Kadriu ka qenë profesioniste edhe para dy viteve kur ata si ASH kanë hyrë në Qeveri, por në atë kohë zonja Ilire Dauti nuk e propozoi në asnjë pozitë profesoreshën Besa Kadriu.

“Nuk dua të bëjë blof politik mirëpo dua ta përshkruaj një gjë reale, pasi në atë kohë ASH, nga krahu që tani është në Frontin Europian propozonin njerëzit më të besuar të strukturës së caktuar të ASH-së, të cilët jepnin raporte në Lidhavi të Strugës dhe jo në vendin te duhur. Askush nuk e ka të drejtën mua të më thotë se zonja Besa, pse paska dhënë një deklaratë kundër dikujt, unë të mos e mbështesë. Ajo ka votën dhe mbështetjen time morale në përzgjedhjen e këtij funksioni”, u shpreh Shaqiri.

Me rastin e 2 Prillit – Ditës Botërore të Ndërgjegjësimit për Autizmin, kryetari i Komunës së Gostivarit, Valbon Limani, vizitoi qendrën “Blue Puzzle”.

“Në këtë ditë të veçantë, vizituam Qendrën për Autizëm ‘Blue Puzzle’, ku patëm një bisedë të këndshme me Valonin, i cili udhëheq këtë qendër. Komuna e Gostivarit, në shenjë mbështetjeje, dhuron mjete didaktike në vlerë prej 60.000 denarësh,” u shpreh kryetari Limani.

Ai gjithashtu theksoi rëndësinë e kësaj dite, duke nënvizuar respektin, pranimin dhe përfshirjen e personave me autizëm si pjesë e pandashme e shoqërisë sonë.

Kryetari Limani vizitoi edhe Klasën Speciale për fëmijët me nevoja të veçanta në shkollën “Ismail Qemali”, ku edhe vetë shkolla organizoi aktivitete për të shënuar Ditën Botërore të Autizmit.