Lajme

Arben Taravari, simbol i përkushtimit në krizën shëndetësore pas tragjedisë në Koçan

Published

3 weeks ago

March 18, 2025

I N

Ministri i Shëndetësisë, Arben Taravari, është një nga ministrat që ka treguar angazhim të jashtëzakonshëm që nga dita kur në Koçan u shënua një nga tragjeditë më të rënda në Maqedoni të Veriut.

Dërisa aktorët kryesor të politikës janë përfshira në thashetheme dhe shkëmbim akuzash në lidhje me përgjegjësinë e tragjedisë, Taravari ka qëndruar jashtë çdo diskursi të këtij lloji dhe ka fokusuar çdo energji të tij në mbështetje të të lënduarve nga kjo tragjedi.

Ai ka qenë një nga figurat më aktive dhe të pranishme, duke iu përgjigjur me shpejtësi dhe profesionalizëm nevojave të emergjencës që lindën pas kësaj ngjarjeje tragjike.

Që nga dita e parë, Ministri Taravari është angazhuar për mobilizimin e spitaleve dhe koordinimin e institucioneve shëndetësore për trajtimin e pacientëve të lënduar. Me kujdes të veçantë, ai ka mbështetur përpjekjet për ofrimin e ndihmës mjekësore dhe ka siguruar që të gjitha strukturat të jenë të gatshme për t’u përballur me çdo kërkesë.

Ndërsa gjatë ditës së sotme, Taravari ka vizituar të lënduarit në spitalet e Selanikut në Greqi, duke demonstruar angazhimin e tij për të siguruar ndihmë dhe mbështetje për të gjithë ata që janë prekur nga kjo tragjedi. Ndërsa menjëherë është nisur drejt Sofjes për ti vizituar të lënduarit tjerë që po trajtohen në këtë shtet.

Një nga veçoritë më të spikatura të Ministrit Taravari ka qenë angazhimi i tij për të mbajtur publikun të informuar vazhdimisht për gjendjen e të lënduarve. Ai ka qenë gjithmonë transparent me mediat, duke dhënë njoftime të rregullta dhe madje duke realizuar intervista dhe prononcime të drejtpërdrejta nga makina e tij private, për të siguruar informacion të saktë dhe të shpejtë.

Me këto aktivitete Taravari del të jetë ministri më i zëshëm në gjithë këtë tragjedi që të le pa fjalë, jo vetëm për shkak të dikasterit që e obligon por edhe ajo që mbi çdo interes tjetër është qytetari dhe jeta e tij.

Daljet publike të Taravarit i komentoi edhe gazetarja e njohur Katerina Sinadinovka e cila tha se ai është shembull i komunikimit profesional me publikun.

Lajme

Murtezani: Po punojmë me dinamikë në shkrirjen e VLEN-it në një subjekt politik

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, ka folur rreth shkrirjes eventuale të VLEN-it në një parti. Murtezani tha se Koalicioni VLEN nuk është kukull në qeveri, normalisht e kemi parasysh peshën politike të VMRO-së, por deri sa ne mbetemi konsistent në marrëveshjen politike dhe ajo realizohet pavarësisht dinamikës, nuk kemi të bëjmë me ndonjë problem.
“Integrimi i VLEN-it në një parti ka filluar më herët, me krijimin e një qendre të përbashkët të komunikimit, me grupin e përbashkët parlamentar, kryesin e përbashkët. Por nuk është lehtë që katër parti me katër strukture të ndryshme dhe me një background të ndryshim nuk është e lehtë të bëhet. Prandaj kësaj pune ju kemi qasur me një dinamikë më të kujdesshëm dhe një plan të detajuar”, tha Murtezani.
Ministri Murtezani tha se VLEN-i është krijuar si antipod i BDI-së dhe ata janë duke e luftuar korrupsionin dhe janë duke e institucionalizuar çështjen shqiptare.

Lajme

Murtezani: Rasti i RMV-së është i vetmi që kemi veto mbi çështjet e identitetit

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, ka deklaruar se procesi i bisedimeve për anëtarësim në BE, që kur ekziston BE-ja, asnjëherë nuk është dizajnuar të rrjedhin bisedimet mbi çështjet historike, të identitetit dhe atë gjuhësor.

“Asnjë vend i BE-së që është anëtar apo kandidat nuk kanë negociuar dhe nuk negociojnë për identitet dhe gjuhë, përveç se rasti i Maqedonisë së Veriut. Kjo nuk është e drejtë dhe ne duhet t’i mirëkuptojmë bashkëqytetarët tanë”, tha Murtezani.

Ai shtoi se ka disa kombinacione të mundshme dhe në një afat të shkurt mund të bëhen publike.
“Ne duhet të bëjmë kthimin e negociatave në rrugën e reformave dhe harmonizimit të ligjeve me BE-në dhe në përmbushjen e kritereve dhe nuk duhet të jenë në çështjet identitetare dhe gjuhësore”, tha Murtezani.

Lajme

Murtezani: Stërzgjatja e procesit të integrimit ka emër – BDI

Published

8 hours ago

April 11, 2025

I N

Ministri për Çështje Evropiane, Orhan Murtezani, në intervistën e tij të fundit në gazetën LAJM, është shprehur se procesi për integrimin e vendit në BE po stërzgjatet. Ai tha se kur në vitin 2005 Maqedonia e fitoi statusin kandidat kam pasur 21 vite, ndërsa tani po mbushi 41 dhe ne ende nuk jemi anëtarë të BE-së.

“Por stërzgjatja e këtij procesi dhe faji për këtë ngecje ka emër dhe është subjekti politik i cili me 24 qershor 2024 e dërguam në opozitë. Në vitin 2013 Maqedonia ka pasur gjasa reale bashkë me Kroacinë për t’u bërë anëtare e BE-së. Por kasta politike asnjëherë nuk e ka pasur prioritet absolut integrimin e vendit në BE. Sikur ta kishte pasur ne nuk do t’i kishim huqur të gjithë rastet historike që i kemi pasur”, tha Murtezani.